ഇന്ത്യന്‍ ബോക്സ് ഓഫീസ് റെക്കോര്‍ഡുകളെല്ലാം കാറ്റില്‍ പറത്തിക്കൊണ്ട് അല്ലു അര്‍ജുന്‍ ചിത്രം പുഷ്പ2 താണ്ഡവം. ഇന്ത്യന്‍ സിനിമാ ലോകത്ത് തന്നെ അതിവേഗം 500 കോടി രൂപ കളക്ഷന്‍ നേടുന്ന ചിത്രമായി മാറിയിരിക്കുകയാണ് പുഷ്പ2 ദി റൂള്‍. നിര്‍മാതാക്കളായ മൈത്രി മൂവി മേക്കേഴ്‌സാണ് സോഷ്യല്‍ മീഡിയയിലൂടെ ഇക്കാര്യം അറിയിച്ചത്. വാരാന്ത്യത്തില്‍ 529.5 കോടിയാണ് ഇന്ത്യയില്‍ നിന്ന് മാത്രം ചിത്രം നേടിയത്.
ചിത്രം തിയേറ്ററുകളിലെത്തി നാലാം ദിനത്തില്‍ 600 കോടി എന്ന നാഴിക കല്ലാണ് പുഷ്പ 2 പിന്നിട്ടിരിക്കുന്നത്. അതും ഇന്ത്യയില്‍ നിന്ന് മാത്രം. ആഗോളതലത്തില്‍ 800 കോടി നേടിയെന്നാണ് അനലിസ്‌റ്റുകളാണ് സാക്‌നില്‍ക്‌ പറയുന്നത്. തെലുഗു, ഹിന്ദി, മലയാളം, തമിഴ്, കന്നഡ, ബംഗാളി എന്നീ ഭാഷകളില്‍ പുറത്തിറങ്ങിയ ഈ ചിത്രം ആദ്യ ദിനം കേരളത്തിലൊക്കെ സമ്മിശ്രപ്രതികരണമായിരുന്നു ലഭിച്ചിരുന്നത്. പിന്നീട് ചിത്രം ബോക്സ് ഓഫീസില്‍ കുതിക്കുന്നതാണ് ഓരോ സിനിമാ പ്രേമിയും കണ്ടിട്ടാവുക.
തെലുഗില്‍ നിന്ന് മാത്രം 197 കോടി രൂപയാണ് ചിത്രം നേടിയത്. എന്നാല്‍ തെലുഗിനെ അപേക്ഷിച്ച് ഹിന്ദിയില്‍ വന്‍ മുന്നേറ്റമാണ് ചിത്രം നടത്തിയത് നാലു ദിവസത്തിനുള്ളില്‍ 285.7 കോടി രൂപയാണ് സ്വന്തമാക്കിയിരിക്കുന്നത്. തമിഴില്‍ നിന്ന് 31.45 കോടി രൂപയും കന്നഡയില്‍ നിന്ന് 3.55 കോടി രൂപയും മലയാളത്തില്‍ നിന്ന് 10.6 കോടിയുമാണ് നാലു ദിവസത്തിനുള്ളില്‍ നേടിയിരിക്കുന്നത്.
പുഷ്‌പയുടെ ആദ്യഭാഗം ആഗോളതലത്തില്‍ 350 കോടി രൂപ കളക്ഷനായിരുന്നു നേടിയിരുന്നതെങ്കില്‍ രണ്ടു ദിവസം കൊണ്ടാണ് ചിത്രത്തിന്‍റെ രണ്ടാം ഭാഗം ഈ തുക മറികടന്നത്. ഈ രീതി തുടര്‍ന്നാല്‍ 1000 കോടി കടക്കുമെന്നാണ് സിനിമ അനസ്‌റ്റുകളുടെ നിഗമനം. ആദ്യദിനത്തില്‍ മാത്രം സിനിമ ആഗോളതലത്തില്‍ 294 കോടി രൂപ കളക്ഷന്‍ സ്വന്തമാക്കിയിരുന്നു.
