പുള്ളുവൻ പാട്ടിൻ്റെയും നാവേറ് പാട്ടിൻ്റെയും അഷ്‌ടനാഗക്കളം മായ്‌ക്കലിൻ്റെയും പശ്ചാത്തലത്തിൽ ഒരുക്കിയ ചിത്രം 'മായമ്മ' തിയേറ്ററുകളിലേക്ക്. ഒരു പുള്ളുവത്തി പെൺകുട്ടിയും നമ്പൂതിരി യുവാവും തമ്മിലുള്ള പ്രണയ കഥ പറയുന്ന 'മായമ്മ' ജൂൺ 7 മുതൽ തിയേറ്ററുകളിൽ പ്രദർശനം ആരംഭിക്കും. അങ്കിത വിനോദാണ് ഈ ചിത്രത്തിൽ മായമ്മ എന്ന ടൈറ്റിൽ കഥാപാത്രത്തെ അവതരിപ്പിക്കുന്നത്.
ചുറ്റുമുള്ളവരുടെ ജാതി ചിന്ത മൂലം മായമ്മയ്‌ക്ക് നേരിടേണ്ടി വരുന്ന ദുരന്തങ്ങളും ഒപ്പം സ്‌ത്രീത്വത്തിനും അഭിമാനത്തിനും വേണ്ടി അവൾ നടത്തുന്ന പോരാട്ടവുമാണ് ചിത്രത്തിന്‍റെ ഇതിവൃത്തം. രമേശ് കുമാർ കോറമംഗലമാണ് മായമ്മയുടെ രചനയും സംവിധാനവും നിർവഹിച്ചത്. പുണർതം ആർട്‌സ് ഡിജിറ്റൽ, യോഗീശ്വര ഫിലിംസ് എന്നിവയുടെ ബാനറിൽ ദീപ എൻപിയാണ് ചിത്രം നിർമിച്ചത്.
അരുൺ ഉണ്ണി, വിജി തമ്പി, ചേർത്തല ജയൻ, കൃഷ്‌ണ പ്രസാദ്, പൂജപ്പുര രാധാകൃഷ്‌ണൻ, ബിജു കലാവേദി, പിജെ രാധാകൃഷ്‌ണൻ, ജീവൻ ചാക്കോ, സുമേഷ് ശർമ്മ, ബാബു നമ്പൂതിരി, ഇന്ദുലേഖ, കെപിഎസി ലീലാമണി, സീതാലക്ഷ്‌മി, രാഖി മനോജ്, ആതിര, മാസ്റ്റർ അമൽപോൾ, ബേബി അഭിസ്‌ത, ബേബി അനന്യ തുടങ്ങിയവരാണ് ഈ ചിത്രത്തിൽ മറ്റ് ശ്രദ്ധേയ കഥാപാത്രങ്ങളെ അവതരിപ്പിക്കുന്നത്. വടക്കൻ മലബാറിന്‍റെ പശ്ചാത്തലത്തിൽ കഥ പറയുന്ന മായമ്മ മലയാളി പ്രേക്ഷകർക്ക് ഒരു പുത്തന്‍ അനുഭവം സമ്മാനിക്കുമെന്നാണ് പ്രതീക്ഷിക്കുന്നത്.
നവീൻ കെ സാജ് ഛായാഗ്രഹണം നിർവഹിക്കുന്ന മായമ്മയുടെ എഡിറ്റർ അനൂപ് എസ് രാജാണ്. രാജശേഖരൻ നായർ, ശബരീനാഥ്, വിഷ്‌ണു, ഗണേഷ് പ്രസാദ്, ഗിരീഷ് എന്നിവർ എക്‌സിക്യൂട്ടീവ് പ്രൊഡ്യൂസർമാരും അനിൽ കഴക്കൂട്ടം പ്രോജക്‌ട് കോ-ഓർഡിനേറ്ററും ചീഫ് അസോസിയേറ്റ് ഡയറക്‌ടറുമാണ്.
ചമയം-ഉദയൻ നേമം, കോസ്റ്റ്യൂം-ബിജു മങ്ങാട്ടുകോണം, കല-അജി പായ്‌ചിറ, അസോസിയേറ്റ് ഡയറക്‌ടർ-റാഫി പോത്തൻകോട്, ഗാനരചന-രമേശ് കുമാർ കോറമംഗലം, ഉമേഷ് പോറ്റി (നാവേറ് പാട്ട്), സംഗീതം-രാജേഷ് വിജയ്, ആലാപനം-അഖില ആനന്ദ്, രാജേഷ് വിജയ്, ലക്ഷ്‌മി ജയൻ, പ്രമീള, പ്രിയ രാജേഷ്.
പ്രൊഡക്ഷൻ കൺട്രോളർ-അജയഘോഷ് പറവൂർ, കോറിയോഗ്രാഫി-രമേശ്, പ്രൊഡക്ഷൻ മാനേജർ-പത്മാലയൻ മംഗലത്ത്, സംവിധാന സഹായികൾ-കുട്ടു ഗണേഷ്, അനൂപ് ശർമ്മ, സുധീഷ് ജനാർദ്ദനൻ, കളറിസ്റ്റ്-വിജയകുമാർ, റിക്കോർഡിസ്റ്റ്-ഷഹനാസ് നെടുങ്കണ്ടം, സൗണ്ട് മിക്‌സിങ്-ആദർശ് ചെറുവള്ളി, സ്റ്റുഡിയോ-ബോർക്കിഡ് മീഡിയ, മ്യൂസിക് മാർക്കറ്റിങ്- മില്ലേനിയം ഓഡിയോസ്, വിതരണം-പുണർതം ആർട്‌സ് ഡിജിറ്റൽ വിത്ത് 72 ഫിലിം കമ്പനി.
ALSO READ: 'അഭിരാമി'യായി ഗായത്രി സുരേഷ്; ശ്രദ്ധനേടി ട്രെയിലർ
