ടോറോണ്ടോ: വിദേശപഠനം ആഗ്രഹിക്കുന്ന വിദ്യാര്‍ത്ഥികളുടെ ലക്ഷ്യസ്ഥാനങ്ങളില്‍ ഒന്നാണ് കാനഡ. എന്നാൽ ഭവന പ്രതിസന്ധി പരിഹരിക്കുന്നതിനായി അന്താരാഷ്ട്ര വിദ്യാർത്ഥി വിസകൾക്ക് രണ്ട് വർഷത്തെ പരിധി ഏർപ്പെടുത്തുമെന്ന് കാനഡ പ്രഖ്യാപിച്ചു, ഇത് കാനഡയില്‍ പഠിക്കാൻ ആഗ്രഹിക്കുന്ന ഇന്ത്യക്കാരെ ബാധിക്കാൻ സാധ്യതയുണ്ട്. കാനഡയുടെ ഈ നീക്കം ഉപരിപഠനത്തിനായി കാനഡയില്‍ പോകാന്‍ ആഗ്രഹിക്കുന്ന വിദ്യാര്‍ത്ഥികളെ സാരമായി തന്നെ ബാധിക്കും.
2022 ല്‍ കാനഡ വളരെയധികം വിദ്യാര്‍ത്ഥികളെ സ്വാഗതം ചെയ്‌തിരുന്നു. സ്‌റ്റഡി പെർമിറ്റ് ഹോൾഡർമാരുടെ ആദ്യ പത്ത് ഉത്ഭവ രാജ്യങ്ങളിൽ ഒന്നാമതാണ് ഇന്ത്യ, 319,000 വിദ്യാർത്ഥികളാണുള്ളത്. കാനഡയുടെ ഈ തീരുമാനത്തിന്‍റെ ഭാഗമായി 2024ലെ പുതിയ പഠന വിസകളിൽ 35 ശതമാനം കുറവുണ്ടാകുമെന്ന് ഇമിഗ്രേഷൻ മന്ത്രി മാർക്ക് മില്ലർ അറിയിച്ചു. ഇത് 2024 ൽ 364,000 പുതിയ അംഗീകൃത പെർമിറ്റുകൾക്ക് കാരണമാകുമെന്ന് പ്രതീക്ഷിക്കുന്നുവെന്നും അദ്ദേഹം കൂട്ടിച്ചേര്‍ത്തു.
കഴിഞ്ഞ വർഷം ഇത്തരത്തിൽ 560,000 വിസകളാണ് അനുവദിച്ചത്. ഈ നിയമം രണ്ട് വർഷത്തേക്ക് നിലനിൽക്കുമെന്നും, 2025 ൽ നൽകുന്ന പെർമിറ്റുകളുടെ എണ്ണം ഈ വർഷം അവസാനത്തോടെ പുനർനിർണയിക്കുമെന്നും അദ്ദേഹം പറഞ്ഞു.
കാനഡയിലെ താത്കാലിക താമസത്തിന്‍റെ സുസ്ഥിരത നില നിലനിർത്തുന്നതിനും 2024-ൽ കാനഡയിലെ അന്താരാഷ്ട്ര വിദ്യാർത്ഥികളുടെ എണ്ണത്തിൽ കൂടുതൽ വളർച്ചയില്ലെന്ന് ഉറപ്പുവരുത്തുന്നതിനും, 2024 മുതൽ രണ്ട് വർഷത്തേക്ക് ഞങ്ങൾ ദേശീയ ആപ്ലിക്കേഷൻ ഇൻടേക്ക് ക്യാപ് സജ്ജീകരിക്കുകയാണെന്ന് മില്ലർ ഗ്ലോബൽ ന്യൂസില്‍ പറഞ്ഞു.
രാജ്യം ഭവന പ്രതിസന്ധിയുമായി പൊരുതുമ്പോൾ കാനഡയിലേക്ക് സ്ഥിരതാമസക്കാരല്ലാത്തവരുടെ എണ്ണം വർദ്ധിക്കുന്നത് സംബന്ധിച്ചുള്ള സമ്മർദ്ദം ഫെഡറൽ ഗവൺമെന്‍റിന് മേൽ ചെലുത്തുന്നതിനിടയിലാണ് ഈ നീക്കമെന്ന് സിബിസി ന്യൂസില്‍ പറഞ്ഞു.