അഞ്ച് ദിവസം കൊണ്ടാണ് ഷാരൂഖ് ഖാന്‍റെ ‘പത്താൻ’ ആഗോള തലത്തിൽ 500 കോടി ക്ലബ്ബിൽ ഇടം നേടിയത്. ‘ജവാന്‍’ 13 ദിവസവും ‘സ്ത്രീ 2’ 22 ദിവസവും ‘ഗദ്ദര്‍ 2’ 24 ദിവസവും എടുത്തായിരുന്നു 500 കോടി ക്ലബിലെത്തിയത്. 12 ദിവസം കൊണ്ട് വിജയ് നായകനായ ലിയോ 500 കോടി നേട്ടം കൈവരിച്ചിരുന്നു. ഈ റെക്കോര്‍ഡുകളാണ് പുഷ്പ 2 ഇപ്പോള്‍ തകര്‍ത്തിരിക്കുന്നത്.
ലോകമെമ്പാടുമുള്ള 12,500 ല്‍ അധികം സ്‌ക്രീനുകളില്‍ ആണ് പുഷ്പ 2 എത്തിയത്. പ്രീ സെയിലില്‍ നിന്ന് മാത്രം ചിത്രം 100 കോടി നേട്ടം സ്വന്തമാക്കിയിരുന്നു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
തിയേറ്ററുകള്‍തോറും ഇതുവരെ കാണാത്ത വിധത്തിലുള്ള ഗംഭീരമായ റിലീസിംഗ് മാമാങ്കമാണ് നിർമ്മാതാക്കളായ മൈത്രി മൂവി മേക്കേഴ്‌സും സുകുമാർ റൈറ്റിംഗ്സും പദ്ധതിയിട്ടിരുന്നത്. അത് ഏറെ ഫലം കണ്ടു എന്നാണ് കളക്ഷൻ സൂചിപ്പിക്കുന്നത്. ചിത്രം കേരളത്തിൽ വിതരണത്തിനെത്തിച്ചിരിക്കുന്നത് E4 എന്‍റർടെയ്ൻമെന്‍റ്സാണ്.
ലോകമാകെ ഏറ്റെടുത്ത ബ്ലോക്ക്ബസ്റ്റർ ചിത്രമായ ‘പുഷ്പ: ദ റൈസി’ന്‍റെ രണ്ടാം ഭാഗമായെത്തിയ ‘പുഷ്പ 2: ദ റൂൾ’ ബോക്സ് ഓഫീസ് കൊടുങ്കാറ്റായി മാറുമെന്ന ഏവരും കണക്കുകൂട്ടൽ തെറ്റയിട്ടില്ലെന്നാണ് റിപ്പോർട്ടുകള്‍ സൂചിപ്പിക്കുന്നത്.
റോക്ക് സ്റ്റാർ ദേവി ശ്രീ പ്രസാദിന്‍റെ സംഗീതവും അതിശയിപ്പിക്കുന്ന ദൃശ്യങ്ങളും തികച്ചും പുതിയൊരു കാഴ്‌ച വിപ്ലവം തന്നെ തീർത്തിരിക്കുകയാണ്.
കഥ-തിരക്കഥ-സംവിധാനം: സുകുമാർ ബന്ദ്റെഡ്ഡി, നിർമ്മാതാക്കൾ: നവീൻ യെർനേനി, രവിശങ്കർ യലമഞ്ചിലി, സിഇഒ: ചെറി, സംഗീതം: ദേവി ശ്രീ പ്രസാദ്, ഛായാഗ്രാഹകൻ: മിറെസ്ലോ ക്യൂബ ബ്രോസെക്, പ്രൊഡക്ഷൻ ഡിസൈനർ: എസ്. രാമകൃഷ്ണ-മോണിക്ക നിഗോത്രേ, ഗാനരചയിതാവ്: ചന്ദ്ര ബോസ്, ബാനറുകൾ: മൈത്രി മൂവി മേക്കേഴ്സ്, സുകുമാർ റൈറ്റിംഗ്സ്, മാർക്കറ്റിംഗ് ഹെഡ്: ശരത്ചന്ദ്ര നായിഡു, പി.ആർ.ഒ.: ഏലൂരു ശ്രീനു, മാധുരി മധു, ആതിര ദിൽജിത്ത്, മാർക്കറ്റിംഗ്: ഫസ്റ്റ് ഷോ.
Also Read:വിവാഹത്തിന് മുന്‍പ് ചെറിയൊരു പുഷ്‌ അപ്പ്; കണ്ണനെ കണ്ട് അമ്പരന്ന് പാര്‍വതി- വിവാഹ വീഡിയോ
