ബിജെപിയിലേക്ക്; കമല്‍നാഥിനോട് കൂറുള്ള നിരവധി എംഎല്‍എമാര്‍ ഡല്‍ഹിയില്‍

കമല്‍ നാഥും മകനും ബിജെപിയിലേക്ക്; മധ്യപ്രദേശില്‍ നിന്നുള്ള നിരവധി കോണ്‍ഗ്രസ് എംഎല്‍എമാരും ഡല്‍ഹിയില്‍ ക്യാമ്പ് ചെയ്യുന്നു. ആകാംക്ഷയോടെ ഇന്ത്യന്‍ രാഷ്‌ട്രീയം.

ന്യൂഡല്‍ഹി: മുതിര്‍ന്ന കോണ്‍ഗ്രസ് നേതാവ് കമല്‍നാഥിനോട് കൂറുള്ള ആറോളം എംഎല്‍എമാര്‍ ഡല്‍ഹിയിലെത്തി. കമല്‍നാഥും മകനും ലോക്‌സഭാംഗവുമായ നകുല്‍നാഥും ബിജെപിയില്‍ ചേക്കേറുമെന്ന അഭ്യൂഹങ്ങള്‍ക്കിടെയാണ് ഇന്ന് രാവിലെ എംഎല്‍എമാരും തലസ്ഥാനത്ത് എത്തിയിരിക്കുന്നത്( Kamal Nath).

ഛിന്ദ്വാരയില്‍ നിന്നുള്ളവരാണ് ഇവരില്‍ മൂന്ന് പേരുമെന്നും കമല്‍നാഥിനോട് അടുത്ത വൃത്തങ്ങള്‍ വ്യക്തമാക്കി. ഒന്‍പത് തവണ ഛിന്ദ്വാരയെ ലോക്‌സഭയില്‍ പ്രതിനിധീകരിച്ച നേതാവാണ് മുന്‍മുഖ്യമന്ത്രി കൂടിയായ കമല്‍നാഥ്. നിലവില്‍ ഈ മേഖലയില്‍ നിന്നുള്ള നിയമസഭാംഗവുമാണ് അദ്ദേഹം. നവംബറില്‍ നടന്ന നിയമസഭാ തെരഞ്ഞെടുപ്പില്‍ പാര്‍ട്ടിയുെട മോശം പ്രകടനത്തെ തുടര്‍ന്ന് കമല്‍നാഥിനെ പാര്‍ട്ടി അധ്യക്ഷ സ്ഥാനത്ത് നിന്ന് നീക്കം ചെയ്തിരുന്നു(Around half a dozen Madhya Pradesh MLAs).

ഏതായാലും ഡല്‍ഹിയിലെത്തിയെന്ന് പറയുന്ന എംഎല്‍എമാരെ ഫോണില്‍ ബന്ധപ്പെടാന്‍ കഴിയുന്നില്ല. നേരത്തെ സംസ്ഥാനത്തെ മന്ത്രി ആയിരുന്ന ലഖാന്‍ഘാന്‍ഗോറിയയും ഡല്‍ഹിയില്‍ ക്യാമ്പ് ചെയ്യുന്നുണ്ടെന്നാണ് വിവരം( Nakul Nath).

നിയമസഭാ തെരഞ്ഞെടുപ്പിന് ശേഷം കമല്‍നാഥിനെ പാര്‍ട്ടി സംസ്ഥാന അധ്യക്ഷ പദവിയില്‍ നിന്ന് ഒഴിവാക്കിയത് തന്നെ ഞെട്ടിച്ചെന്ന് മധ്യപ്രദേശിലെ മറ്റൊരു മുന്‍മന്ത്രി ദീപക് സക്സേന ഛിന്ദ്വാരയില്‍ മാധ്യമപ്രവര്‍ത്തകരോട് സംസാരിക്കവെ പറഞ്ഞിരുന്നു. തങ്ങളുടെ നേതാവിന് വേണ്ട ആദരവ് ലഭിക്കണമെന്ന് തന്നെയാണ് തങ്ങളുടെ ആഗ്രഹമെന്നും അദ്ദേഹം ചൂണ്ടിക്കാട്ടി. അദ്ദേഹം എന്ത് തീരുമാനം എടുത്താലും തങ്ങള്‍ അതിനൊപ്പം നിലകൊള്ളുമെന്നും അദ്ദേഹം വ്യക്തമാക്കി.

കമല്‍നാഥിന്‍റെ മറ്റൊരു അനുയായി ആയ വിക്രം വര്‍മ്മ തന്‍റെ എക്സ് പ്രൊഫൈലില്‍ ജയ്ശ്രീറാം എന്ന് കുറിച്ചു. താനും കമല്‍നാഥിനെ പിന്തുണയ്ക്കുമെന്ന് അദ്ദേഹം വ്യക്തമാക്കി.

23 നിയമസഭാംഗങ്ങളുടെ പിന്തുണ ഉറപ്പാക്കാനായാല്‍ കമല്‍നാഥിന് കൂറുമാറ്റ നിരോധന നിയമം ബാധകമാകില്ലെന്നാണ് പാര്‍ട്ടിയിലെ തന്നെ ചിലര്‍ ചൂണ്ടിക്കാട്ടുന്നത്. 230 അംഗ നിയമസഭയില്‍ 66 അംഗങ്ങളാണ് കോണ്‍ഗ്രസിനുള്ളത്. ഇതില്‍ മൂന്നിലൊന്ന് പേര്‍ മറ്റൊരു പാര്‍ട്ടിയില്‍ ചേക്കേറിയാല്‍ കൂറുമാറ്റ നിരോധന നിയമം ബാധിക്കില്ലെന്ന് മധ്യപ്രദേശ് ഹൈക്കോടതിയിലെ അഭിഭാഷകന്‍ രാകേഷ് പാണ്ഡെ പിടിഐയോട് പറഞ്ഞു.

2020മാര്‍ച്ചില്‍ മറ്റൊരു മുതിര്‍ന്ന നേതാവായ ജ്യോതിരാദിത്യ സിന്ധ്യ നിരവധി എംഎല്‍എമാര്‍ക്കൊപ്പം ബിജെപിയിലേക്ക് പോയിരുന്നു. ഇത് കമല്‍നാഥിന്‍റെ നേതൃത്വത്തിലുള്ള കോണ്‍ഗ്രസിനെ സര്‍ക്കാരിനെ വീഴ്‌ത്തി.

കഴിഞ്ഞ ദിവസം രാത്രി വൈകി കമല്‍നാഥ് പ്രധാനമന്ത്രി നരേന്ദ്രമോദിയുമായി കമല്‍നാഥ് കൂടിക്കാഴ്‌ച നടത്തിയിരുന്നു. എന്നാല്‍ കമല്‍നാഥിന് കോണ്‍ഗ്രസ് വിടാനാകില്ലെന്നാണ് കോണ്‍ഗ്രസ് പക്ഷത്തുള്ള നേതാക്കളുടെ പ്രതികരണം.