റിലീസിനൊരുങ്ങുന്ന ഹൊറർ ഫാമിലി ഇൻവെസ്റ്റിഗേഷൻ ചിത്രം 'ചിത്തിനി'യുടെ പ്രൊമോ ഗാനം പുറത്ത്. ഈസ്റ്റ് കോസ്റ്റ് വിജയൻ നിർമാണവും സംവിധാനവും നിർവഹിക്കുന്ന ചിത്രത്തിലെ 'ലേ... ലേ.. ലേ' എന്ന് തുടങ്ങുന്ന ഗാനമാണ് പുറത്തിറങ്ങിയത്. ചിത്രത്തിൽ നായികയായെത്തുന്ന മോക്ഷയും സംഘവുമാണ് ഗാനരംഗത്തിൽ. ആരാധകർക്ക് സർപ്രൈസായാണ് ഗാനം എത്തിയിരിക്കുന്നത്.
സുരേഷ് പൂമലയാണ് ഗാനരചന. സംഗീതം പകർന്നിരിക്കുന്നത് രഞ്ജിൻ രാജ് ആണ്. സുഭാഷ് കൃഷ്‌ണയും കെഎസ് അനവദ്യയും ചേർന്നാണ് ആലാപനം. ബിജു ധ്വനിതരംഗ് ആണ് മ്യൂസിക് വിഡിയോ സംവിധാനം ചെയ്‌തിരിക്കുന്നത്. ജിഷ്‌ണു - വിഷ്‌ണു, ബിജു ധ്വനിതരംഗ് എന്നിവർ ചേർന്നാണ് ഡാൻസ് കൊറിയോഗ്രഫി നിർവഹിച്ചിരിക്കുന്നത്. ക്യാമറയും എഡിറ്റിങ്ങും നിർവഹിച്ചത് അമീൻ സാബിൽ ആണ്.
അമിത് ചക്കാലക്കലാണ് ഈ സിനിമയിൽ നായകൻ ആയി എത്തുന്നത്. വിനയ് ഫോർട്ടും ചിത്രത്തിൽ പ്രധാന വേഷത്തിലുണ്ട്. ബംഗാളി താരമായ മോക്ഷ നായികയായി എത്തുന്ന രണ്ടാമത്തെ മലയാള സിനിമ കൂടിയാണ് 'ചിത്തിനി'. ഈസ്റ്റ് കോസ്റ്റ് വിജയൻ തന്നെ സംവിധാനം ചെയ്‌ത 'കള്ളനും ഭഗവതി'യും എന്ന ചിത്രത്തിലൂടെ ആയിരുന്നു താരം മലയാളത്തിൽ അരങ്ങേറ്റം കുറിച്ചത്.
