ആയുഷ്‌മാൻ ഭാരത് പ്രധാൻ മന്ത്രി ജൻ ആരോഗ്യ യോജനയുടെ (AB-PMJAY) ആറാം വാർഷികം നമുക്ക് അഭിമാനത്തിന്‍റെ നിമിഷമാണ്. 2018 സെപ്റ്റംബറിൽ നമ്മുടെ പ്രധാനമന്ത്രി നരേന്ദ്ര മോദിയുടെ ദർശനാത്മകമായ നേതൃത്വത്തിൽ ആരംഭിച്ച AB-PMJAY ലോകത്തിലെ ഏറ്റവും വലിയ ആരോഗ്യ സംരക്ഷണ സംരംഭങ്ങളിലൊന്നായി വളർന്നിരിക്കുകയാണ്. എല്ലാ പൗരന്മാർക്കും, വിശേഷിച്ചും സമൂഹത്തില്‍ ദുർബലരായവര്‍ക്ക് തുല്യമായ ആരോഗ്യ പരിരക്ഷ ലഭ്യമാക്കാനുള്ള ഈ സർക്കാരിന്‍റെ പ്രതിബദ്ധതയാണ് പ്രസ്‌തുത പദ്ധതി.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
കഴിഞ്ഞ ആറ് വർഷമായി, ഈ അഭിലാഷ പദ്ധതി ദശലക്ഷക്കണക്കിന് ജീവിതങ്ങളെ സ്‌പർശിച്ചു. അവര്‍ക്ക് പ്രത്യാശയും രോഗശാന്തിയും പലപ്പോഴും ജീവന്‍ രക്ഷയും നല്‍കി. ജനങ്ങളുടെ ആരോഗ്യവും ക്ഷേമവും മെച്ചപ്പെടുത്തുക എന്ന ലക്ഷ്യവുമായി ഒരു രാഷ്‌ട്രം ഒന്നിക്കുമ്പോൾ എന്ത് നേടാനാകും എന്നതിന്‍റെ തെളിവാണ് AB-PMJAY യുടെ യാത്ര.
ഹെൽത്ത് കെയർ ആക്‌സസിന്‍റെ രൂപാന്തരം
ആയുഷ്‌മാൻ ഭാരതിന്‍റെ കാതലായ ദൗത്യം ലളിതവും എന്നാൽ ആഴമേറിയതുമാണ്. ഒരു ഇന്ത്യക്കാരനും അവരുടെ സാമ്പത്തിക സ്ഥിതി കാരണം ആരോഗ്യ പരിരക്ഷ നിഷേധിക്കപ്പെടുന്നില്ലെന്ന് ഉറപ്പാക്കുക എന്നതാണ് ആ ലക്ഷ്യം. ദ്വിതീയ, തൃതീയ ആശുപത്രി പരിചരണത്തിനായി ഒരു കുടുംബത്തിന് 5 ലക്ഷം രൂപയുടെ വാർഷിക കവറേജുള്ള AB-PMJAY, സാമ്പത്തികമായി പിന്നാക്കം നിൽക്കുന്ന കുടുംബങ്ങൾക്ക് രാജ്യത്തെ ഏറ്റവും മികച്ച ചില ആശുപത്രികളിൽ ഗുണനിലവാരമുള്ള വൈദ്യസഹായം സൗജന്യമായി ലഭ്യമാക്കുന്നു.
This Day, That Year!
— Ministry of Health (@MoHFW_INDIA) September 23, 2024
On 23rd September 2018, Prime Minister Shri @narendramodi launched Ayushman Bharat Pradhan Mantri Jan Arogya Yojana, marking a transformative shift in healthcare. The scheme promised top-class, affordable healthcare for the poor.
