തിരുവനന്തപുരം: സംസ്ഥാനത്തെ സ്‌കൂളുകളിലെ ഈ അധ്യയന വര്‍ഷത്തെ ക്രിസ്‌മസ് പരീക്ഷയുടെ ടൈം ടേബിള്‍ പ്രസിദ്ധീകരിച്ചു. എൽപി, യുപി, ഹൈസ്‌കൂൾ വിഭാഗത്തിന് 2024 ഡിസംബർ 11 മുതൽ 19 വരെയാണ് പരീക്ഷ നടക്കുക. എൽപി/യുപി പരീക്ഷയ്‌ക്ക് രണ്ട് മണിക്കൂർ ദൈർഘ്യം ഉണ്ടായിരിക്കും. (KERALA CHRISTMAS EXAM TIME TABLE 2024 )
രാവിലെ 10:00 മുതൽ 12:15 വരെയും, ഉച്ചയ്‌ക്ക് 1:30 മുതൽ 3:45 വരെയുമാകും പരീക്ഷ. വെള്ളിയാഴ്‌ച ഉച്ചയ്‌ക്കുള്ള പരീക്ഷ 2:00 മുതൽ 4:15 വരെ ആയിരിക്കും. ഹൈസ്‌കൂൾ വിഭാഗങ്ങളിൽ രണ്ടര മണിക്കൂർ ദൈർഘ്യത്തിലായിരിക്കും പരീക്ഷ നടക്കുക. 15 മിനിറ്റ് കൂൾ ഓഫ് ടൈമും അനുവദിക്കുമെന്ന് പൊതുവിദ്യാഭ്യാസ വകുപ്പ് അറിയിച്ചു. (KERALA SCHOOL EXAM TIME TABLE 2024)
അതേസമയം മുസ്‌ലീം കലണ്ടര്‍ പ്രകാരം പ്രവര്‍ത്തിക്കുന്ന സ്‌കൂളുകള്‍ക്കും അത് ബാധകമായിരിക്കുമെന്നും പൊതു വിദ്യാഭ്യാസ ഡയറക്‌ടര്‍ വാര്‍ത്താക്കുറിപ്പിലൂടെ അറിയിച്ചു. രാവിലെ പത്ത് മണിക്ക് ആരംഭിക്കുന്ന പരീക്ഷകളില്‍ 10 മണി മുതല്‍ 10:15 വരെ കൂള്‍ ഓഫ് ഓഫ് ടൈം ഉണ്ടായിരിക്കുന്നതാണ്. ഉച്ചക്ക് ശേഷമുള്ള പരീക്ഷകളില്‍ 10:30 മുതല്‍ 1:45 വരെയും കൂള്‍ ഓഫ് ഓഫ് ടൈം ഉണ്ടായിരിക്കും. (KERALA CHRISTMAS EXAM TIME TABLE HIGH SCHOOL)
പത്താം ക്ലാസ് ക്രിസ്‌മസ് പരീക്ഷ ടൈം ടേബിൾ:
| തീയതി | സമയം | വിഷയം |
| ഡിസംബർ 11 | 10 AM-12.45 PM | ഗണിതം |
| ഡിസംബർ 12 | 10 AM-12.45 PM | ഇംഗ്ലീഷ് |
| ഡിസംബർ 13 | 10 AM-11.45 PM | ഒന്നാം ഭാഷ പേപ്പർ 1 |
| ഡിസംബർ 13 | 2.00 pm-3.45pm | ഒന്നാം ഭാഷ പേപ്പർ 2 |
| ഡിസംബർ 16 | 10 AM-11.45 PM | ഹിന്ദി |
| ഡിസംബർ 16 | 1.30 PM-3.15 PM | ബയോളജി |
| ഡിസംബർ 17 | 10 AM-11.45 PM | ഫിസിക്‌സ് |
| ഡിസംബർ 18 | 10 AM-11.45 PM | കെമിസ്‌ട്രി |
| ഡിസംബർ 19 | 10 AM-12.45 PM | സാമൂഹ്യ ശാസ്‌ത്രം |
വിദ്യാര്‍ഥികള്‍ക്ക് ചോദ്യ പേപ്പര്‍ വായിച്ചു മനസിലാക്കാനും മാനസിക സംഘര്‍ഷവും പരീക്ഷാ പേടിയും ഒഴിവാക്കാനും സാധിക്കുന്നതിനാണ് 15 മിനുട്ട് സമയംഅനുവദിച്ചിട്ടുള്ളത്. വെള്ളിയാഴ്‌ചകളില്‍ നടത്തുന്ന പരീക്ഷ 2:00 മുതല്‍ 2:15 വരെയാകും കൂള്‍ ഓഫ് ഓഫ് ടൈം. വെള്ളിയാഴ്‌ച നിശ്ചയിച്ചിട്ടുള്ള പരീക്ഷ 2:00 മണി മുതല്‍ 4:15 വരെയായിരിക്കും ഉണ്ടായിരിക്കുക. 15 മിനിട്ട് കൂള്‍ ഓഫ് ഓഫ് ടൈം ചേര്‍ന്നതാണ് ആകെ പരീക്ഷ ദൈര്‍ഘ്യം. (KERALA LP SCHOOL EXAM TIME TABLE)