അന്തർദേശീയ വിദ്യാർത്ഥികളുടെ പരിധി കുറയ്ക്കുന്നത് കാനഡയിലുടനീളമുള്ള പാർപ്പിട ക്ഷാമത്തിന് പരിഹാരമാകില്ലെന്ന് മില്ലർ ഈ മാസം ആദ്യം പറഞ്ഞിരുന്നു. 2022-ൽ 800,000-ത്തിലധികം അന്തർദേശീയ വിദ്യാർത്ഥികൾക്ക് താത്കാലിക പഠന വിസകൾ അനുവദിച്ചു. 2023-ലെ സംഖ്യകൾ 10 വർഷം മുമ്പ് സ്വീകരിച്ച സംഖ്യയുടെ മൂന്നിരട്ടിയിലധികം വരുമെന്നും മില്ലർ പറഞ്ഞു.
പരിധി ചുമത്തുന്നതിലൂടെ ചില സ്വകാര്യ കോളേജുകൾക്കെതിരെ ഫെഡറൽ സർക്കാർ നടപടിയെടുക്കുകയാണെന്ന് മില്ലർ കൂട്ടിച്ചര്‍ത്തു. സ്വകാര്യ കോളേജുകൾക്ക് ഉണ്ടാകുന്ന ഒരു തിരിച്ചടിയാകും ഈ നടപടിയെന്നും. സ്‌റ്റുഡന്‍റ് വിസയില്‍ എത്തി അവിടെ കൃതൃമത്വം കാണിക്കുന്നവരെ ലക്ഷ്യം വയ്ക്കാനും ഈ നീക്കം സർക്കാരിനെ സഹായിക്കുമെന്നും അദ്ദേഹം പറഞ്ഞു.
ചില സ്വകാര്യ സ്ഥാപനങ്ങൾ ഉയർന്ന ട്യൂഷൻ ഫീസ് ഈടാക്കി ചെറിയ കോളേജുകളില്‍ അഡ്‌മിഷന്‍ വാങ്ങിക്കൊടുത്ത് വിദ്യാർത്ഥികളുടെ എണ്ണം ഗണ്യമായി വർദ്ധിപ്പിക്കുന്നുവെന്നും, അന്താരാഷ്ട്ര വിദ്യാർത്ഥികളെ മുതലെടുക്കുന്നത് അംഗീകരിക്കാനാവില്ലെന്നും മില്ലർ പറഞ്ഞു.
ചില പ്രവിശ്യകളിൽ, പെർമിറ്റുകളിലെ ആകെ കുറവ് ഏകദേശം 50 ശതമാനമാകുമെന്ന് മില്ലർ പറഞ്ഞു. തങ്ങളുടെ അധികാരപരിധിയിലുള്ള സർവ്വകലാശാലകൾക്കും കോളേജുകൾക്കുമിടയിൽ പെർമിറ്റുകൾ എങ്ങനെ വിതരണം ചെയ്യണമെന്ന് തീരുമാനിക്കാലുള്ള അവകാശം പ്രവിശ്യകൾക്ക് വിട്ടുകൊടുക്കുമെന്നും അദ്ദേഹം വ്യക്തമാക്കി.
കാനഡയിൽ തുടരാൻ പ്രതീക്ഷിക്കുന്ന വിദ്യാർത്ഥികൾക്ക് വ്യാജ ബിരുദങ്ങൾ നൽകുന്ന സ്ഥാപനങ്ങളെ കുറിച്ച് തിങ്കളാഴ്‌ച സിബിസി ന്യൂസിന് നൽകിയ അഭിമുഖത്തിൽ മില്ലർ സംസാരിച്ചു. കാനഡയിൽ ഇത്തരം നൂറുകണക്കിന് സ്‌കൂളുകൾ പ്രവർത്തിക്കുന്നുണ്ടെന്നും കഴിഞ്ഞ രണ്ട് വർഷങ്ങളായി ഈ എണ്ണം വളരെ അധികം വര്‍ദ്ധിച്ചുവെന്നും മന്ത്രി പറഞ്ഞു.ഇപ്പോള്‍ കൊണ്ടുവന്ന നടപടികൾ അന്തർദേശീയ വിദ്യാർത്ഥികൾക്ക് എതിരല്ലെന്ന് മില്ലർ കൂട്ടിച്ചേര്‍ത്തു..
"ഭാവിയിൽ വിദ്യാർത്ഥികൾ കാനഡയിൽ എത്തുമ്പോൾ, അവർക്ക് നല്ല ഗുണനിലവാരമുള്ള വിദ്യാഭ്യാസം ലഭിക്കണമെന്നും. അത് അവർക്ക് അവരുടെ മാതൃരാജ്യങ്ങള്‍ നൽകുമെന്ന പ്രതീക്ഷ അവർക്ക് ലഭിക്കുന്നുണ്ടെന്ന് അവർ ഉറപ്പാക്കണമെന്നും മില്ലർ പ്രഖ്യാപിച്ചു.
