തെലങ്കാന: പതിനാറ് വയസുകാരിയെ ബലാത്സംഗം ചെയ്‌ത പൊലീസ് ഉദ്യോഗസ്ഥൻ പിടിയിൽ. തെലങ്കാനയിലെ ഹനുമകൊണ്ട ജില്ലയിലെ ഭൂപാലപ്പള്ളിയിലാണ് അതിക്രൂരമായ പീഢനം നടന്നത്. പെൺകുട്ടിയെ പീഢനത്തിനിരയാക്കിയ പൊലീസ് ഉദ്യോഗസ്ഥനെ പൊലീസ് അറസ്‌റ്റ് ചെയ്‌തു. ഭൂപാലപ്പള്ളിയിലെ വിആർ പോലീസ് സ്‌റ്റേഷനിലെ സർക്കിൾ ഇൻസ്പെക്‌ടറായി ജോലി ചെയ്യുന്ന ഉദ്യോഗസ്ഥനാണ് പെൺകുട്ടിയെ പീഢിപ്പിച്ചത്.
ഇയാൾ 2022 ൽ കാകതീയ യൂണിവേഴ്‌സിറ്റി പൊലീസ് സ്‌റ്റേഷനിലെ എസ്എസ്ഐ ആയിരുന്നു. കാകതീയ യൂണിവേഴ്‌സിറ്റി പൊലീസ് സ്‌റ്റേഷനിൽ ജോലിചെയ്യുമ്പോൾ ഹനുമകൊണ്ടയിലെ ഒരു കോളനിയിലെ ഒരു സ്ത്രീയുമായി പ്രതി പരിചയപ്പെടുകയും അടുപ്പത്തിലാവുകയും ചെയ്‌തു. പിന്നീട് ഖമ്മം ജില്ലയിലേക്ക് സിഐയായി സ്ഥലംമാറ്റം ലഭിച്ചിട്ടും അവരുമായുള്ള സൗഹൃദം തുടർന്നിരുന്നു. അടുത്തിടെയാണ് പ്രതി ഭൂപാലപ്പള്ളി ജില്ലയിൽ വിആർ സിഐയായി സ്ഥലംമാറ്റം ലഭിച്ചത്.
അടുപ്പത്തിലായിരുന്ന സ്‌ത്രീയെ കാണാൻ അവരുടെ വീട്ടിൽ പോകവെ പ്രതി അവരുടെ മകളെ നിരീക്ഷിക്കുമായിരുന്നു. അങ്ങനെ കഴിഞ്ഞ ദിവസം അയാൾ ആ പതിനാറ് വയസുകാരിയെ ക്രൂരമായി പീഢിപ്പിച്ചെന്ന് എസ്ഐ പറഞ്ഞു. പെൺകുട്ടി അമ്മയോട് കാര്യം പറഞ്ഞതിനെ തുടർന്ന് അവർ കെയു പൊലീസ് സ്‌റ്റേഷനിൽ ഇയാൾക്കെതിരെ പരാതി നൽകി. പൊലീസ് ഇവരുടെ വീട്ടിലെത്തി അന്വേഷണം നടത്തുകയും. ബലാത്സംഗത്തിനുള്ള വകുപ്പുകളും, പോക്‌സോയും ചുമത്തി പ്രതിയായ സിഐക്കെതിരെ കേസെടുക്കുകയുമായിരുന്നു.
Also read : ആറുവയസുകാരിയെ ബലാത്സംഗം ചെയ്‌ത് കൊന്നു; പൂനെയിൽ 24കാരന് വധശിക്ഷ - Death Penalty For Rape
