'ഇഷ്‌ക്‌', 'നരിവേട്ട' എന്നീ ചിത്രങ്ങൾക്ക് ശേഷം നിവിൻ പോളിയെ നായകനാക്കി അനുരാജ് മനോഹർ സംവിധാനം ചെയ്യുന്ന പുതിയ ചിത്രമാണ് 'ശേഖരവർമ്മ രാജാവ്'. സിനിമയുടെ ചിത്രീകരണം ആരംഭിച്ചു. കളമശേരിയിൽ സിനിമയുടെ പൂജ നടന്നു. തുടര്‍ന്ന് സിനിമയുടെ ആദ്യ ഷെഡ്യൂൾ ചിത്രീകരണവും കളമശേരിയിൽ ആരംഭിച്ചു.
രാജ കുടുംബാംഗമായ ശേഖരവർമ്മയുടെ ജീവിതത്തിലൂടെ ചിത്രം കടന്നു പോകുന്നത്. സോഷ്യൽ സറ്റയർ വിഭാഗത്തിലായി വലിയ കാൻവാസിലാണ് അനുരാജ് മനോഹർ ചിത്രം ഒരുക്കുന്നത്.
പോളി ജൂനിയർ പിക്‌ചേഴ്‌സിന്‍റെ ബാനറിൽ നിവിൻ പോളിയാണ് സിനിമയുടെ നിര്‍മാണം. എസ്.രഞ്‌ജിത്താണ് ചിത്രത്തിന് വേണ്ടി തിരക്കഥയും സംഭാഷണവും ഒരുക്കിയിരിക്കുന്നത്. അൻസർ ഷാ ആണ് സിനിമയുടെ ഛായാഗ്രഹണം. കിരൺ ദാസ് ചിത്രസംയോജനവും നിര്‍വഹിക്കും.
കലാസംവിധാനം - ദിലീപ് ആർ നാഥ്, ചീഫ് അസോസിയേറ്റ് - രതീഷ് രാജൻ, വസ്ത്രാലങ്കാരം - മെൽവി ജെ, ചന്ദ്രകാന്ത്, മേക്കപ്പ് - അമൽ സി ചന്ദ്രൻ, പ്രൊഡക്ഷൻ കൺട്രോളർ - ശ്യാം ലാൽ, ഡിജിറ്റൽ മാർക്കറ്റിംഗ് - അനൂപ് സുന്ദരൻ, ഡിസൈൻ - യെല്ലോ ടൂത്ത്, പിആർഒ - ശബരി എന്നിവരാണ് ചിത്രത്തിലെ മറ്റ് അണിയറപ്രവര്‍ത്തകര്‍.
