നിവിന്‍ പോളി - ഡിജോ ജോസ് ആന്‍റണി കൂട്ടുകെട്ടിന്‍റെ 'മലയാളി ഫ്രം ഇന്ത്യ' ഒടിടിയിലേക്ക്. മെയ് 1ന് തിയേറ്ററുകളില്‍ എത്തിയ ഈ ചിത്രം നിവിന്‍ പോളിയുടെ കരിയറിലെ തന്നെ ഏറ്റവും വലിയ ബജറ്റില്‍ ഒരുങ്ങിയ സിനിമ കൂടിയായിരുന്നു. ഇപ്പോഴിതാ 'മലയാളി ഫ്രം ഇന്ത്യ'യുടെ ഒടിടി റിലീസ് സംബന്ധിച്ച് പ്രഖ്യാപനം നടത്തിയിരിക്കുകയാണ് അണിയറ പ്രവർത്തകർ.
പ്രമുഖ ഒടിടി പ്ലാറ്റ്‌ഫോമായ സോണി ലിവിലൂടെ ജൂലൈ 5 മുതൽ ചിത്രം സ്‌ട്രീമിങ് ആരംഭിക്കും. മാജിക് ഫ്രെയിംസിന്‍റെ ബാനറില്‍ ലിസ്റ്റിന്‍ സ്റ്റീഫന്‍ ആയിരുന്നു 'മലയാളി ഫ്രം ഇന്ത്യ'യുടെ നിർമാണം. 'ജനഗണമന'യ്‌ക്ക് ശേഷം സംവിധായകൻ ഡിജോ ജോസ് ആന്‍റണിയുടെയും ലിസ്റ്റിന്‍ സ്റ്റീഫന്‍റെയും പുനഃസമാഗമം ആയിരുന്നു ഈ സിനിമ. 'ജനഗണമന'യുടെ തിരക്കഥാകൃത്തായ ഷാരിസ് മുഹമ്മദാണ് നിവിൻ പോളി സിനിമയ്‌ക്കായും തിരക്കഥ ഒരുക്കിയത്.
ജസ്റ്റിൻ സ്റ്റീഫൻ സഹനിർമാതാവായ ഈ ചിത്രത്തിൽ ധ്യാൻ ശ്രീനിവാസനും പ്രധാന വേഷത്തിലുണ്ട്. അനശ്വര രാജനായിരുന്നു ഈ സിനിമയിലെ നായിക. സുദീപ് ഇളമൻ ആണ് ചിത്രത്തിന്‍റെ ഛായാഗ്രഹണം നിർവഹിച്ചത്. നവീൻ തോമസ് എക്‌സിക്യൂട്ടീവ് പ്രൊഡ്യൂസറായ സിനിമയ്‌ക്കായി സംഗീതം ഒരുക്കിയത് ജേക്‌സ് ബിജോയ്‌ ആണ്.
ലൈൻ പ്രൊഡ്യൂസർ - സന്തോഷ്‌ കൃഷ്‌ണൻ, എഡിറ്റിംഗ്, കളറിംഗ് - ശ്രീജിത്ത്‌ സാരംഗ്, ആർട്ട്‌ ഡയറക്ടർ - അഖിൽരാജ് ചിറയിൽ, പ്രൊഡക്ഷൻ ഡിസൈനർ - പ്രശാന്ത് മാധവൻ, വസ്‌ത്രാലങ്കാരം - സമീറ സനീഷ്, മേക്കപ്പ് - റോണക്‌സ് സേവിയർ, ചീഫ് അസോസിയേറ്റ് ഡയറക്ടർ ബിന്‍റോ സ്റ്റീഫൻ, പ്രൊഡക്ഷൻ കൺട്രോളർ - ഗിരീഷ് കൊടുങ്ങല്ലൂർ.
സൗണ്ട് ഡിസൈൻ - സിങ്ക് സിനിമ, ഫൈനൽ മിക്‌സിങ് - രാജകൃഷ്‌ണൻ എം ആർ, അഡ്‌മിനിസ്‌ട്രേഷൻ, ഡിസ്‌ട്രേബൂഷൻ ഹെഡ് - ബബിൻ ബാബു, പ്രൊഡക്ഷൻ ഇൻ ചാർജ് - അഖിൽ യശോധരൻ, ലൈൻ പ്രൊഡക്ഷൻ - റഹീം പി എം കെ (ദുബൈ), ഡബ്ബിങ് - സൗത്ത് സ്റ്റുഡിയോ, ഗ്രാഫിക്‌സ് - ഗോകുൽ വിശ്വം, ഡാൻസ് കൊറിയോഗ്രാഫി - വിഷ്‌ണു ദേവ്, സ്റ്റണ്ട് മാസ്റ്റർ - റോഷൻ ചന്ദ്ര, ഡിസൈൻ - ഓൾഡ്മങ്ക്സ്, സ്റ്റിൽസ് - പ്രേംലാൽ, വിഎഫ്എക്സ് - പ്രോമിസ്.
ALSO READ: 'മിണ്ടാതെ...'; 'ലക്കി ഭാസ്‌കറി'ലെ ആദ്യ ഗാനമെത്തി, തിളങ്ങി ദുൽഖറും മീനാക്ഷിയും
