ന്യൂഡൽഹി: ചാമ്പ്യന്‍സ് ട്രോഫിക്കുള്ള 15 അംഗ ഇന്ത്യൻ ടീമിനെ പ്രഖ്യാപിച്ചു. മലയാളി താരം സഞ്ജു സാംസണ്‍ ടീമില്‍ ഉള്‍പ്പെടാത്തതില്‍ ആരാധകര്‍ കടുത്ത നിരാശയിലാണ്. കെ.എല്‍ രാഹുലും റിഷഭ് പന്തുമായിരുന്നു വിക്കറ്റ് കീപ്പര്‍മാരായി ടീമിലിടം നേടിയത്. അവസാന ടി20 ലോകകപ്പില്‍ സഞ്ജു ഇന്ത്യന്‍ ടീമിന്‍റെ ഭാഗമായിരുന്നു. ഈ ടീം കപ്പ് നേടുകയും ചെയ്‌തു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
2023 ഡിസംബർ 21 ന് പേളിൽ ദക്ഷിണാഫ്രിക്കയ്‌ക്കെതിരെയാണ് സഞ്ജു സാംസൺ ഇന്ത്യയ്‌ക്കായി അവസാന ഏകദിന മത്സരം കളിച്ചത്. ഇതില്‍ സഞ്ജു മിന്നുന്ന സെഞ്ച്വറി നേടിയിരുന്നു. 108 റൺസിന്‍റെ തകര്‍പ്പന്‍ ഇന്നിംഗ്‌സ് സെഞ്ച്വറിയായിരുന്നു. അതിനുശേഷം ഏകദിന ടീമിൽ അവസരം ലഭിച്ചിട്ടില്ല.
2021 ജൂലൈ 23ന് കൊളംബോയിൽ ശ്രീലങ്കയ്‌ക്കെതിരായാണ് ഏകദിനത്തിലെ അരങ്ങേറ്റം. ഇന്ത്യക്കായി 16 മത്സരങ്ങളിൽ 14 ഇന്നിംഗ്‌സുകളിൽ നിന്ന് 510 റൺസാണ് സഞ്ജു നേടിയത്. ഇതിൽ ഒരു സെഞ്ചുറിയും 3 അർധസെഞ്ചുറിയും ഉൾപ്പെടുന്നു.
Sanju Samson on a roll! 💥
— BCCI (@BCCI) October 12, 2024
A MAXIMUM over extra-cover off the back foot 🔥
Live - https://t.co/ldfcwtHGSC#TeamIndia | #INDvBAN | @IDFCFIRSTBank pic.twitter.com/ZXyetT2T1U
എന്നാല്‍ ഒരു വിക്കറ്റ് കീപ്പർ ബാറ്റര്‍ എന്ന നിലയിൽ സഞ്ജു സെലക്ടർമാരുടെയും ക്യാപ്റ്റന്‍റേയും ആദ്യ ചോയ്‌സ് ആയിരുന്നില്ല. ഒന്നാം വിക്കറ്റ് കീപ്പറായി ഋഷഭ് പന്ത് തിരഞ്ഞെടുക്കപ്പെട്ടപ്പോൾ രണ്ടാം വിക്കറ്റ് കീപ്പറായി കെ എൽ രാഹുലിന് ടീമിൽ ഇടം നൽകി. ഇത്തരമൊരു സാഹചര്യത്തിൽ സഞ്ജുവിന് ഇടം നേടാനായില്ല.
ഏകദിന ക്രിക്കറ്റിലെ സ്ഥിതിവിവരക്കണക്കുകളുടെയും അനുഭവസമ്പത്തിന്‍റേയും കാര്യത്തിൽ പന്തും രാഹുലും സഞ്ജുവിനെ മറികടന്നു. കൂടാതെ വിജയ് ഹസാരെ ട്രോഫിയില്‍ നിന്നും സഞ്ജു വിട്ടുനിന്നതും താരത്തിന് വിനയായി മാറി.
അതിനിടെ സഞ്ജുവിന് വേണ്ടി ആരാധകർ തങ്ങളുടെ രോഷം പ്രകടിപ്പിച്ചു. സഞ്ജുവിനെ ടീമിലേക്ക് തിരഞ്ഞെടുക്കാത്തത് പകപോക്കലിന്‍റെ ഭാഗമാണെന്ന് ഒരു ഉപയോക്താവ് എക്‌സില്‍ കുറിച്ചു. ഇതു അനീതിയാണെന്നും വലിയ തെറ്റായി പോയെന്നും ആരാധകര്‍ വിമര്‍ശനം ഉന്നയിച്ചു.
No Sanju Samson is India's squad for 2025 Champions Trophy.💔💔💔 pic.twitter.com/uxomRstFk7
— Ambarish (@vidyaambu11) January 18, 2025
ചാമ്പ്യൻസ് ട്രോഫിക്കുള്ള ഇന്ത്യൻ ടീം: രോഹിത് ശർമ (ക്യാപ്റ്റൻ), ശുഭ്‌മന്‍ ഗിൽ (വൈസ് ക്യാപ്റ്റൻ), യശസ്വി ജയ്സ്വാൾ, ശ്രേയസ് അയ്യർ, വിരാട് കോലി, ഋഷഭ് പന്ത്, കെ.എൽ. രാഹുൽ, ഹാർദിക് പാണ്ഡ്യ, അക്ഷർ പട്ടേൽ, വാഷിങ്ടൻ സുന്ദർ, കുൽദീപ് യാദവ്, ജസ്പ്രീത് ബുംറ, മുഹമ്മദ് ഷമി, അർഷ്ദീപ് സിങ്, രവീന്ദ്ര ജഡേജ.