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ഒന്ന് രണ്ട് ക്ലാസുകളില്‍ നടത്തുന്ന പരീക്ഷകള്‍ക്ക് കൂടുതല്‍ നിബന്ധനകള്‍ പ്രഖ്യാപിച്ചിട്ടില്ല. പ്രവര്‍ത്തനങ്ങള്‍ പൂര്‍ത്തിയാക്കുന്ന മുറക്ക് മൂല്യ നിര്‍ണയം അവസാനിപ്പിക്കാവുന്നതാണെന്നും വാര്‍ത്താക്കുറിപ്പില്‍ പൊതു വിദ്യാഭ്യാസ ഡയറക്‌ടര്‍ അറിയിച്ചു. പരീക്ഷ ദിവസങ്ങളില്‍ സര്‍ക്കാര്‍ അവധി പ്രഖ്യാപിക്കുകയാണെങ്കില്‍ അന്നേ ദിവസത്തെ പരീക്ഷ ഡിസംബര്‍ 20ന് നടത്താനും നിര്‍ദേശമുണ്ട്. എന്തെങ്കിലും സാഹചര്യത്തില്‍ പരീക്ഷ മാറ്റിവക്കേണ്ടിവന്നാലുള്ള മുൻ കരുതലായാണ് ഡിസംബര്‍ 20ന് തീയതി നിശ്ചയിച്ചിട്ടുള്ളത്. പരീക്ഷകൾ പൂർത്തിയാക്കി 21 ന് ക്രിസ്‌മസ് അവധി ആരംഭിക്കും. അവധിക്കുശേഷം 30 ന് സ്‌കൂളുകൾ തുറക്കും. (KERALA SCHOOL CHRISTMAS VACATION)
സംസ്ഥാനത്തെ പൊതു വിദ്യാലയങ്ങളിലെ ഇത്തവണത്തെ ക്രിസ്‌മസ് അവധി ദിനങ്ങള്‍ നേരത്തെതന്നെ തീരുമാനിച്ചിരുന്നു. പത്ത് ദിവസത്തെ അവധി പ്രതീക്ഷിച്ചിരുന്നവർക്ക് തിരിച്ചടിയായി ഇത്തവണയും ഒൻപത് ദിവസം മാത്രമാണ് അവധി. കഴിഞ്ഞ വർഷവും 9 ദിവസമായിരുന്നു അവധി ലഭിച്ചത്. അതിന് മുൻ വര്‍ഷങ്ങളില്‍ 10 ദിവസം കൃത്യമായി ഓണം, ക്രിസ്‌മസ് അവധി ലഭിച്ചിരുന്നതാണ്. (KERALA XMAS EXAM SCHEDULE)
എൽഎസ്‌എസ്‌യു- എസ്എസ് പരീക്ഷകൾ ഫെബ്രുവരിയിലാണ് തീരുമാനിച്ചിരിക്കുന്നത്. അധ്യായന വര്‍ഷം ആരംഭിച്ച ജൂൺ മാസം തന്നെ പുതിയ വിദ്യാഭ്യാസ കലണ്ടറും പുറത്തിറങ്ങിയിരുന്നു. 25 ശനിയാഴ്‌ചകള്‍ പ്രവർത്തി ദിവസമാക്കിയാണ് പുതിയ കലണ്ടർ തയാറാക്കിയത്. ഇതോടെ അധ്യനദിനം 220 പൂർത്തീകരിക്കും ജൂൺ 15, 22, 29, ജൂലൈ 20, 27, ആഗസ്റ്റ് 17, 24, 31, സെപ്റ്റംബർ ഏഴ്, 28, ഒക്ടോബർ അഞ്ച്, 26, നവംബർ രണ്ട്, 16, 23, 30, ഡിസംബർ ഏഴ്, ജനുവരി നാല്, 25, ഫെബ്രുവരി ഒന്ന്, 15, 22, മാർച്ച് ഒന്ന്, 15, 22 എന്നീശനിയാഴ്‌ചകളാണ് കലണ്ടര്‍ പ്രകാരം പ്രവൃത്തി ദിനങ്ങളാക്കിയത്.
പുതിയ തീരുമാനത്തിനെതിരെ അധ്യാപക സംഘടനകൾ കൂട്ടത്തോടെ എതിർത്തെങ്കിലും കോടതി വിധി നടപ്പാക്കേണ്ടിവരുമെന്നാണ് വിദ്യാഭ്യാസ മന്ത്രി വി. ശിവൻകുട്ടി അവർക്ക് നൽകിയ മറുപടി. തുടർന്ന് 16 ശനിയാഴ്‌ചകൾ കൂടി ഉൾപ്പെടുത്തി 220 അധ്യയനദിനം നിശ്ചയിച്ച് കലണ്ടർ തയാറാക്കുകയായിരുന്നു. കഴിഞ്ഞ വർഷം 210 അധ്യയനദിനം ഉൾപ്പെടുത്തിയുള്ള കലണ്ടർ അധ്യാപക സംഘടനകളുടെ എതിർപ്പിനെ തുടർന്ന് 205 ആക്കി കുറച്ചിരുന്നു. ഇപ്രാവശ്യവും അധ്യാപക സംഘടനകളുടെ ഭാഗത്ത് നിന്നും വലിയ എതിർപ്പാണ് ഉയർന്ന് വരുന്നത്.
Also Read: ഐസിഎസ്ഇ, ഐഎസ്‌സി 10, പ്ലസ് ടു പരീക്ഷാ തീയതി പ്രഖ്യാപിച്ചു; ടൈം ടേബിൾ പുറത്ത്, വിശദമായി അറിയാം
