ഏറെ ജനപ്രിയമായ ഇന്‍ഡോര്‍ പ്ലാന്‍റാണ് ലക്കി ബാംബൂ. കാര്‍ബണ്‍ ഡൈ ഓക്‌സൈഡ് ആഗിരണം ചെയ്‌ത് ഓക്‌സിജൻ പുറത്തുവിടുന്നതിലൂടെ ലക്കി ബാംബൂ വായു ശുദ്ധീകരിക്കാൻ സഹായിക്കുതാണ്. ഭംഗിയ്‌ക്ക് പുറമെ വീട്ടിലോ ഓഫിസിലോ ഇന്‍ഡോര്‍ പ്ലാന്‍റുകള്‍ വയ്‌ക്കുന്നത് സമ്മര്‍ദം കുറയ്‌ക്കാന്‍ ഉപകരിക്കും.
അധികം പരിചരണം ആവശ്യമില്ലെന്നത് ലക്കി ബാംബൂവിന്‍റെ ജനപ്രിയതയ്‌ക്ക് കാരണമാണ്. നേരിട്ടുള്ള സൂര്യപ്രകാശം ആവശ്യമില്ലാത്ത ഇവ, പരോക്ഷമായ വെളിച്ചത്തിലും വളരും. മണ്ണിലും വെള്ളത്തിലുമായും ലക്കി ബാംബു വളര്‍ത്താം. സാംസ്‌കാരികമായും പ്രാധാന്യമുള്ള ലക്കി ബാംബൂ പല വിശ്വാസങ്ങളുടെയും ഭാഗമാണ്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
ചൈനീസ് പ്രാചീന ശാസ്‌ത്രമായ ഫെങ് ഷൂയി പ്രകാരം ലക്കി ബാംബൂ ഭാഗ്യത്തിന്റെയും സമൃദ്ധിയുടെയും പോസിറ്റീവ് എനർജിയുടെയും പ്രതീകമായി കണക്കാക്കപ്പെടുന്നു. ഇവ വീടുകളിലും മറ്റും നട്ടുവയ്‌ക്കുന്നത് ഐക്യം, സമാധാനം, ഭാഗ്യം എന്നിവ കൊണ്ടുവരുമെന്നുമാണ് വിശ്വാസം. ഇതു പ്രകാരമാണ് പലരും തങ്ങളുടെ വീടുകളില്‍ ലക്കി ബാംബൂ വയ്‌ക്കുന്നത്. എന്നാല്‍ ഒരു പാത്രത്തില്‍ നട്ടുവളര്‍ത്തുന്ന തണ്ടുകളുടെ എണ്ണവും പ്രധാനമാണെന്നാണ് ഫെങ് ഷൂയിയില്‍ പറയുന്നത്.
1 തണ്ട് - ഐക്യം, ശ്രദ്ധ, ഒരു പുതിയ തുടക്കം എന്നിവയെ പ്രതിനിധീകരിക്കുന്നു.
2 തണ്ടുകൾ - സ്നേഹത്തെ പ്രതിനിധീകരിക്കുന്നു. (രണ്ട് ആളുകൾ തമ്മിലുള്ള ഐക്യത്തെയും പ്രതീകപ്പെടുത്തുന്നു)
3 തണ്ടുകൾ - സന്തോഷം, സമ്പത്ത്, ദീർഘായുസ്സ് എന്നിവയെ പ്രതിനിധീകരിക്കുന്നു.
5 തണ്ടുകൾ - സന്തുലിതാവസ്ഥ, സമാധാനം, ഐക്യം, ശക്തി എന്നിവയെ പ്രതിനിധീകരിക്കുന്നു.
6 തണ്ടുകൾ - അനുഗ്രഹം, വിജയം, ഐക്യം എന്നിവയെ പ്രതിനിധീകരിക്കുന്നു.
7 തണ്ടുകൾ – ഒരുമ, സ്നേഹം, പ്രണയം എന്നിവയെ പ്രതിനിധീകരിക്കുന്നു.
