ചണ്ഡിഗഢ്: 2024 ലോക്‌സഭ തെരഞ്ഞെടുപ്പിന്‍റെ അവസാന ഘട്ടമായ ഇന്ന് മുംബൈയില്‍ നിന്ന് ജന്മനാട്ടിലെത്തി ബോളിവുഡ് താരം ആയുഷ്‌മാന്‍ ഖുറാനെ വോട്ട് ചെയ്‌തു. ജനാധിപത്യത്തെ രൂപപ്പെടുത്തുന്നതില്‍ വോട്ട് ചെയ്യേണ്ടതിന്‍റെ പ്രാധാന്യത്തെക്കുറിച്ച് അദ്ദേഹം തന്‍റെ പൗരാവകാശം വിനിയോഗിച്ച ശേഷം മാധ്യമപ്രവര്‍ത്തകരോട് സംസാരിക്കവെ ചൂണ്ടിക്കാട്ടി.
വോട്ടവകാശം വിനിയോഗിക്കാന്‍ വേണ്ടി മാത്രമാണ് താന്‍ ജന്മനാട്ടിലെത്തിയത്. മുംബൈയില്‍ വളരെ കുറച്ച് പേര്‍ മാത്രമാണ് ഇക്കുറി വോട്ട് ചെയ്‌തത്. എന്നാല്‍ നാം നമ്മുടെ വോട്ട് രേഖപ്പെടുത്തും. വോട്ട് ചെയ്‌തില്ലെങ്കില്‍ നമുക്ക് പരാതിപ്പെടാന്‍ അവകാശമില്ല. താന്‍ കന്നി വോട്ട് ചെയ്‌ത അനുഭവങ്ങളും താരം പങ്കുവച്ചു. സൈക്കിളിലാണ് ആദ്യമായി വോട്ട് ചെയ്യാന്‍ പോയത്. വലിയ അമ്പരപ്പിലായിരുന്നു താന്‍.
ആറ് ഘട്ടങ്ങളിലായി 486 ലോക്‌സഭ സീറ്റുകളിലേക്കുള്ള വോട്ടെടുപ്പ് പൂര്‍ത്തിയായിക്കഴിഞ്ഞിരുന്നു. ഇന്ന് ഏഴാംഘട്ടത്തില്‍ 57 മണ്ഡലങ്ങളിലെ പോളിങ്ങാണ് നടന്നത്.
അവസാനഘട്ടത്തില്‍ 904 സ്ഥാനാര്‍ത്ഥികളാണ് അങ്കത്തട്ടിലുള്ളത്. പ്രധാനമന്ത്രി നരേന്ദ്രമോദി, ബിജെപി നേതാക്കളായ രവിശങ്കര്‍ പ്രസാദ്, നിഷികാന്ത് ദുബെ, കോണ്‍ഗ്രസ് നേതാക്കളായ മനീഷ് തിവാരി, ചരണ്‍ദിത് സിങ് ചന്നി ശിരോമണി അകാലി ദള്‍, ആര്‍ജെഡി തുടങ്ങിയ പാര്‍ട്ടികളിലെ നേതാക്കള്‍ തുടങ്ങിയ പ്രമുഖര്‍ അവസാനഘട്ടത്തില്‍ ജനവിധി തേടുന്നുണ്ട്.
ഏപ്രില്‍-മെയ് മാസങ്ങളിലായി നടന്ന ആറ് ഘട്ടങ്ങളില്‍ വോട്ടര്‍മാരുടെ നിര്‍ണായക പങ്കാളിത്തമുണ്ടായിരുന്നു. ചൊവ്വാഴ്‌ചത്തെ ഫലപ്രഖ്യാപനത്തിന് വേണ്ടി കാത്തിരിക്കുകയാണ് രാജ്യം.
Also Read: 57 മണ്ഡലങ്ങള്‍, 904 സ്ഥാനാര്‍ഥികള്‍: ജനവിധി തേടി പ്രധാനമന്ത്രിയും; രാജ്യത്ത് അവസാന ഘട്ട വോട്ടെടുപ്പ്
