പാട്‌ണർക്ക് ഈ സ്വഭാവമുണ്ടോ? എങ്കിൽ വിവാഹത്തിലേക്ക് എത്തിക്കരുത്

വിവാഹം കഴിക്കുന്നതിന് മുൻപ് പാട്‌ണറുടെ സ്വഭാവം, രീതി എന്നിവ മനസിലാക്കേണ്ടത് പ്രധാനമാണ്. എങ്കിൽ മാത്രമേ സന്തോഷകരമായ വിവാഹബന്ധം മുന്നോട്ട് കൊണ്ടുപോകാൻ സാധിക്കൂ.

ഏതൊരാളുടെയും ജീവിതത്തിൽ ഏറ്റവും പ്രധാനപ്പെട്ട ഒന്നാണ് വിവാഹം. അതിനാൽ തന്നെ വളരെ ആലോചിച്ചും പങ്കാളിയെ കുറിച്ച് നന്നായി മനസിലാക്കിയതിന് ശേഷവും മാത്രമേ വിവാഹത്തിന് തയ്യാറാകാൻ പാടൂലുള്ളു. പരസ്‌പരം ഇഷ്‌ടം തോന്നിയാൽ ഉടൻ ചാടിക്കയറി വിവാഹം കഴിക്കുന്നവർ സമൂഹത്തിൽ നിരവധിയാണ്. എന്നാൽ പരസ്‌പരം മനസിലാക്കാതെ വിവാഹിതരാകുന്നത് പല ബന്ധങ്ങളും പെട്ടന്ന് തകരാൻ കാരണമാകുന്നു.

നിങ്ങൾ ഒരാളെ ജീവിതപങ്കാളിയാക്കാൻ തലപര്യപ്പെടുന്നുണ്ടെങ്കിൽ ആ വ്യക്തിയുമായി കൂടുതൽ സമയം ചെലവഴിക്കാൻ ശ്രമിക്കേണ്ടത് വളരെ പ്രധാനമാണ്. അവരുടെ പ്രവർത്തികളും ചിന്തകളും കാഴ്‌ചപാടുകളും ഉൾപ്പെടെ അവരെ കുറിച്ചുള്ള കാര്യങ്ങളെല്ലാം അടുത്തറിഞ്ഞ് മനസിലാക്കാൻ ഇത് നിങ്ങളെ സഹായിക്കും. മാത്രമല്ല നിങ്ങളുടെ പങ്കാളിയാകാൻ പോകുന്ന ആളിന് ഈ സ്വഭാവമുണ്ടെങ്കിൽ അയാളെ വിവാഹം കഴിക്കുന്നതിനു മുമ്പ് നല്ലപോലെ ചിന്തിക്കേണ്ടതുണ്ട്. ശ്രദ്ധിക്കേണ്ട കാര്യങ്ങൾ എന്തൊക്കെയെന്ന് നോക്കാം.

സമയത്തിന് വില നൽകാതിരിക്കുക

പങ്കാളിയാകാൻ ആഗ്രഹിക്കുന്ന ആളിന് നിങ്ങളുടെ സമയത്തിന് വില നൽകാതിരുന്ന സ്വഭാവമുണ്ടെങ്കിൽ ആ ബന്ധം മുന്നോട്ട് കൊണ്ട് പോകാതിരിക്കുന്നതാണ് നല്ലത്. കാരണം നിങ്ങളുടെ സമയത്തിന് വിലമതിക്കാതെ വരുന്നത്‌ നിങ്ങളോടുള്ള താൽപര്യ കുറവിനെയാണ് സൂചിപ്പിക്കുന്നത്.

ബന്ധം നിലനിർത്താൻ ഒരു പരിശ്രമവും ഇല്ലാതിരിക്കുക

നിങ്ങളുടെ ബന്ധം നിലനിർത്താനും പങ്കാളിയെ സന്തോഷിപ്പിക്കാനും നിങ്ങൾ വേണ്ടതെല്ലാം ചെയ്യുന്നു. എന്നാൽ തിരിച്ച് സന്തോഷമോ അഭിനന്ദനമോ നിങ്ങൾക്ക് ലഭിക്കുന്നില്ലെങ്കിൽ നിങ്ങളെടുക്കുന്ന എല്ലാ ശ്രമങ്ങളും പാഴാകും.

തെറ്റുകൾ തുറന്ന് സമ്മതിക്കാതിരിക്കുക

തെറ്റുകൾ സമ്മതിക്കാത്ത ആളുകളിൽ നിന്ന് അകലം പാലിക്കുന്നതാണ് നല്ലത്. പ്രണയിക്കുമ്പോഴോ ഡേറ്റിങ്ങിലായിരിക്കുമ്പോഴോ പങ്കാളി തന്‍റെ തെറ്റുകളെ നിരന്തരമായി ന്യായീകരിക്കുന്നുണ്ടെങ്കിൽ ആ ബന്ധം വിവാഹത്തിലേക്ക് കൊണ്ടുപോകാത്തതാണ് നല്ലത്. കാരണം വിവാഹശേഷം സ്ഥിതി കൂടുതൽ വഷളാകുകയേയുള്ളൂ.

മറ്റുള്ളവരുമായി താരതമ്യം ചെയ്യുക

വിവാഹം കഴിക്കാൻ ആഗ്രഹിക്കുന്നയാൾ ഇടയ്ക്കിടെ നിങ്ങളുടെ കുറവുകൾ എടുത്തുകാട്ടുകയും മറ്റുള്ളവരുമായി നിങ്ങളെ താരതമ്യം ചെയ്യുകയും ചെയ്യുന്നുണ്ടെകിൽ ആ ബന്ധം ഒരിക്കലും സുഖകരമായിരിക്കില്ല. അതിനാൽ ഇത്തരം സ്വഭാവമുള്ള ഒരാളെ വിവാഹം കഴിക്കുന്നതിന് മുമ്പ് നിങ്ങൾ നല്ലപോലെ ചിന്തിക്കേണ്ടതുണ്ട്.

ശ്രദ്ധിക്കുക: ഇവിടെ കൊടുത്തിരിക്കുന്ന എല്ലാ ആരോഗ്യ വിവരങ്ങളും നിർദ്ദേശങ്ങളും നിങ്ങളുടെ അറിവിലേക്കായി മാത്രമുള്ളതാണ്. ശാസ്ത്രീയ ഗവേഷണം, പഠനങ്ങൾ, ആരോഗ്യ പ്രൊഫഷണലുകൾ നൽകുന്ന ഉപദേശങ്ങൾ എന്നിവയുടെ അടിസ്ഥാനത്തിലാണ് ഈ വിവരങ്ങൾ നൽകുന്നത്. എന്നാൽ, ഇവ പിന്തുടരുന്നതിന് മുമ്പ് വിദഗ്‌ധരുടെ നിർദേശം തേടേണ്ടതാണ്.