8 തണ്ടുകൾ – വളർച്ചയെ പ്രതിനിധീകരിക്കുന്നു. (സാമ്പത്തികമായും വ്യക്തിപരമായുമുള്ള വളർച്ച)
9 തണ്ടുകൾ – ഭാഗ്യത്തെ പ്രതിനിധീകരിക്കുന്നു. (സമൃദ്ധിയുടെയും, ഭാഗ്യത്തിന്റെയും, ദീർഘകാല വിജയത്തിന്‍റെയും പ്രതീകമായി കണക്കാക്കപ്പെടുന്നു.)
10 തണ്ടുകൾ- പരിപൂര്‍ണത (ഒരാളുടെ ജീവിതത്തിന് പൂർണതയുടെ ഒരു ബോധവും കൊണ്ടുവരുമെന്നും ജീവിതത്തിന്‍റെ എല്ലാ വശങ്ങളിലും ലക്ഷ്യങ്ങളും ഐക്യവും കൈവരിക്കുന്നതുമായി ബന്ധപ്പെട്ടിരിക്കുന്നുവെന്നും വിശ്വസിക്കപ്പെടുന്നു).
11 തണ്ടുകൾ – ആഴത്തിലുള്ള സൗഹൃദത്തെ പ്രതിനിധീകരിക്കുന്നു.
12 തണ്ടുകൾ – വീടിനുള്ളിലെ ശക്തമായ, സ്നേഹബന്ധത്തെയും ഐക്യത്തെയും പ്രതിനിധീകരിക്കുന്നു.
21 തണ്ടുകൾ – ആരോഗ്യത്തിന്‍റെയും സമ്പത്തിന്‍റെയും ശക്തമായ അനുഗ്രഹത്തെ പ്രതിനിധീകരിക്കുന്നു.
88 തണ്ടുകൾ – അപാരമായ സമ്പത്തിനെയും സമൃദ്ധിയെയും പ്രതിനിധീകരിക്കുന്നു.
99 തണ്ടുകൾ – നിത്യസ്നേഹത്തെയും ദീർഘായുസ്സിനെയും പ്രതിനിധീകരിക്കുന്നു.
289 തണ്ടുകൾ – സമൃദ്ധമായ അനുഗ്രഹങ്ങളെ പ്രതിനിധീകരിക്കുന്നു.
ശ്രദ്ധിക്കുക: ഫെങ് ഷൂയിക്ക് 3,000-ല്‍ ഏറെ വർഷത്തിന്‍റെ പഴക്കമുണ്ടെന്നാണ് കണക്കാക്കപ്പെടുന്നത്. ജലത്തിലൂടെയാണ് (ഫെങ്) മനുഷ്യരാശിയുടെ ജീവന്‍റെ ശക്തി പ്രയാണം ചെയ്യുന്നതെന്നും ജീവജാലങ്ങളുടെ ചുറ്റുപാടുകളിലെ ഊർജത്തിന്‍റെ വിതരണം കാറ്റ് (ഷൂയി) വഴിയുമാണെന്നാണ് ഫെങ് ഷൂയി ശാസ്‌ത്രം പറയുന്നത്.
എങ്ങനെയാണ് ജീവന്‍റെ ഊർജം നമുക്ക് ചുറ്റും വലം വയ്ക്കുന്നതെന്നും ഓരോരുത്തരുടേയും ജീവിതത്തെ അതെങ്ങനെ സ്വാധീനിക്കുന്നുവെന്നും ഇതു വിശദീകരിക്കുന്നു. മനസ് വിശ്വാസങ്ങളിൽ അർപ്പിക്കുമ്പോഴും ഇതിന്‍റെ ആധികാരികത ചോദ്യം ചെയ്യപ്പെടുന്നുണ്ടെന്ന് ഓര്‍ക്കേണ്ടതുണ്ട്.
