മോഹൻലാൽ ആരാധകർ നാളുകളേറെയായി കാത്തിരിക്കുന്ന ചിത്രമാണ് 'ബറോസ്', മലയാളികളുടെ പ്രിയ നടന്‍ ആദ്യമായി സംവിധാനം ചെയ്യുന്ന സിനിമയാണിത്. 'ബറോസി'ൽ മോഹൻലാലും പ്രധാന വേഷത്തിൽ അഭിനയിക്കുന്നുമുണ്ട്. ഇപ്പോഴിതാ ആരാധകരുടെ ആവേശം ഇരട്ടിയാക്കി ഈ സിനിമയുടെ പിന്നാമ്പുറ കാഴ്‌ചകൾ അണിയറ പ്രവർത്തകർ പുറത്തുവിട്ടിരിക്കുകയാണ്.
സംവിധായകനായും നടനായും ജോലിയിൽ മുഴുകിയിരിക്കുന്ന മോഹൻലാലിനെ 'ബറോസി'ന്‍റെ ബിഹൈൻഡ് ദി സീൻ വീഡിയോയിൽ കാണാം. ചിത്രവുമായി സഹകരിക്കുന്ന സംവിധായകൻ ടികെ രാജീവ് കുമാർ, ഛായാഗ്രാഹകൻ സന്തോഷ് ശിവൻ, മറ്റ് താരങ്ങൾ എന്നിവരും ദൃശ്യങ്ങളിലുണ്ട്. മോഹൻലാൽ അവതരിപ്പിക്കുന്ന 'നിധി കാക്കുന്ന ഭൂതത്തി'ന്‍റെ ആനിമേഷനോട് കൂടിയാണ് വീഡിയോ ആരംഭിക്കുന്നത്.
- " class="align-text-top noRightClick twitterSection" data="">
ടൈറ്റിൽ കഥാപാത്രമായ ബറോസിനെയാണ് മോഹൻലാൽ ചിത്രത്തിൽ അവതരിപ്പിക്കുന്നത്. താരത്തിന്‍റെ വേറിട്ട ലുക്കും അപ്പിയറൻസും നേരത്തെ തന്നെ പ്രേക്ഷകശ്രദ്ധ നേടിയിരുന്നു. ഗുരുസോമസുന്ദരം, മോഹൻശർമ, തുഹിൻ മേനോൻ എന്നിവരും 'ബറോസി'ൽ പ്രധാന വേഷങ്ങളിലുണ്ട്. ഇവർക്ക് പുറമെ മായാ, സീസർ ലോറന്‍റെ തുടങ്ങി ഒട്ടനവധി വിദേശ താരങ്ങളും അണിനിരക്കുന്നു.
ആശിർവാദ് സിനിമാസിന്‍റെ ബാനറിൽ ആന്‍റണി പെരുമ്പാവൂർ നിർമിക്കുന്ന 'ബറോസി'ന്‍റെ ഔദ്യോഗിക പ്രഖ്യാപനം 2019ൽ ആയിരുന്നു മോഹൻലാൽ നടത്തിയത്. 2021 മാര്‍ച്ച് 24ന് ചിത്രത്തിന്‍റെ ഒഫിഷ്യല്‍ ലോഞ്ച് നടന്നു. സിനിമയുടെ ചിത്രീകരണം 170 ദിവസത്തോളമെടുത്താണ് പൂർത്തിയാക്കിയത്.
