ബെംഗളൂരു: രേണുക സ്വാമി വധക്കേസിൽ നടൻ ദർശന് ഇടക്കാല ജാമ്യം. ആറാഴ്‌ചത്തേക്കാണ് കര്‍ണാടക ഹൈക്കോടതി ഇടക്കാല ജാമ്യം അനുവദിച്ചിരിക്കുന്നത്. ആരോഗ്യപരമായ പ്രശ്‌നങ്ങള്‍ ചൂണ്ടിക്കാട്ടി ജസ്‌റ്റിസ് വിശ്വജിത്ത് ഷെട്ടിയാണ് ഇടക്കാല ജാമ്യം നല്‍കിയത്. ഉത്തരവിന്‍റെ വിശദമായ പകർപ്പ് ലഭ്യമായിട്ടില്ല.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
തന്‍റെ സുഹൃത്തായ പവിത്ര ഗൗഡയ്ക്ക് അശ്ലീല സന്ദേശങ്ങൾ അയച്ചതിനെ തുടര്‍ന്ന് ദര്‍ശനും സംഘവും ചേര്‍ന്ന് 33 കാരനായ രേണുക സ്വാമിയെ കൊലപ്പെടുത്തുകയായിരുന്നു. കേസുമായി ബന്ധപ്പെട്ട് നിരവധി പേര്‍ പൊലീസ് കസ്‌റ്റഡിയിലാണ്. ഇതിനിടെ റിമാന്‍ഡ് ചെയ്യപ്പെട്ട് കഴിയുന്ന താരത്തിന്‍റെ ജയിലില്‍ നിന്നുള്ള ചിത്രങ്ങള്‍ വൈറലായിരുന്നു. താരം ജയിലില്‍ കാപ്പി കുടിക്കുന്നതിന്‍റെയും സിഗരറ്റ് പുകയ്‌ക്കുന്നതിന്‍റെയും ചിത്രങ്ങളാണ് സോഷ്യല്‍ മീഡിയയില്‍ പ്രചരിച്ചത്.
