ജി വി പ്രകാശ് കുമാറും ഐശ്വര്യ രാജേഷും കേന്ദ്ര പഥാപാത്രങ്ങളായി അഭിനയിച്ച ഫാമിലി എന്‍റർടെയിനർ ചിത്രം ഡിയർ കേരളത്തിലെ തിയേറ്ററുകളിലും റിലീസായി. മികച്ച പ്രതികരണങ്ങളാണ് ചിത്രത്തിന് ലഭിക്കുന്നത്. ആനന്ദ് രവിചന്ദ്രൻ കഥയും സംവിധാനവും നിർവഹിച്ച ഈ ആപേക്ഷിക ഫാമിലി ഡ്രാമ സവിശേഷവും രസകരവുമായ ആശയമാണ് പ്രേക്ഷകരിലേക്കെത്തിക്കുന്നത്. ഭാര്യയുടെ കൂർക്കംവലി പ്രശ്‌നം ദാമ്പത്യത്തെ എങ്ങനെ ബാധിക്കുന്നുവെന്നതിനെ അടിസ്ഥാനമാക്കിയാണ് ചിത്രത്തിന്‍റെ കഥ ഒരുക്കിയിരിക്കുന്നത്.
തമിഴിൽ ക്രിക്കറ്റ് താരം രവിചന്ദ്രൻ അശ്വിനും തെലുഗിൽ അക്കിനേനി നാഗ ചൈതന്യയും വോയ്‌സ് ഓവർ ചെയ്‌ത ചിത്രത്തിന്‍റെ ട്രെയിലർ യൂട്യൂബിൽ ട്രെൻഡിങിൽ ഒന്നാമതായിരുന്നു. നട്ട്‌മെഗ് പ്രൊഡക്ഷൻസിന്‍റെ ബാനറിൽ വരുൺ ത്രിപുരനേനി, അഭിഷേക് റമിസെട്ടി, ജി പൃഥ്വിരാജ് എന്നിവർ ചേർന്നാണ് ഡിയറിന്‍റെ നിർമ്മാണം നിർവഹിച്ചത്. ജിവി പ്രകാശ് കുമാർ സംഗീതം പകർന്നിരിക്കുന്ന ചിത്രത്തിന്‍റെ ഗാനങ്ങൾ ചാർട്ടിൽ ഇടം നേടിയിട്ടുണ്ട്.
മലയാളത്തിൽ നട്ട്മഗ് പ്രൊഡക്ഷൻസ് അമലാ പോളിനെ നായികയാക്കി ഒരുക്കിയ ടീച്ചർ എന്ന ചിത്രത്തിന് ശേഷം നിർമ്മിച്ച ചിത്രമാണ് ഡിയർ. ജഗദീഷ് സുന്ദരമൂർത്തി (ഡിഒപി ), രുകേശ് (എഡിറ്റർ), പ്രഗദീശ്വരൻ പനീർസെൽവം (ആർട്ട് ഡയറക്‌ടർ), രാഘവ് രമേശ് (പ്രൊഡക്ഷൻ സൗണ്ട് മിക്‌സർ ), അനുഷ മീനാക്ഷി (കോസ്‌റ്റ്യൂം ഡിസൈനർ), രാജു സുന്ദരം (കൊറിയോഗ്രാഫർ), ബ്രിന്ദ , അസർ, കറുപ്പ് ജി കാർത്തി (ചീഫ് അസോസിയേറ്റ് ഡയറക്‌ടർ), രാം കുമാർ (സ്റ്റണ്ട് ), കാർത്തിക് കുമാർ (മേക്കപ്പ്), ജയ് ഗണേഷ് (പ്രൊഡക്ഷൻ കൺട്രോളർ ), പ്രതീഷ് ശേഖർ (പിആർഒ) എന്നിവരാണ് ചിത്രത്തിന്‍റെ അണിയറ പ്രവർത്തകർ.
