നടനും എംഎൽഎയുമായ മുകേഷിനെതിരെ ലൈംഗികാതിക്രമ പരാതി നല്‍കിയ നടിക്കെതിരെ പോക്സോ കേസ്. നടിക്കെതിരെ ബന്ധു നല്‍കിയ പരാതിയെ തുടര്‍ന്നാണ് കേസ്. യുവതിയുടെ മൊഴി എടുത്ത ശേഷം മൂവാറ്റുപുഴ പൊലീസ് പോക്സോ വകുപ്പുകൾ ചുമത്തിയാണ് നടിക്കെതിരെ കേസെടുത്തത്.
ഓഡീഷനായി ചെന്നൈയിലേക്ക് വിളിച്ചു വരുത്തി നിരവധി പേർക്ക് നടി തന്നെ കാഴ്‌ചവച്ചെന്നായിരുന്നു യുവതിയുടെ പരാതി. പ്രായപൂർത്തിയാവും മുമ്പാണ് അതിക്രമം നടന്നതെന്നും യുവതി പൊലീസില്‍ മൊഴി നൽകിയിരുന്നു.
നടി സെക്‌സ്‌ മാഫിയയുടെ ആളാണെന്നും യുവതി ആരോപിച്ചിരുന്നു. സംസ്ഥാന പൊലീസ് മേധാവിക്ക് അയച്ച പരാതി മൂവാറ്റുപുഴ പൊലീസിന് കൈമാറുകയായിരുന്നു. അതേസമയം യുവതിയുടെ മൊഴി പ്രത്യേക അന്വേഷണസംഘം രേഖപ്പെടുത്തി. അന്വേഷണ സംഘം മൂവാറ്റുപുഴയില്‍ എത്തിയാണ് യുവതിയുടെ മൊഴി രേഖപ്പെടുത്തിയത്.
പ്രായപൂർത്തിയാകും മുമ്പ്, തന്നെ പലർക്കും കാഴ്‌ച്ചവച്ചെന്നും മുകേഷിനെതിരെ പരാതി കൊടുത്ത സ്ത്രീ, സെക്‌സ്‌ മാഫിയയുടെ ആളാണെന്നും കാണിച്ചായിരുന്നു യുവതി സംസ്ഥാന പൊലീസ് മേധാവിക്ക് പരാതി നൽകിയത്.
യുവതിയുടെ ഈ പരാതി പ്രത്യേക അന്വേഷണ സംഘത്തിന് കൈമാറുകയായിരുന്നു. തനിക്കെതിരെ സോഷ്യല്‍ മീഡിയയില്‍ വ്യാപക പ്രചാരണം നടക്കുന്നുണ്ടെന്നും യുവതി പറഞ്ഞു.
