മുംബൈ: താനടക്കം മൂന്ന് തലമുറകള്‍ക്ക് മഹാരാഷ്‌ട്രയില്‍ കാര്‍ഷിക വൈദ്യുതി ബില്‍ അടക്കേണ്ടി വന്നിട്ടില്ലെന്ന് കേന്ദ്ര മന്ത്രിയും ശിവസേന നേതാവുമായ പ്രതാപ് റാവു ജാദവ്. ഏകനാഥ് ഷിന്‍ഡെ സര്‍ക്കാരിന്‍റെ സുപ്രധാന പദ്ധതികളിലൊന്നായ കാര്‍ഷിക ബില്‍ എഴുതിത്തള്ളല്‍ പദ്ധതിയെക്കുറിച്ച് സംസാരിക്കവെയാണ് കേന്ദ്രമന്ത്രിയുടെ പരാമര്‍ശം.
'ഞാനൊരു കര്‍ഷകനാണ്. മൂന്ന് തലമുറകളായി ഞങ്ങള്‍ക്ക് കാര്‍ഷിക വൈദ്യുത ബില്ല് അടക്കേണ്ടി വന്നിട്ടില്ല. തന്‍റെ മുത്തച്‌ഛന്‍റെ പമ്പുകള്‍ ഇപ്പോഴും ഇവിടെയുണ്ട്. വിതരണ പാനൽ (ഡിപി) കത്തിപ്പോയാല്‍ പുതിയത് സ്ഥാപിക്കാൻ ബന്ധപ്പെട്ട എഞ്ചിനീയർക്ക് 1,000 രൂപ മുതല്‍ 2,000 രൂപ വരെ മാത്രമാണ് നൽകേണ്ടി വരുന്നത്.'- കേന്ദ്ര ആയുഷ്, ആരോഗ്യ, കുടുംബക്ഷേമ മന്ത്രാലയ സഹമന്ത്രിയായ പ്രതാപ് റാവു.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
മഹാരാഷ്‌ട്രയിലെ ബുല്‍ധാന ലോക്‌സഭ മണ്ഡലത്തില്‍ നിന്നുള്ള പ്രതിനിധിയാണ് ജാദവ്. ചീഫ് മിനിസ്റ്റര്‍ ബലി രാജ ഫ്രീ ഇലക്‌ട്രിസിറ്റി പദ്ധതി 2024- പദ്ധതി പ്രകാരം കര്‍ഷകര്‍ ഉപയോഗിക്കുന്ന, 7.5 കുതിരശക്തി വരെയുള്ള മോട്ടോറുകള്‍ക്ക് ബില്‍ അടയ്ക്കേണ്ടതില്ല.