Today, as we celebrate 6… pic.twitter.com/nbnWvEsgDL
70 വയസും അതിന് മുകളിലും പ്രായമുള്ള എല്ലാ മുതിർന്ന പൗരന്മാർക്കും അവരുടെ സാമൂഹിക-സാമ്പത്തിക നില പരിഗണിക്കാതെ തന്നെ AB PM-JAY യുടെ ആനുകൂല്യങ്ങൾ വിപുലീകരിക്കാനുള്ള ഇന്ത്യ ഗവൺമെന്‍റിന്‍റെ സമീപകാല തീരുമാനം, രാജ്യത്ത് മാറിക്കൊണ്ടിരിക്കുന്ന ജനസംഖ്യ കണക്കിലെടുക്കുന്ന ഒരു സൂക്ഷ്‌മ നടപടിയാണ്. നേരത്തെ, ഞങ്ങളുടെ കമ്മ്യൂണിറ്റി ഹെൽത്ത് വർക്കർമാർ-അംഗീകൃത സോഷ്യൽ ഹെൽത്ത് ആക്‌ടിവിസ്റ്റുകൾ (ആശ), അങ്കണവാടി വർക്കർമാർ, അങ്കണവാടി ഹെൽപ്പർമാർ എന്നിവരുടെ കുടുംബങ്ങളെ പദ്ധതിക്ക് കീഴില്‍ കൊണ്ടുവന്നിരുന്നു. ഇന്നത്തെ കണക്കനുസരിച്ച്, 55 കോടിയിലധികം ആളുകൾ ഈ പദ്ധതിക്ക് കീഴിൽ ആരോഗ്യ സേവനങ്ങൾക്ക് അർഹരാണ്. കൂടാതെ ഒരു ലക്ഷം കോടി രൂപയുടെ 7.5 കോടിയിലധികം ചികിത്സകളും പദ്ധതി വഴി നടപ്പിലാക്കി.
ആരോഗ്യ ചെലവുകൾ മൂലം ദാരിദ്ര്യത്തിലേക്ക് വീഴുന്ന കുടുംബങ്ങൾക്ക് ഇപ്പോൾ അത്തരം പ്രതിസന്ധികളിൽ നിന്ന് അവരെ സംരക്ഷിക്കുന്ന ഒരു സാമ്പത്തിക കവചമുണ്ട്. ആരോഗ്യച്ചെലവുകൾ കൊണ്ട് ബുദ്ധിമുട്ടുന്ന കുടുംബങ്ങൾക്ക് ഈ പദ്ധതി ഒരു ജീവനാഡിയാണ്. കർഷകർ മുതൽ ദിവസ വേതന തൊഴിലാളികൾ വരെ ധാരാളം പേര്‍ പദ്ധതിയുടെ ഗുണഭോക്താക്കളാണ്. പദ്ധതി അവരെ സാമ്പത്തിക തകർച്ചയിൽ നിന്ന് എങ്ങനെ രക്ഷിച്ചുവെന്ന് അവര്‍ വിവരിക്കും. ഈ അർഥത്തിൽ ആയുഷ്‌മാൻ ഭാരത് അതിന്‍റെ വാഗ്‌ദാനങ്ങൾ നിറവേറ്റിയിരിക്കുകായണ്.
ഹാർട്ട് ബൈപാസ്, ജോയിന്‍റ് റീപ്ലേസ്‌മെന്‍റ് തുടങ്ങിയ സങ്കീർണ്ണമായ ശസ്‌ത്രക്രിയകൾ മുതൽ ക്യാൻസർ, വൃക്കരോഗങ്ങൾ തുടങ്ങിയ രോഗങ്ങൾക്കുള്ള ചികിത്സകൾ ഉള്‍പ്പടെ 1900-ല്‍ അധികം മെഡിക്കൽ നടപടിക്രമങ്ങൾ ഉൾക്കൊള്ളുന്ന ഈ പദ്ധതിയുടെ വ്യാപ്‌തി വളരെ സമഗ്രമാണ്. മുമ്പ് പലരും അപ്രാപ്യമെന്ന് ചിന്തിച്ചിരുന്ന ചികിത്സകളാണിവ. എന്നാൽ AB-PMJAY അവ ആക്‌സസ് ചെയ്യാവുന്നതും താങ്ങാവുന്നതും എല്ലാവർക്കും ലഭ്യമാകുന്നതുമാക്കി.
Ayushman Bharat is a TOTAL Game-Changer, here's why!
— MyGovIndia (@mygovindia) September 23, 2024
With the world’s largest health insurance scheme benefiting over 55 crore people, this initiative is changing the landscape of healthcare access and expanding to cover all citizens above 70!