സെപ്‌തംബർ മുതൽ, ഒരു പാഠ്യപദ്ധതി ലൈസൻസിംഗ് ക്രമീകരണത്തിന്‍റെ ഭാഗമായ ഒരു പ്രോഗ്രാം ആരംഭിക്കുന്ന അന്താരാഷ്ട്ര വിദ്യാർത്ഥികൾക്ക് ബിരുദാനന്തര വർക്ക് പെർമിറ്റിന് ഇനി അർഹതയുണ്ടായിരിക്കില്ല. മാസ്‌റ്റേഴ്‌സിന്‍റെയും മറ്റ് ബിരുദ പ്രോഗ്രാമുകളുടെയും ബിരുദധാരികൾക്ക് മൂന്ന് വർഷത്തെ വർക്ക് പെർമിറ്റിന് അപേക്ഷിക്കാൻ കഴിയുമെന്ന് സർക്കാർ പറയുന്നു. മാസ്‌റ്റേഴ്‌സ്, ഡോക്‌ടറൽ പ്രോഗ്രാമുകളിൽ അന്തർദ്ദേശീയ വിദ്യാർത്ഥികളുടെ പങ്കാളികൾക്ക് ഓപ്പൺ വർക്ക് പെർമിറ്റുകളും ലഭ്യമാക്കും.
"പപ്പി മില്ലുകൾക്ക് തുല്യമായ ഡിപ്ലോമ" എന്ന് മന്ത്രി വിശേഷിപ്പിച്ചതിനെ ലക്ഷ്യം വയ്ക്കാൻ ഉദ്ദേശിച്ചുള്ള നടപടികൾ മില്ലർ ആദ്യം പ്രഖ്യാപിച്ച് ഒരു മാസത്തിന് ശേഷമാണ് തിങ്കളാഴ്‌ച പ്രഖ്യാപിച്ച മാറ്റങ്ങൾ വരുന്നത്. കണ്‍സര്‍വേറ്റീവ് മുതിര്‍ന്ന നേതാവ് പിയറി പൊയ്‌ലിവ്രെ, കുറ്റം പൂർണ്ണമായും പ്രധാനമന്ത്രി ജസ്‌റ്റിൻ ട്രൂഡോയുടേതാണെന്നും പ്രധാനമന്ത്രിയെ "കഴിവില്ലാത്തവൻ" എന്നും വിശേഷിപ്പിച്ചു. "അയാളാണ് പഠനാനുമതി നൽകിയത്. അതൊരു ഫെഡറൽ ഉത്തരവാദിത്തമാണ്," എന്നും പൊലിവറെ പറഞ്ഞു. ന്യൂ ഡെമോക്രാറ്റിക് പാർട്ടി നേതാവ് ജെന്നി ക്വാനും ട്രൂഡോയെ കുറ്റപ്പെടുത്തി.
ഒന്‍റാരിയോയിലെ ചില കോളേജുകളും സർവ്വകലാശാലകളും തെറ്റായ വാഗ്‌ദാനങ്ങൾ നൽകി വിദ്യാര്‍ത്ഥികളെ മുതലെടുക്കുന്നത് തന്‍റെ സർക്കാർ തിരിച്ചറിയുന്നു എന്ന് മന്ത്രി ജിൽ ഡൺലോപ്പ് ഒരു മാധ്യമ പ്രസ്‌താവനയിൽ പറഞ്ഞിട്ടുണ്ട്. നോവ സ്കോട്ടിയയുടെ അഡ്വാൻസ്‌ഡ് എജ്യുക്കേഷൻ ഡിപ്പാർട്ട്‌മെന്‍റ് പുറത്തിറക്കിയ പ്രസ്‌താവനയിൽ, പ്രവിശ്യാ വിഹിതങ്ങൾ ഉൾപ്പെടെയുള്ള കൂടുതൽ വിശദാംശങ്ങൾ ഞങ്ങൾക്ക് ലഭിച്ചുകഴിഞ്ഞാൽ, ഫെഡറൽ ഗവൺമെന്‍റ് വരുത്തിയ മാറ്റങ്ങൾ പ്രവിശ്യ വിലയിരുത്തേണ്ടതുണ്ടെന്നും അദ്ദേഹം പറഞ്ഞു.
