ആരാധകരെ ആവേശത്തിലാഴ്ത്തിക്കൊണ്ട് പലപ്പോഴും മമ്മൂട്ടി ഓഫ് സ്‌ക്രീന്‍ ചിത്രങ്ങള്‍ പുറത്തു വിടാറുണ്ട്. മമ്മൂട്ടിയുടെ വ്യത്യസ്‌ത ലുക്ക് ഞൊടിയിടയിലാണ് സോഷ്യല്‍ മീഡിയയില്‍ ചര്‍ച്ചയാവാറുള്ളത്. ഇപ്പോഴിതാ തന്‍റെ പുതിയ ചിത്രങ്ങള്‍ സോഷ്യല്‍ മീഡിയയിലൂടെ പങ്കുവച്ചിരിക്കുകയാണ് താരം.
നിമിഷ നേരം കൊണ്ടാണ് ആരാധകര്‍ ഈ ചിത്രം ഏറ്റെടുത്തത്. തന്‍റെ വിവിധ സോഷ്യല്‍ മീഡിയാ പേജുകളിലൂടെയാണ് മമ്മൂട്ടി ഈ ചിത്രം പങ്കുവച്ചത്.
ഓഫ് വൈറ്റ് നെക്‌ലെസ് ടീ ഷര്‍ട്ടും ഓവര്‍ സൈസ് ജീന്‍സുമാണ് മമ്മൂട്ടിയുടെ ഇത്തവണത്തെ ഔട്ട്ഫിറ്റ്. ALL(ALL GOOD) എന്നാണ് ചിത്രത്തിന് നല്‍കിയിരിക്കുന്ന ക്യാപ്ഷന്‍. ഷാനി ഷാകിയാണ് ചിത്രം പകര്‍ത്തിയിരിക്കുന്നത്.
സിനിമാ താരങ്ങളും അണിയറ പ്രവര്‍ത്തകരും ആരാധകരുമടക്കം ഒട്ടേറെ പേരാണ് ചിത്രത്തിന് താഴെ പ്രതികരണവുമായി എത്തിയിരിക്കുന്നത്.
ഫുട്ബോള്‍ താരം സി. കെ വിനീത്, രമേഷ് പിഷാരടി, സാധിക വേണുഗോപാല്‍ തുടങ്ങിയവര്‍ ചിത്രത്തിന് പ്രതികരണം അറിയിച്ചിട്ടുണ്ട്. വയസ് തെളിയിക്കുന്ന സര്‍ട്ടിഫിക്കറ്റ് കാണിച്ചിട്ട് പോയാ മതി.. ഇക്കാന്ന് വിളിച്ച നാവുകൊണ്ട് ചെക്കാന്നു വിളിപ്പിക്കുമല്ലോ ഇയാള്‍, നിങ്ങൾ പ്രായത്തെ പറഞ്ഞു മനസിലാക്ക് ഞാൻ സോഷ്യൽ മീഡിയ കത്തിച്ചിട്ട് വരാം, ഇങ്ങള് ഇത് ന്ത്‌ ഭാവിച്ച മമ്മൂക്ക, ഇജ്ജാതി ലൂക്ക് 74 ാം വയസിൽ എന്നിങ്ങനെ നീളുന്നു കമന്‍റുകള്‍.
നിലവില്‍ ജിതിന്‍ കെ ജോസ് സംവിധാനം ചെയ്യുന്ന ചെയ്യുന്ന ചിത്രത്തിലാണ് മമ്മൂട്ടി ഇപ്പോള്‍ അഭിനയിക്കുന്നത്. മമ്മൂട്ടിക്കൊപ്പം വിനായകനും കേന്ദ്രകഥാപാത്രമായി എത്തുന്ന സിനിമയാണിത്.
സിനിമയുടെ ചിത്രീകരണം നാഗര്‍കോവിലില്‍ പുരോഗമിക്കുകയാണ്. മമ്മൂട്ടി കമ്പനിയാണ് ചിത്രം നിര്‍മിക്കുന്നത്.
ചിത്രം വിതരണത്തിന് എത്തിക്കുന്നത് ദുല്‍ഖര്‍ സല്‍മാന്‍റെ വേഫറര്‍ ഫിലിംസാണ്. ജിഷ്‌ണു ശ്രീകുമാറും ജിതിൻ കെ ജോസും ചേർന്നാണ് തിരക്കഥ രചിച്ചത്.
സിനിമയുടെ പേര് ഇതുവരെ പുറത്തു വിട്ടിട്ടില്ല. ചിത്രത്തില്‍ മമ്മൂട്ടി പ്രതിനായക വേഷത്തിലാണ് എത്തുന്നതെന്നാണ് സൂചന.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
ഇതേ സമയം മമ്മൂട്ടി-വിനായകന്‍ കോമ്പോ വലിയൊരു പ്രതീക്ഷയാണ് പ്രേക്ഷകര്‍ക്ക് നല്‍കുന്നത്. ദുല്‍ഖര്‍ സല്‍മാന്‍ നായകനായി എത്തിയ 'കുറുപ്പി'ന്‍റെ സഹ രചയിതാവ് ജിതിന്‍ കെ ജോസിന്‍റെ ആദ്യ സംവിധാനത്തിലുള്ള ചിത്രമാണിത്.
ചിത്രത്തിന്‍റെ ഷൂട്ടിംഗ് പുരോഗമിക്കുന്നതിനിടയില്‍ മമ്മൂട്ടിയുടെയും വിനായകന്‍റെയും ചിത്രം മമ്മൂട്ടി തന്നെ തന്‍റെ സോഷ്യല്‍ മീഡിയയിലൂടെ പങ്കുവച്ചിരുന്നു. ഇത് ആരാധകര്‍ ഏറ്റെടുത്തിരുന്നു.
ഫൈസൽ അലി ഛായാഗ്രഹണവും പ്രവീണ്‍ പ്രഭാകര്‍ ചിത്രസംയോജനം നിര്‍വ്വഹിക്കും. ലൈൻ പ്രൊഡ്യൂസർ: സുനിൽ സിംഗ്, പ്രൊഡക്ഷൻ കൺട്രോളർ: അരോമ മോഹൻ,
പ്രൊഡക്ഷൻ ഡിസൈനർ: ഷാജി നടുവിൽ, ചീഫ് അസോസിയേറ്റ് ഡയറക്‌ടര്‍: ബോസ്, മേക്കപ്പ്: അമൽ ചന്ദ്രൻ, വസ്ത്രാലങ്കാരം: അഭിജിത്ത് സി,
സ്‌റ്റിൽസ്: നിദാദ്, പബ്ലിസിറ്റി ഡിസൈൻസ്: ആൻ്റണി സ്റ്റീഫൻ, ഡിജിറ്റൽ മാർക്കറ്റിംഗ്: വിഷ്‌ണു സുഗതൻ,ഓവർസീസ് ഡിസ്ട്രിബൂഷൻ പാർട്‌ണര്‍: ട്രൂത് ഗ്ലോബൽ ഫിലിംസ്.
Also Read:വില്ലനായി മമ്മൂട്ടി? നാഗര്‍കോവിലില്‍ സിനിമയ്‌ക്ക് തുടക്കം
