റോം: ഇറ്റലിയുടെ തെക്കൻ തീരത്തുണ്ടായ രണ്ട് വ്യത്യസ്‌ത കപ്പല്‍ അപകടങ്ങളില്‍ 11 മരണം. അപകടത്തില്‍ നിരവധി പേരെ കാണാതായി. സിറിയ, ഈജിപ്‌ത്, പാകിസ്ഥാൻ, ബംഗ്ലാദേശ്, ഇറാൻ, സിറിയ, ഇറാഖ് എന്നിവിടങ്ങളില്‍ നിന്നുള്ള അഭയാര്‍ഥികളുമായി പോയ രണ്ടു കപ്പലുകളാണ് തകര്‍ന്നത്.
ഇറ്റാലിയൻ ദ്വീപ് ആയ ലാംപെഡൂസയ്ക്ക് സമീപത്ത് തിങ്കളാഴ്‌ച ഉച്ചയോടെയാണ് ആദ്യത്തെ അപകടം നടന്നതെന്നാണ് വിവരം. ലിബിയയിൽനിന്ന് കുടിയേറ്റക്കാരുമായി പുറപ്പെട്ട കപ്പലാണ് അപകടത്തല്‍പ്പെട്ടത്. ഈ കപ്പലില്‍ നിന്നും 10 മൃതദേഹങ്ങളാണ് കണ്ടെത്തിയത്. 51 പേരെ രക്ഷപ്പെടുത്തിയതായും ജർമൻ രക്ഷാപ്രവർത്തക സംഘമായ റെസ്ക്യൂഷിപ്പ് എക്‌സിലൂടെ അറിയിച്ചു.
തെക്കൻ ഇറ്റലിയിലെ കാലാബ്രിയയിൽ നിന്ന് 200 കിലോമീറ്റർ (125 മൈൽ) അകലെയാണ് മറ്റൊരു അപകടം നടന്നത്. ഈ അപകടത്തില്‍ 60ല്‍ അധികം പേരെ കാണാതായതായി. ചരക്ക് കപ്പലുകള്‍ മേഖലയില്‍ എത്തിച്ചായിരുന്നു രക്ഷാപ്രവര്‍ത്തനം.
12 പേരെ രക്ഷപ്പെടുത്തി തുറമുഖത്തെത്തിച്ചു. ഇവരില്‍ ഒരാള്‍ ചികിത്സയിലിരിക്കെ മരണപ്പെടുകയായിരുന്നുവെന്ന് കോസ്റ്റ് ഗാർഡ് പറഞ്ഞു.
ALSO READ: ഉയ്‌ഗൂറുകളെ നിരീക്ഷിക്കാൻ എഐ ക്യാമറകൾ; ചൈനയെ പ്രതിരോധത്തിലാക്കി ജർമ്മൻ മാധ്യമങ്ങൾ
