ന്യൂഡൽഹി : ജമ്മുകശ്‌മീരിലെ അനന്ത്നാഗിൽ ഇന്നലെ ഭീകരരുമായുണ്ടായ ഏറ്റുമുട്ടലിൽ വീരമൃത്യു വരിച്ച സൈനികർക്ക് അന്ത്യാജ്ഞലി അർപ്പിച്ച സൈന്യം. ഹവിൽദാർ ദീപക് കുമാർ യാദവ്, ലാൻസ് നായിക് പ്രവീൺ ശർമ എന്നിവരാണ് ഏറ്റുമുട്ടലിൽ ജീവൻ ബലി അർപ്പിച്ചത്.
ഉന്നത റാങ്കിലെ എല്ലാ ഉദ്യോഗസ്ഥരടക്കമാണ് സൈനികർക്ക് അന്ത്യാജ്ഞലി അർപ്പിച്ചതെന്ന് അഡിഷണൽ ഡയറക്‌ടറേറ്റ് ജനറൽ ഓഫ് പബ്ലിക് ഇൻഫർമേഷൻ എക്‌സിൽ പങ്കുവച്ചു. 'ഇന്ത്യൻ ആർമി അഗാധമായ അനുശോചനം അറിയിക്കുന്നു, വേർപിരിഞ്ഞ സൈനികരുടെ കുടുംബത്തിന്‍റെ ദുഖത്തോടൊപ്പം ഉറച്ചുനിൽക്കുന്നു' എന്ന് എഡിജി കൂട്ടിചേർത്തു.
#GeneralUpendraDwivedi #COAS and All Ranks of #IndianArmy salute the supreme #Sacrifice of #Bravehearts Hav Dipak Kumar Yadav & L/Nk Praveen Sharma, who laid down their lives in the line of duty, in Anantnag, J&K.#IndianArmy offers deepest condolences and stands firm with the… pic.twitter.com/UBlyl4pVu6
— ADG PI - INDIAN ARMY (@adgpi) August 10, 2024
ഇന്ത്യൻ സൈന്യവും ജമ്മുകശ്‌മീർ പൊലീസും സിആർപിഎഫും സംയുക്തമായി നടത്തിയ ഓപ്പറേഷനിലാണ് അനന്ത്നാഗിലെ കോക്കർ നഗറിലെ ജനറൽ ഏരിയിയൽ ഏറ്റുമുട്ടലുണ്ടായതെന്ന് ഉദ്യോഗസ്ഥർ പറഞ്ഞു. ഹവിർദാർ ദീപക് കുമാർ യാദവും ലാൻസ് നായിക് പ്രവീൺ ശർമയും അനന്ത്നാഗിലെ ഡ്യൂട്ടിക്കിടെ ജീവൻ ത്യജിച്ചു. വെല്ലുവിളി നിറഞ്ഞ ഭൂപ്രദേശങ്ങൾക്കിടയിലും സുരക്ഷ സേന പ്രവർത്തനം തുടരുന്നതിനിടെ 10,000 ഉയരത്തിലാണ് സംഭവം എന്ന് എജിഡി പറഞ്ഞു.
