കഴിഞ്ഞ ദിവസമാണ് ശോഭിത ധൂലിപാലയുടെയും നാഗ ചൈതന്യയുടെയും വിവാഹ നിശ്ചയം കഴിഞ്ഞത്. അടുത്ത കുടുംബാംഗങ്ങളുടെയും സുഹൃത്തുക്കളുടെയും സാന്നിധ്യത്തില്‍ വളരെ ലളിതമായിട്ടായിരുന്നു ചടങ്ങ്. വിവാഹ നിശ്ചയത്തിന് ശേഷം നാഗ ചൈതന്യയ്‌ക്കൊപ്പമുള്ള തൻ്റെ ആദ്യ പോസ്റ്റ് പങ്കുവച്ചിരിക്കുകയാണ് ശോഭിത.
വിവാഹ നിശ്ചയ ചടങ്ങിലെ ചില ചിത്രങ്ങളാണ് താരം ഇന്‍സ്‌റ്റഗ്രാമില്‍ പങ്കുവച്ചത്. ഹൃദയസ്‌പര്‍ശിയായൊരു കവിത കുറിച്ചു കൊണ്ടാണ് ശോഭിതയുടെ ഇന്‍സ്റ്റ പോസ്റ്റ്. താരത്തിന്‍റെ കുറിപ്പും പങ്കുവച്ചിരിക്കുന്ന ചിത്രങ്ങളും ഇരുവരും തമ്മിലുള്ള സ്‌നേഹത്തിന്‍റെ ആഴം സൂചിപ്പിക്കുന്നതാണ്.
"ഞാനും നിങ്ങളും എങ്ങനെ കണ്ടുമുട്ടി? സ്‌നേഹത്തില്‍ നമ്മുടെ ഹൃദയങ്ങള്‍ മണ്ണും മഴയും പോലെയാണ്, വേർപിരിയലിനപ്പുറം കൂടിച്ചേർന്നതാണ്." - ക്ലാസിക്കല്‍ തമിഴ് പോയറ്റിക് മാസ്‌റ്റര്‍പീസായ കുറുന്തോഗെയിലില്‍ നിന്നും എ കെ രാമാനുജൻ വിവർത്തനം ചെയ്‌ത വരികളാണ് ശോഭിത പങ്കുവച്ചിരിക്കുന്നത്.
നാഗ ചൈതന്യയുടെ പിതാവും നടനുമായ നാഗാര്‍ജുനയാണ് ഇരുവരുടെയും വിവാഹ നിശ്ചയ വാര്‍ത്ത ഔദ്യോഗികമായി സ്ഥിരീകരിച്ചത്. എക്‌സിലൂടെയാണ് അദ്ദേഹം ഇക്കാര്യം അറിയിച്ചത്. "ഞങ്ങളുടെ മകൻ നാഗ ചൈതന്യയും ശോഭിത ധൂലിപാലയും തമ്മിലുള്ള വിവാഹനിശ്ചയം ഇന്ന് രാവിലെ 9:42 ന് നടന്നതായി അറിയിക്കുന്നതില്‍ ഞങ്ങൾക്ക് സന്തോഷമുണ്ട്!! ഞങ്ങളുടെ കുടുംബത്തിലേയ്‌ക്ക് ശോഭിതയെ സ്വാഗതം ചെയ്യുന്നതിൽ അതിയായ സന്തോഷം. ദൈവം അനുഗ്രഹിക്കട്ടെ!" -ഇപ്രകാരമാണ് നാഗാര്‍ജുന എക്‌സില്‍ കുറിച്ചത്.
" we are delighted to announce the engagement of our son, naga chaitanya, to sobhita dhulipala, which took place this morning at 9:42 a.m.!!
— Nagarjuna Akkineni (@iamnagarjuna) August 8, 2024
we are overjoyed to welcome her into our family.
congratulations to the happy couple!
wishing them a lifetime of love and happiness. 💐… pic.twitter.com/buiBGa52lD
ശ്രദ്ധേയമായ പ്രകടനങ്ങളിലൂടെ തെലുഗു സിനിമ ലോകത്ത് തരംഗം സൃഷ്‌ടിച്ച നടനാണ് നാഗ ചൈതന്യ. മണിരത്‌നം സംവിധാനം ചെയ്‌ത പൊന്നിയിന്‍ സെല്‍വനിലടക്കം മികച്ച വേഷം കൈകാര്യം ചെയ്‌ത നടിയാണ് ശോഭിത ധൂലിപാല. ഇരുവരും പ്രണയത്തിലാണെന്ന തരത്തില്‍ നേരത്തെ ചില വാര്‍ത്തകള്‍ പുറത്തുവന്നിരുന്നു.
Also Read: നാഗ ചൈതന്യയുമായുള്ള ദാമ്പത്യ തകര്‍ച്ച കരിയറിനെ ബാധിച്ചതായി സാമന്ത
