'പുഷ്‌പ: ദി റൈസ്' 2021 ല്‍ പുറത്തിറങ്ങിയതു മുതൽ ചിത്രത്തിന്‍റെ രണ്ടാം ഭാഗത്തിനായുള്ള കാത്തിരിപ്പിലായിരുന്നു പ്രേക്ഷകര്‍. ഈ വര്‍ഷം പറഞ്ഞതിലും ഒരു ദിവസം മുന്‍പേ പുഷ്‌പയുടെ രണ്ടാം ഭാഗം പ്രേക്ഷകര്‍ക്ക് മുന്നില്‍ എത്തുമെന്നാണ് അണിയറ പ്രവര്‍ത്തകര്‍ അറിയിച്ചിട്ടുള്ളത്. ലോകമെമ്പാടുമുള്ള തിയേറ്ററുകളില്‍ ബ്രഹ്മാണ്ഡ റിലീസായാണ് 'പുഷ്‌പ 2: ദി റൂള്‍' പ്രദര്‍ശനത്തിന് എത്തുന്നത്. ഇപ്പോഴിതാ ആ തിയതിക്ക് ഒന്നുകൂടി ഊന്നല്‍ നല്‍കികൊണ്ട് രശ്‌മിക മന്ദാന പങ്കുവച്ച ഒരു പോസ്‌റ്റാണ് ഇപ്പോള്‍ പ്രേക്ഷക ശ്രദ്ധ നേടുന്നത്.
പുഷ്‌പരാജിന്‍റെയും ശ്രീവല്ലിയുടെയും തീവ്രമായ പ്രണയം വെളിപ്പെടുത്തുന്ന തരത്തിലുള്ള പോസ്‌റ്ററാണ് രശ്‌മിക സോഷ്യല്‍ മീഡിയയിലൂടെ പങ്കുവച്ചത്. പോസ്‌റ്റിന് നിരവധി കമന്‍റുകളാണ് വരുന്നത്. കൊള്ളാം, അടിപൊളി, മനോഹരമായ കെമസ്‌ട്രിയാണ് നിങ്ങള്‍ തമ്മില്‍ എന്നിങ്ങനെ പോകുന്നു കമന്‍റുകള്‍.
"നിങ്ങൾക്കും നിങ്ങളുടെ കുടുംബത്തിനും പുഷ്‌പ രാജും ശ്രീവല്ലിയും ദീപാവലി ആശംസകൾ നേരുന്നു. ലോകമെമ്പാടും 2024 ഡിസംബർ 5-ന് വമ്പന്‍ റിലീസാണ്". എന്നാണ് ചിത്രത്തോടൊപ്പം രശ്‌മിക കുറിച്ചത്.
പുഷ്‌പയുടെ ആദ്യ ഭാഗത്തില്‍ അല്ലു അര്‍ജുനും രശ്‌മിക മന്ദാനയും അവതരിപ്പിച്ച പുഷ്‌പ രാജ്, ശ്രീവല്ലി എന്ന കഥാപാത്രവും ഇവരുടെ കെമസ്‌ട്രിയും ഇതിനോടകം തന്നെ പ്രേക്ഷകര്‍ ഏറ്റെടുത്തതാണ്. രണ്ടാം ഭാഗത്തിലും മനോഹരമായ മുഹൂര്‍ത്തങ്ങള്‍ ഉണ്ടാവുമെന്ന് തന്നെയാണ് ആരാധകര്‍ കരുതുന്നത്.
ലോകം മുഴുവൻ ഏറ്റെടുത്ത ബ്ലോക്ക്ബസ്‌റ്റര്‍ ചിത്രമായ 'പുഷ്‌പ: ദ റൈസി'ന്‍റെ രണ്ടാം ഭാഗമായെത്തുന്ന ''പുഷ്‌പ 2: ദ റൂൾ' ബോക്‌സ് ഓഫീസ് കൊടുങ്കാറ്റായി മാറുമെന്നാണ് ഏവരും കണക്കുകൂട്ടുന്നത്. ഫസ്‌റ്റ് ഹാഫ് ലോക്ക്ഡ്, ലോഡഡ് ആൻഡ് പാക്ക്ഡ് വിത്ത് ഫയർ' എന്ന് കുറിച്ചുകൊണ്ട് സിനിമയുടെ പോസ്‌റ്റര്‍ അടുത്തിടെ അണിയറപ്രവർത്തകർ പുറത്തുവിട്ടിരുന്നു. ''പുഷ്‌പ 2 ദ റൂൾ' ഇന്ത്യൻ സിനിമയുടെ ഒരു പുതിയ യുഗമായിരിക്കും' എന്നാണ് അണിയറ പ്രവർത്തരുടെ ഭാഷ്യം.