Watch the transformation unfold—as… pic.twitter.com/PSc2NgFztN
മികച്ച ആരോഗ്യ പരിപാലന ശൃഖല
AB-PMJAY യുടെ മുഖമുദ്രകളിലൊന്ന് ആരോഗ്യ സംരക്ഷണ ദാതാക്കളുടെ ശക്തമായ ഒരു ശൃംഖല സൃഷ്‌ടിക്കാന്‍ കഴിഞ്ഞു എന്നതാണ്. ഇന്ന്, 13,000 സ്വകാര്യ ആശുപത്രികൾ ഉൾപ്പെടെ ഇന്ത്യയിലുടനീളമുള്ള 29,000-ല്‍ അധികം ആശുപത്രികൾ ഈ പദ്ധതിക്ക് കീഴിൽ എംപാനൽ ചെയ്‌തിട്ടുണ്ട്. ഗ്രാമങ്ങളിലും നഗരങ്ങളിലും ഒരുപോലെ ഈ ശൃംഖല വ്യാപിച്ചുകിടക്കുകയാണ്.
രാജ്യത്തിന്‍റെ ഏറ്റവും വിദൂര ഭാഗങ്ങളിൽ താമസിക്കുന്നവർക്ക് പോലും ഗുണനിലവാരമുള്ള ആരോഗ്യ സേവനങ്ങൾ ലഭ്യമാക്കാൻ കഴിയുമെന്ന് പദ്ധതി ഉറപ്പാക്കുന്നു. പദ്ധതിയുടെ സവിശേഷമായ പോർട്ടബിലിറ്റി, ഗുണഭോക്താക്കൾക്ക് സ്വന്തം സംസ്ഥാനത്തിന് അകത്തും പുറത്തുമുള്ള ഏത് നിര്‍ദിഷ്‌ട ആശുപത്രികളിൽ നിന്നും ചികിത്സ ഉറപ്പാക്കുന്നു.
ക്ലെയിം സെറ്റിൽമെന്‍റുകളിൽ സുതാര്യതയും കാര്യക്ഷമതയും വേഗതയും ഉറപ്പാക്കുന്ന ശക്തമായ ഐടി ഇൻഫ്രാസ്ട്രക്‌ചർ ഈ വിശാലമായ നെറ്റ്‌വർക്കിനെ പിന്തുണയ്ക്കുന്നുണ്ട്. ഇത്തരം വലിയ തോതിലുള്ള പൊതുജനക്ഷേമ പദ്ധതികളിൽ പലപ്പോഴും വെല്ലുവിളികളാകുന്ന വഞ്ചന, കാര്യക്ഷമതയില്ലായ്‌മ പോലുള്ള പ്രവണതകള്‍ ആധാർ അടിസ്ഥാനമാക്കിയുള്ള ബയോമെട്രിക് വെരിഫിക്കേഷനും പേപ്പർലെസ് ക്ലെയിം പ്രോസസിങ്ങും വഴി ഗണ്യമായി കുറച്ചിട്ടുണ്ട്.
ആയുഷ്‌മാൻ ഭാരതിന്‍റെ വിജയം ആരോഗ്യ സംരക്ഷണ മേഖലയുടെ മറ്റ് ഭാഗങ്ങളിലും പുരോഗതി വരുത്തിയിട്ടുണ്ട്. പദ്ധതിയുടെ അടിസ്ഥാന സൗകര്യങ്ങളും സേവനങ്ങളും നവീകരിക്കാൻ പൊതു, സ്വകാര്യ ആശുപത്രികളെ പ്രേരിപ്പിച്ചു. കൂടാതെ, ആരോഗ്യകരമായ മത്സരത്തിന്‍റെ അന്തരീക്ഷം പദ്ധതി വളർത്തിയെടുത്തു. രോഗി പരിചരണം വർധിപ്പിക്കുന്നതിന് പദ്ധതി ദാതാക്കളെ പ്രോത്സാഹിപ്പിക്കുന്നുണ്ട്.
