ഷറഫുദ്ദീൻ, ഐശ്വര്യ ലക്ഷ്‌മി എന്നിവർ കേന്ദ്രകഥാപാത്രങ്ങളില്‍ എത്തുന്ന ഫാന്‍റസി കോമഡി ചിത്രമാണ് 'ഹലോ മമ്മി'. നവാഗതനായ വൈശാഖ് എലൻസ് സംവിധാനം ചെയ്‌ത 'ഹലോ മമ്മി'യുടെ ട്രെയിലര്‍ പുറത്തുവിട്ടു. 2.17 മിനിറ്റുള്ള രസകരമായ ട്രെയിലര്‍ പ്രേക്ഷകശ്രദ്ധ നേടുന്നു.
നടന്‍മാരായ പൃഥ്വിരാജ്, വിജയ് സേതുപതി, റാണ ദഗ്ഗുബതി, ഫഹദ് ഫാസിൽ, നിവിൻ പോളി, ഉണ്ണി മുകുന്ദൻ എന്നിവര്‍ തങ്ങളുടെ സോഷ്യൽ മീഡിയ പേജിലൂടെയാണ് ട്രെയിലര്‍ റിലീസ് ചെയ്‌തത്. നവംബർ 21ന് ചിത്രം തിയേറ്ററുകളിലെത്തും.
അടുത്തിടെ ചിത്രത്തിലെ 'റെഡിയാ മാരൻ' എന്ന ഗാനവും അണിയറപ്രവര്‍ത്തകര്‍ പുറത്തുവിട്ടിരുന്നു. 'റെഡിയാ മാരനും' പ്രേക്ഷകര്‍ ഏറ്റെടുത്തിരുന്നു. മുഹ്‌സിന്‍ പരാരിയുടെ വരികൾക്ക് ജേക്സ് ബിജോയുടെ സംഗീതത്തില്‍ ഡബ്‌സി, സിയ ഉൾ ഹഖ്, ജേക്സ് ബിജോയ് എന്നിവർ ചേർന്നാണ് ഈ മനോഹര ഗാനം ആലപിച്ചത്.
'ആസ്‌പിരന്‍റ്‌സ്‌', 'ദി ഫാമിലി മാൻ', 'ദി റെയിൽവേ മെൻ' തുടങ്ങീ വെബ് സിരീസുകളിലൂടെയും ബോളിവുഡ് സിനിമകളിലൂടെയും ശ്രദ്ധേയനായ നടൻ സണ്ണി ഹിന്ദുജയും ചിത്രത്തില്‍ സുപ്രധാന വേഷത്തില്‍ എത്തുന്നുണ്ട്. അജു വർഗീസ്, ജോണി ആന്‍റണി, ജഗദീഷ്, ബിന്ദു പണിക്കർ, ജോമോൻ ജ്യോതിർ, അദ്രി ജോ, ഗംഗാ മീര, ശ്രുതി സുരേഷ് തുടങ്ങിയവരും ചിത്രത്തില്‍ അണിനിരക്കുന്നുണ്ട്.
സാൻജോ ജോസഫ്‌ ആണ് ചിത്രത്തിന്‍റെ കഥയും തിരക്കഥയും ഒരുക്കിയിരിക്കുന്നത്. ഹാങ്ങ് ഓവർ ഫിലിംസ്, എ ആൻഡ് എച്ച്എസ് പ്രൊഡക്ഷന്‍ എന്നീ ബാനറുകളില്‍ ജോമിൻ മാത്യു, ഐബിൻ തോമസ്, രാഹുൽ ഇ എസ് എന്നിവര്‍ ചേര്‍ന്നാണ് സിനിമയുടെ നിര്‍മ്മാണം. സജിൻ അലി, ദിപൻ പട്ടേൽ, നിസാർ ബാബു എന്നിവരാണ് സഹനിർമ്മാതാക്കൾ.
'നീലവെളിച്ചം', 'അഞ്ചക്കള്ളകോക്കാൻ' എന്നീ ചിത്രങ്ങളുടെ നിർമ്മാണ പങ്കാളിത്തത്തിന് ശേഷം എ ആൻഡ് എച്ച്എസ് പ്രൊഡക്ഷൻസ്, ഹാങ്ങോവർ ഫിലിംസുമായി സഹകരിക്കുന്ന ചിത്രം കൂടിയാണിത്. ഡ്രീം ബിഗ് പിക്‌ച്ചേഴ്‌സാണ് സിനിമയുടെ കേരളത്തിലെ വിതരണാവകാശം സ്വന്തമാക്കിയത്. ജിസിസി ഓവർസീസ് ഡിസ്ട്രിബ്യുഷൻ റൈറ്റ്സ് ഉൾപ്പെടെയുള്ള ഓവർസീസ് ഡിസ്ട്രിബ്യുഷൻ ഫാഴ്‌സ്‌ ഫിലിംസും സ്വന്തമാക്കി.
സരിഗമ മ്യൂസിക്കാണ് സിനിമയുടെ മ്യൂസിക് റൈറ്റ്സ് സ്വന്തമാക്കിയിരിക്കുന്നത്. പ്രവീൺ കുമാർ ഛായാഗ്രഹണവും ചമൻ ചാക്കോ ചിത്രസംയോജനവും നിര്‍വ്വഹിക്കുന്നു. മുഹ്‌സിന്‍ പരാരി, സുഹൈൽ കോയ എന്നിവര്‍ ചേര്‍ന്നാണ് ചിത്രത്തിലെ ഗാനങ്ങള്‍ക്ക് വരികള്‍ ഒരുക്കിയിരിക്കുന്നത്.
വസ്ത്രാലങ്കാരം - സമീറാ സനീഷ്, മേക്കപ്പ് - റോണക്‌സ്‌ സേവ്യർ, സംഘട്ടനം - കലൈ കിങ്സൺ, പിസി സ്‌റ്റണ്ട്‌സ്, കൊറിയോഗ്രാഫി - ഷെരീഫ്, വിഎഫ്‌എക്‌സ്‌ - പിക്റ്റോറിയൽ എഫ്എക്‌സ്, സൗണ്ട് ഡിസൈൻ - സിങ്ക് സിനിമ, പ്രൊഡക്ഷൻ ഡിസൈൻ - സാബു മോഹൻ, ചീഫ് അസോസിയേറ്റ് - വിശാഖ് ആർ വാരിയർ, ക്രിയേറ്റിവ്‌ ഡയറക്‌ടര്‍ - രാഹുൽ ഇ എസ്, പ്രൊഡക്ഷൻ കൺട്രോളർ - പ്രശാന്ത് നാരായണൻ, എക്‌സിക്യൂട്ടീവ് പ്രൊഡ്യൂസർ - ബിജേഷ് താമി, ഡിസൈൻ - ടെൻ പോയിന്‍റ്, കളറിസ്‌റ്റ് - ഷണ്‍മുഖ പാണ്ഡ്യൻ എം, സ്‌റ്റിൽസ് - അമൽ സി സദർ, പിആർഒ - പ്രതീഷ് ശേഖർ എന്നിവരാണ് ചിത്രത്തിനെ മറ്റ് അണിയറപ്രവര്‍ത്തകര്‍.
Also Read: മാത്യു തോമസിന് നായിക ഈച്ച; ഓഫാബിക്ക് ശേഷം മലയാളത്തിലെ ഹൈബ്രിഡ് ഫിലിം; ലൗലി ത്രീഡിയില്‍