അതേസമയം ബോളിവുഡ് താരം ശ്രദ്ധ കപൂർ ഒരു ഡാൻസ് സീക്വൻസിൽ പ്രത്യക്ഷപ്പെടുമെന്ന സൂചനയുമുണ്ട്. മലയാളത്തിന്‍റെ പ്രിയ താരം ഫഹദ് ഫാസിലാണ് ചിത്രത്തില്‍ വില്ലന്‍ റോളില്‍ എത്തുന്നത്. മൈത്രി മൂവി മേക്കേഴ്‌സാണ് നിര്‍മാതാക്കള്‍.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
Pushpa Raj & Srivalli wish you and your family a very Happy Diwali 🫶
— Rashmika Mandanna (@iamRashmika) October 31, 2024
GRAND RELEASE WORLDWIDE ON 5th DECEMBER, 2024 ❤🔥#Pushpa2TheRuleOnDec5th
Icon Star @alluarjun @iamRashmika @aryasukku #FahadhFaasil @ThisIsDSP @SukumarWritings @MythriOfficial @AAFilmsIndia… pic.twitter.com/fJ0pmQxk4j
'പുഷ്‌പ: ദി റൂള്‍' ഇതിനോടകം തന്നെ 1000 കോടി രൂപയുടെ പ്രീ-റിലീസ് ബിസിനസ് നേടിക്കഴിഞ്ഞുവെന്നാണ് ട്രേഡ് അനലിസ്‌റ്റുകള്‍ പുറത്തുവിട്ട റിപ്പോർട്ടുകള്‍. സുകുമാർ സംവിധാനം ചെയ്‌ത 'പുഷ്‌പ ദി റൈസി'ന് രണ്ട് ദേശീയ ചലച്ചിത്ര പുരസ്‌കാരങ്ങളും ഏഴ് സംസ്ഥാന ചലച്ചിത്ര പുരസ്‌കാരങ്ങളും നേടിയിരുന്നു. 'പുഷ്‌പ ദി റൂൾ' ഇതിന്‍റെ തുടർച്ചയായെത്തുമ്പോൾ സകല റെക്കോർഡുകളും ഭേദിക്കുമെന്നാണ് ആരാധകരുടെ കണക്കുക്കൂട്ടൽ.
സുനിൽ, ജഗപതി ബാബു, പ്രകാശ് രാജ് തുടങ്ങിയവരും സുപ്രധാന വേഷങ്ങളില്‍ എത്തുന്നുണ്ട്. സുകുമാര്‍ ആണ് സിനിമയുടെ കഥ, തിരക്കഥ, സംവിധാനം എന്നിവ നിര്‍വ്വഹിച്ചിരിക്കുന്നത്. നവീൻ യെർനേനി, രവിശങ്കർ യലമഞ്ചിലി എന്നിവര്‍ ചേര്‍ന്നാണ് സിനിമയുടെ നിര്‍മ്മാണം. ദേവി ശ്രീ പ്രസാദ് ആണ് ചിത്രത്തിലെ ഗാനങ്ങള്‍ക്ക് സംഗീതം ഒരുക്കുക.
ഛായാഗ്രാഹകൻ - മിറെസ്ലോ ക്യൂബ ബ്രോസെക്, പ്രൊഡക്ഷൻ ഡിസൈനർ - എസ് രാമകൃഷ്‌ണ - മോണിക്ക നിഗോത്രേ, ഗാനരചയിതാവ് - ചന്ദ്ര ബോസ്, ബാനറുകൾ - മൈത്രി മൂവി മേക്കേഴ്‌സ്‌, സുകുമാർ റൈറ്റിംഗ്‌സ്‌, മാർക്കറ്റിംഗ് ഹെഡ് - ശരത്ചന്ദ്ര നായിഡു, പിആർഒ - ഏലൂരു ശ്രീനു, മാധുരി മധു, ആതിര ദിൽജിത്ത്, മാർക്കറ്റിംഗ് - ഫസ്‌റ്റ് ഷോ എന്നിവരാണ് ചിത്രത്തിലെ മറ്റ് അണിയറപ്രവര്‍ത്തകര്‍.