ശ്രദ്ധ ഹോളിസ്റ്റിക് ആരോഗ്യ സംരക്ഷണത്തില്‍
ആയുഷ്‌മാൻ ഭാരത് ആശുപത്രി പരിചരണം മാത്രമല്ല. AB-PMJAY-ക്കൊപ്പം, പ്രാഥമിക ആരോഗ്യ സേവനങ്ങൾ ശക്തിപ്പെടുത്താന്‍ സർക്കാർ ആയുഷ്‌മാൻ ആരോഗ്യ മന്ദിർ (എഎഎം) കൂടെ രൂപീകരിച്ചു. ഈ ഹെൽത്ത് കെയർ സെന്‍ററുകൾ ആരോഗ്യ സംരക്ഷണത്തിൽ ശ്രദ്ധ കേന്ദ്രീകരിക്കുന്നു.
India’s Ayushman Bharat Digital Health ID launched by Prime Minister Narendra Modi is an excellent example of how digitalisation can help improve people's lives.
— BJP (@BJP4India) September 23, 2024
- Vivian Balakrishnan, Minister of Foreign Affairs in Singapore#6YearsOfAyushmanBharat pic.twitter.com/sAvmkBvYCa
രോഗ വ്യാപനങ്ങളുടെ ആകെ ഭാരം കുറയ്ക്കാൻ സഹായിക്കുന്നു. ഇതുവരെ, ഇന്ത്യയിലുടനീളം 1.73 ലക്ഷത്തില്‍ അധികം എഎഎമ്മുകൾ സ്ഥാപിച്ചിട്ടുണ്ട്. ഇത് സൗജന്യ സ്ക്രീനിങ്, ഡയഗ്നോസ്റ്റിക്‌സ്, സാധാരണ രോഗങ്ങൾക്കും പ്രമേഹം, രക്താതിമർദം, കാൻസർ തുടങ്ങിയ വിട്ടുമാറാത്ത അവസ്ഥകൾക്കുമുള്ള മരുന്നുകളും നൽകുന്നു.
കൂടുതൽ സമഗ്രമായ ആരോഗ്യ സംരക്ഷണ മാതൃകയിലേക്ക് നീങ്ങാനുള്ള ഞങ്ങളുടെ ശ്രമത്തിന്‍റെ ഭാഗമാണ് ഈ കേന്ദ്രങ്ങളൊക്കെയും. ആരോഗ്യവും നേരത്തെയുള്ള രോഗനിർണയം പ്രോത്സാഹിപ്പിക്കുന്നതിലൂടെ, ആശുപത്രിയിൽ പ്രവേശിക്കേണ്ടതിന്‍റെ ആവശ്യകത കുറയ്ക്കാനും ദീർഘകാലാടിസ്ഥാനത്തിൽ ആരോഗ്യ സംരക്ഷണം കൂടുതൽ സുസ്ഥിരമാക്കാനുമാണ് ഞങ്ങൾ ഉദ്ദേശിക്കുന്നത്.
വെല്ലുവിളികള്‍ അതിജീവിച്ച് മുന്നോട്ട്
ആയുഷ്‌മാൻ ഭാരതിന്‍റെ നേട്ടങ്ങൾ നമ്മള്‍ ആഘോഷിക്കുമ്പോൾ മുന്നിലുള്ള വെല്ലുവിളികളെയും നാം അംഗീകരിക്കണം. ഈ സ്‌കീമിന്‍റെ വ്യാപ്‌തി വളരെ വലുതാണ്. അതോടൊപ്പം പദ്ധതി നിരന്തരം പരിഷ്‌കരിക്കാനും മെച്ചപ്പെടുത്താനുമുള്ള ഉത്തരവാദിത്തവും വരുന്നുണ്ട്. പദ്ധതിയുടെ വ്യാപ്‌തി വിപുലീകരിക്കുന്നതിനും ആശുപത്രികളിലേക്കുള്ള പണമടയ്ക്കൽ കൃത്യസമയത്ത് ഉറപ്പാക്കുന്നതിനും ഓരോ ഗുണഭോക്താവിനും നൽകുന്ന പരിചരണത്തിന്‍റെ ഗുണനിലവാരം വർധിപ്പിക്കുന്നതിനും ഞങ്ങൾ നിരന്തരം പ്രവർത്തിക്കുന്നു.
