സൂപ്പർ ഹിറ്റ് തമിഴ് സംവിധായകൻ മാരി സെൽവരാജ് ഒരുക്കിയ ഏറ്റവും പുതിയ ചിത്രമാണ് വാഴൈ. കലൈയരശൻ, നിഖില വിമല്‍, പൊൻവേൽ എം, രാകുൽ ആർ തുടങ്ങിയവരാണ് ചിത്രത്തില്‍ വേഷമിട്ടിരിക്കുന്നത്. കഴിഞ്ഞയാഴ്‌ച തമിഴ്‌നാട്ടിൽ റിലീസ് ചെയ്‌ത ചിത്രത്തിന് വൻ പ്രതികരണമാണ് ലഭിക്കുന്നത്. സമൂഹ മാധ്യമങ്ങളിൽ വലിയ ചർച്ചയാകുന്ന സിനിമ ഈ വാരം കേരളത്തിലും റിലീസ് ചെയ്യും. ഓഗസ്‌റ്റ് 30 നാണ് ചിത്രം കേരളത്തിലെ തിയേറ്ററുകളിൽ പ്രദർശനം ആരംഭിക്കുക.
ഡ്രീം ബിഗ് ഫിലിംസ് ആണ് ഈ ചിത്രം കേരളത്തിൽ വിതരണം ചെയ്യുന്നത്. തമിഴ്‌നാട്ടിൽ വമ്പൻ പ്രേക്ഷക പ്രതികരണവും നിരൂപക പ്രശംസയും നേടുന്ന ചിത്രം ബോക്‌സ് ഓഫിസിലും ഗംഭീര കലക്ഷനാണ് നേടുന്നത്. സംവിധായകൻ മാരി സെൽവരാജിന്‍റെ ജീവിതത്തിലുണ്ടായ സംഭവം ആധാരമാക്കി ഒരുക്കിയ ചിത്രം ആദ്യ വാരത്തിൽ 11 കോടിക്ക് മുകളിലാണ് ഗ്രോസ് നേടിയത്.
പരിയേറും പെരുമാൾ, കർണ്ണൻ, മാമന്നൻ തുടങ്ങിയ ചിത്രങ്ങളിലൂടെ പ്രശസ്‌തനായ സംവിധായകനാണ് മാരി സെൽവരാജ്. ബാല, സുധ കൊങ്കര, റാം, മിഷ്‌കിൻ തുടങ്ങിയ പ്രശസ്‌ത തമിഴ് സംവിധായകർ 'വാഴൈ' എന്ന ചിത്രത്തെ പ്രശംസിച്ച് കൊണ്ട് മുന്നോട്ട് വന്നിരുന്നു.
നവ്വി സ്‌റ്റുഡിയോയ്‌സ്, ഡിസ്‌നി പ്ലസ് ഹോട്‌സ്‌റ്റാർ, ഫാർമേഴ്‌സ് മാസ്‌റ്റർ പ്ലാൻ എന്നിവർ ചേർന്ന് നിർമ്മിച്ച ഈ ചിത്രത്തിൻ്റെ തിരക്കഥ രചിച്ചിരിക്കുന്നത് മാരി സെൽവരാജാണ്. തേനി ഈശ്വറാണ് ഛായാഗ്രാഹണം നിര്‍വഹിച്ചത്. എ ആര്‍ റഹ്‍മാനാണ് ചിത്രത്തിന്‍റെ സംഗീത സംവിധാനം നിര്‍വഹിച്ചിക്കുന്നത്. സംഗീതം: സന്തോഷ് നാരായണൻ, എഡിറ്റർ: സൂര്യ പ്രഥമൻ.
Also Read: ജഗദീഷ് ഇനി 'സുമാദത്തൻ'; 'കിഷ്‌കിന്ധാ കാണ്ഡം'ത്തിൽ പുതിയ വേഷപ്പകർച്ച, ക്യാരക്‌ടർ പോസ്‌റ്റർ പുറത്ത്
