ക്രിസ്‌മസ് തൂക്കാന്‍ മോഹന്‍ലാല്‍? തിയേറ്ററുകളില്‍ ഹൗസ് ഫുള്ളായി ആദ്യ ഷോ; 'ബറോസ്' അഡ്വാന്‍സ് ബുക്കിംഗിന് മികച്ച പ്രതികരണം

'ബറോസ്' നാളെ മുതല്‍ ആഗോളതലത്തില്‍ തിയേറ്ററുകളില്‍ എത്തും. മോഹന്‍ലാല്‍ ആദ്യമായി സംവിധാനം ചെയ്യുന്ന ചിത്രം.

മോഹന്‍ലാലിന്‍റെ സംവിധാനത്തില്‍ പിറക്കുന്ന 'ബറോസ്' തിയേറ്ററില്‍ എത്താന്‍ ഇനി മണിക്കൂറുകള്‍ മാത്രമാണുള്ളത്. 47 വര്‍ഷത്തെ അഭിനയ ജീവിതത്തിനിടയില്‍ മലായാളത്തിന്‍റെ പ്രിയ നടന്‍ ആദ്യമായി സംവിധാനം ചെയ്യുന്ന ചിത്രമായതുകൊണ്ട് വലിയ ആകാംക്ഷയിലാണ് പ്രേക്ഷകര്‍. ആഗോള തലത്തിലുള്ള തിയേറ്ററുകളിലാണ് നാളെ മുതല്‍ 'ബറോസ്' പ്രേക്ഷകരെ വിസ്‌മയിപ്പിക്കാന്‍ എത്തുന്നത്.

ഇന്ത്യയില്‍ നിന്നും വിദേശത്തു നിന്നും പ്രതിഭാശാലികളായ സാങ്കേതിക വിദഗ്‌ധരും അഭിനേതാക്കളും സംഗീതഞ്ജരുമാണ് ഈ സിനിമയ്ക്കായി അണിനിരക്കുന്നത്.

വന്‍ പ്രേക്ഷക പ്രതികരണത്തോടെ റിലീസായ ഉണ്ണി മുകുന്ദന്‍ ചിത്രം 'മാര്‍ക്കോ' ആഷിഖ് അബു സംവിധാനം ചെയ്‌ത 'റൈഫിള്‍ ക്ലബ്', വരുണ്‍ കീര്‍ത്തി സുരേഷ് പ്രധാന വേഷത്തിലെത്തുന്ന 'ബേബി ജോണ്‍' എന്നിവയും 'ബറോസി'നോട് ഏറ്റുമുട്ടാനുണ്ടാകും. തുകൊണ്ട് ഇത്തവണത്തെ ക്രിസ്‌മസിന് ആരാകും തിയേറ്റര്‍ ഭരിക്കുകയെന്നാണ് ആരാധകര്‍ ഉറ്റുനോക്കുന്നത്.

ബറോസിന്‍റെ അഡ്വാന്‍സ് ബുക്കിങ് 22 ന് രാവിലെ മുതല്‍ ആരംഭിച്ചിരുന്നു. ഇപ്പോഴിതാ മികച്ച പ്രതികരണമാണ് അഡ്വാന്‍സ് ബുക്കിംഗിലൂടെ ചിത്രം നേടുന്നത്. പ്രമുഖ തിയേറ്ററുകളിലെല്ലാം നാളത്തെ ആദ്യഷോ ഹൗസ് ഫുള്ളാണ്.

പ്രമുഖ ട്രാക്കര്‍ അനലിസ്‌റ്റായ സാക്‌നില്‍കിന്‍റെ കണക്ക് പ്രകാരം കേരളത്തിന് 63 ലക്ഷമാണ് ചിത്രം ഇതുവരെ നേടിയത്. 960 പ്രദര്‍ശനങ്ങളില്‍ നിന്ന് 29,789 ടിക്കറ്റുകളാണ് വിറ്റിരിക്കുന്നത് എന്നാണ് അറിയിക്കുന്നത്. 184 രൂപ ആവേറേജ് ടിക്കറ്റ് തുക വച്ചിട്ടാണ് കളക്ഷന്‍ കണക്കാക്കിയിരിക്കുന്നത്.

തമിഴ്‌നാട്ടിലെ 17 ഷോകളും ഇവര്‍ ട്രാക്ക് ചെയ്‌തിട്ടുണ്ട്. അതുകൂടി ചേര്‍ത്ത് 63.22 ലക്ഷമാണ് ഇതിനോടകം നേടിയിരിക്കുന്നത്. ബ്ലോക്ക് സീറ്റുകൂടി ഇതില്‍ ഉള്‍പ്പെടുമ്പോള്‍ 1.08 കോടിയാണെന്നും സാക്നില്‍ക് അറിയിക്കുന്നത്.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം

മൈഡിയര്‍ കുട്ടിച്ചാത്തന്‍ സംവിധായകന്‍ ജിജോ പുന്നൂസ് ആണ് ബറോസിന്‍റെ തിരക്കഥ ഒരുക്കുന്നത്. സന്തോഷ് ശിവനാണ് ചിത്രത്തിന്‍റെ ഛായാഗ്രഹണം നിര്‍വഹിക്കുന്നത്. രണ്ടു മണിക്കൂർ 34 മിനിറ്റാണ് സിനിമയുടെ ദൈർഘ്യം എന്നാണ് സൂചന. ചിത്രത്തിന് യു സര്‍ട്ടിഫിക്കറ്റ് ലഭിച്ചതായാണ് വിവരം.

ചിത്രത്തിന്‍റ പ്രീമിയര്‍ ഷോ ഇന്നലെ ചെന്നൈയില്‍ നടന്നിരുന്നു. ഇതിനും ഗംഭീര പ്രതികരമാണ് ലഭിക്കുന്നത്. രോഹിണി, വിജയ് സേതുപതി, മണിരത്നം, പ്രണവ് മോഹന്‍ലാല്‍, വിസ്‌മയ എന്നിവരടക്കം കുടുംബാംഗങ്ങളും സിനിമ കാണാനായി ചെന്നൈയില്‍ എത്തിയിരുന്നു.

പ്രത്യേക പ്രദര്‍ശനത്തിന് ശേഷം ചിത്രത്തിന്‍റെ റിവ്യൂ സോഷ്യല്‍ മീഡിയയില്‍ പ്രചരിക്കുന്നുണ്ട്. കഥ, ക്യാമറ എല്ലാം മികച്ചത്, ഗംഭീര സിനിമ അത്ഭുതകരമായ ത്രീഡി യാണ് ചിത്രത്തിലേത്. നടി രോഹിണിയുടെ അഭിപ്രായം. ചിത്രത്തിലെ കഥാപാത്രങ്ങള്‍, ത്രിഡീ എഫക്‌ട് എല്ലാം നമുക്ക് ഇഷ്‌ടപ്പെടു,. കുടുംബത്തോടെ വന്ന് കാണാന്‍ പറ്റുന്ന സിനിമയാണെന്നും സിനിമ കണ്ടതിന് ശേഷം രോഹിണി പറഞ്ഞത്.