സമഗ്രവും താങ്ങാനാവുന്നതും ഗുണമേന്മയുള്ളതുമായ ആരോഗ്യ പരിരക്ഷയിലേക്കുള്ള ഇന്ത്യയുടെ യാത്രയുടെ മുൻനിരയിൽ പദ്ധതി നിലനിൽക്കുന്നുവെന്ന് ഉറപ്പാക്കിക്കൊണ്ട് ആയുഷ്‌മാൻ ഭാരതിനെ ശക്തിപ്പെടുത്തുന്നത് ഞങ്ങൾ തുടരും. സ്‌കീമിന് കീഴിലുള്ള ചികിത്സകളുടെ ലിസ്റ്റ് വിപുലീകരിക്കാനും എംപാനൽ ചെയ്‌ത ആശുപത്രികളുടെ എണ്ണം വർധിപ്പിക്കാനും ആയുഷ്‌മാൻ ആരോഗ്യ മന്ദിറുകളുടെ വിജയത്തിൽ തുടർന്നും പ്രവർത്തിക്കാനും ഞങ്ങൾ പ്രതിജ്ഞാബദ്ധരാണ്.
#6YearsOfAyushmanBharat #6YearsofABPMJAY #6YearsofPMJAY
— National Health Authority (NHA) (@AyushmanNHA) September 23, 2024
55 crore beneficiaries empowered under #PMJAY. The scheme is transforming lives by providing Free and Quality healthcare to the vulnerable. pic.twitter.com/aBT4zaJyzG
ആരോഗ്യകരമായ ഇന്ത്യക്കായുള്ള ചുവട്
കേന്ദ്ര ആരോഗ്യമന്ത്രി എന്ന നിലയിൽ, ഒരു രാജ്യത്തിന്‍റെ ആരോഗ്യമാണ് അതിന്‍റെ അഭിവൃദ്ധിയുടെ അടിത്തറയെന്ന് ഞാൻ ഉറച്ചു വിശ്വസിക്കുന്നു. രാജ്യത്തിന്‍റെ വളർച്ചയ്ക്കും ഉത്പാദനക്ഷമതയ്ക്കും നവീകരണത്തിനും സംഭാവന നൽകാൻ ആരോഗ്യമുള്ള ഒരു ജനവിഭാഗമാണ് കൂടുതൽ സജ്ജമാവുക. ആരോഗ്യകരവും ശക്തവുമായ വിക്‌സിത് ഭാരത് എന്ന ഈ കാഴ്‌ചപ്പാടിന്‍റെ കേന്ദ്രമാണ് ആയുഷ്‌മാൻ ഭാരത്.
പദ്ധതിയുടെ ഇതുവരെയുള്ള വിജയം സർക്കാരും ആരോഗ്യ പരിപാലന ദാതാക്കളും ജനങ്ങളും തമ്മിലുള്ള സഹകരണവും കഠിനാധ്വാനവും അർപ്പണബോധവുമാണ് പ്രതിഫലിപ്പിക്കുന്നത്. എന്നിരുന്നാലും, ഞങ്ങളുടെ യാത്ര എങ്ങുമെത്തിയിട്ടില്ല. ഓരോ പൗരന്‍റെയും ക്ഷേമവും ആരോഗ്യവും സംരക്ഷിക്കുന്നതില്‍ ഞങ്ങൾ പ്രതിജ്ഞാബദ്ധരാണ്.
ആയുഷ്‌മാൻ ഭാരത് പ്രധാൻ മന്ത്രി ജൻ ആരോഗ്യ യോജനയുടെ ഈ ആറാം വാർഷികത്തിൽ, എല്ലാവരേയും ഉൾക്കൊള്ളുന്നതും ആക്‌സസ് ചെയ്യാവുന്നതും അനുകമ്പയുള്ളതുമായ ഒരു ആരോഗ്യ പരിരക്ഷ സംവിധാനം സൃഷ്‌ടിക്കുന്നതിനുള്ള നമ്മുടെ സമർപ്പണം നമുക്ക് വീണ്ടും ഉറപ്പിക്കാം. വരും തലമുറകൾക്കും ആരോഗ്യകരമായ ഒരു ഇന്ത്യ കെട്ടിപ്പടുക്കാൻ നമുക്ക് ഒരുമിച്ച് പ്രവർത്തിക്കാം.
Also Read: 'ഗാസയിലെ സാഹചര്യത്തില്‍ ആശങ്ക'; പലസ്‌തീൻ പ്രസിഡൻ്റുമായി കൂടിക്കാഴ്‌ച നടത്തി മോദി
