സോഷ്യൽ മീഡിയയിൽ ചർച്ചയായി മാറിയ രണ്ട് ഡാൻസ് നമ്പർ ഗാനങ്ങൾക്ക് ശേഷം, തെലുഗു സൂപ്പർ താരം റാം പൊത്തിനേനി നായകനായി എത്തുന്ന ഡബിൾ ഐ സ്‌മാർട്ടിലെ മൂന്നാമത്തെ ഗാനമെത്തി. തെലുഗു സൂപ്പർ ഹിറ്റ് സംവിധായകൻ പുരി ജഗനാഥ് രചിച്ച് സംവിധാനം ചെയ്‌ത ചിത്രം ഈ വർഷം ഓഗസ്‌റ്റ് 15 നാണ് ആഗോള റിലീസായി എത്തുന്നത്.
ചിത്രത്തിലെ മനോഹരമായ പ്രണയ ഗാനമാണ് ഏറ്റവും പുതിയതായി അണിയറ പ്രവർത്തകർ റിലീസ് ചെയ്‌തിരിക്കുന്നത്. 'ക്യാ ലഫ്‌ഡ' എന്ന വരികളോടെ തുടങ്ങുന്ന ഈ ഗാനം രചിച്ചിരിക്കുന്നത് ശ്രീ ഹർഷ ഇമാനിയാണ്‌. റാം പൊത്തിനേനി, കാവ്യ ഥാപ്പർ എന്നിവരുടെ മനോഹരമായ പ്രണയ നിമിഷങ്ങൾ ഉൾപ്പെടുത്തിയ ഈ ഗാനത്തിന്‍റെ ലിറിക് വീഡിയോയാണ് പുറത്തിറക്കിയിരിക്കുന്നത്. മണി ശർമ്മ സംഗീത സംവിധാനം നിർവഹിച്ച ഈ ഗാനം ധനുജ്ഞയ് സീപന, സിന്ധുജ ശ്രീനിവാസൻ എന്നിവർ ചേർന്നാണ് ആലപിച്ചിരിക്കുന്നത്.
ഈ ചിത്രത്തിലെ ഗാനങ്ങളായ 'സ്‌റ്റെപ്‌ മാർ', 'മാർ മുന്താ ചോട് ചിന്ട' എന്നിവയുടെ ലിറിക് വീഡിയോകൾ നേരത്തെ തന്നെ റിലീസ് ചെയ്യുകയും സമൂഹ മാധ്യമങ്ങളിൽ വമ്പൻ ഹിറ്റായി മാറുകയും ചെയ്‌തിരുന്നു. ഈ വർഷം ഓഗസ്‌റ്റ് 15 നാണ് ആഗോള റിലീസായി ഡബിൾ ഐ സ്മാർട്ട് പ്രേക്ഷകരുടെ മുന്നിലെത്തുക.
ബോളിവുഡ് താരം സഞ്ജയ് ദത്ത്, ബാനി ജെ, അലി, ഗെറ്റപ്പ് ശ്രീനു, സായാജി ഷിൻഡെ, മകരന്ദ് ദേശ്‌പാണ്ഡെ, ടെംപെർ വംശി എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. പുരി കണക്‌ട്‌സിന്‍റെ ബാനറിൽ പുരി ജഗനാഥ്, ചാർമി കൗർ എന്നിവർ ചേർന്നാണ് ഡബിൾ ഐ സ്മാർട്ട് നിർമിച്ചിരിക്കുന്നത്.
സാം കെ നായിഡു, ജിയാനി ജിയാനെല്ലി എന്നിവർ ചേർന്ന് ക്യാമറ ചലിപ്പിച്ചിരിക്കുന്ന ഈ ചിത്രം കാർത്തിക ശ്രീനിവാസ് ആർ ആണ് എഡിറ്റ് ചെയ്‌തിരിക്കുന്നത്. തെലുഗു, തമിഴ്, കന്നഡ, മലയാളം, ഹിന്ദി ഭാഷകളിൽ പാൻ ഇന്ത്യൻ റിലീസായാണ് ഡബിൾ ഐ സ്മാർട്ട് വെള്ളിത്തിരയിലെത്തുക. ജോണി ഷൈഖ് പ്രൊഡക്ഷൻ ഡിസൈനറായ ഈ ചിത്രത്തിന് വേണ്ടി വിഎഫ്എക്‌സ് ഒരുക്കിയത് അനിൽ പടൂരിയാണ്.
സംഘട്ടനം: കെച്ച ഖംപഖഡീ, റിയൽ സതീഷ്, സൗണ്ട് ഡിസൈനർ: ജസ്‌റ്റിൻ ജോസ്, കാസ്, കോ-ഡയറക്‌ടർ: ജിതേൻ ശർമ, സിഇഒ: വിഷ്‌ണു റെഡ്ഡി, വേൾഡ് വൈഡ് റിലീസ്: പ്രൈം ഷോ എന്‍റർടെയ്‌ൻമെന്‍റ്, മാർക്കറ്റിങ്: ഹാഷ്‌ടാഗ് മീഡിയ, പിആർഒ: ശബരി.
Also Read: 'ഡബിൾ ഐ സ്‌മാർട്ടി'ലെ ദേസി-പാർട്ടി ഗാനം പുറത്ത്; 'മാർ മുന്താ ചോട് ചിന്ട' ലിറിക് വീഡിയോ
