വിവാഹ വാര്‍ഷിക ദിനത്തില്‍ നടന്‍ സലീം കുമാര്‍ പങ്കുവച്ച കുറിപ്പ് ശ്രദ്ധേയമാകുന്നു. ജീവിതയാത്രയില്‍ താന്‍ തളര്‍ന്നുവീണപ്പോള്‍ താങ്ങും തണലുമായി നിന്നത് അമ്മയും ഭാര്യയുമാണെന്ന് നടന്‍ കുറിച്ചു. ഭാര്യ ജീവിതത്തിലേക്ക് കടന്നു വന്നിട്ട് 28 വര്‍ഷം തികയുന്നുവെന്നും താന്‍ ചെയ്‌ത ഏറ്റവും വലിയ ശരിയായിരുന്നു ഇതെന്നും അദ്ദേഹം കുറിച്ചു.
'എന്‍റെ ജീവിതയാത്രയിൽ ഞാൻ തളർന്നു വീണപ്പോൾ എല്ലാം എനിക്ക് താങ്ങും തണലുമായി നിന്നത് രണ്ട് "സ്ത്രീ മരങ്ങളാണ്," ഒന്ന് എന്‍റെ അമ്മയും മറ്റൊന്ന് എന്‍റെ ഭാര്യയുമാണ്. സുനിത എന്‍റെ ജീവിതത്തിലേക്ക് കടന്നു വന്നിട്ട് ഇന്നേക്ക് 28 വർഷം തികയുകയാണ്. അതെ, ഞാൻ ജീവിതത്തിൽ ചെയ്‌ത ഏറ്റവും വലിയ ശരിക്ക് ഇന്ന് 28 വയസ്' -സലിം കുമാര്‍ കുറിച്ചു.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
കുറിപ്പിനോടൊപ്പം തന്‍റെ വിവാഹ ചിത്രവും സലിം കുമാര്‍ പങ്കുവച്ചിട്ടുണ്ട്. നിരവധി ആരാധകരാണ് സലീം കുമാറിനും ഭാര്യ സുനിതയ്ക്ക് ആശംസകളുമായി എത്തുന്നത്.
Also Read: 'എല്ലാ ഉയര്‍ച്ച താഴ്‌ചകളിലും ഞങ്ങള്‍ പരസ്‌പരം താങ്ങായി നിന്നു': വിവാഹവാര്‍ഷികം ആഘോഷിച്ച് ആശ ശരത്ത്
