മുംബൈ: പ്രശസ്‌ത സംവിധായിക മധുര ജസ്‌രാജ് അന്തരിച്ചു. പ്രശസ്‌ത സംഗീതജ്ഞന്‍ പണ്ഡിറ്റ് ജസ്‌രാജിന്‍റെ ഭാര്യയും ഇതിഹാസ ചലച്ചിത്രക്കാരന്‍ വി ശാന്താറാമിന്‍റെ മകളുമാണ്. ബുധനാഴ്‌ച പുലച്ചെ സ്വന്തം വീട്ടിലാണ് അന്ത്യം. 86 വയസായിരുന്നു.
ഇന്ന് (സെപ്റ്റംബര്‍ 25) വൈകുന്നേരം 3.30 ന് ഒഷിവാര ശ്‌മശാനത്തിലാണ് സംസ്‌കാരം. നിര്‍മ്മാതാവ്, നൃത്തസംവിധായിക, എഴുത്തുകാരി എന്നീ നിലകളില്‍ അറിയപ്പെട്ടു.
മധുരയും സഹോദരനും ചലച്ചിത്ര നിര്‍മാതാവുമായ കിരണ്‍ ശാംതാരവും ചേര്‍ന്ന് ശാന്താറാമിന്‍റെ ജീവചരിത്രം എഴുതി. ഒട്ടേറെ നോവലുകളും മധുര എഴുതിയിട്ടുണ്ട്. മാത്രമല്ല ഭര്‍ത്താവിനോടുള്ള ആദര സൂചകമായി സംഗീത് മാര്‍ത്താണ്ഡ് പണ്ഡിറ്റ് ജസ്‌രാജ്(2009) എന്ന ഡോക്യുമെന്‍ററി നിര്‍മിച്ചു. ഒട്ടേറെ സിനിമകളും ഇതോടൊപ്പം നിര്‍മിച്ചു.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
'ആയ് തുജാ ആശിര്‍ വാദ്' (2010) എന്ന മറാഠി ചിത്രമാണ് മധുര ആദ്യമായി നിര്‍മിച്ചത്. ഒരു ഫീച്ചര്‍ ഫിലിമിലെ ഏറ്റവും പ്രായം കൂടിയ നവാഗത സംവിധായികയായി ലിംക ബുക്ക് ഓഫ് റെക്കോര്‍ഡില്‍ ഇടം നേടി. 1962 ലാണ് മധുര പണ്ഡിറ്റ് ജസ്‌രാജും മധുരയും തമ്മിലുള്ള വിവാഹം. ശംഗ്ദേവ് പണ്ഡിറ്റ്, ദുര്‍ഗ ജസ്‌രാജ് എന്നിവര്‍മക്കളാണ്.
Also Read:നടി കവിയൂര്‍ പൊന്നമ്മ അരങ്ങൊഴിഞ്ഞു; വിടവാങ്ങിയത് മലയാളത്തിന്‍റെ അമ്മ മുഖം
