ശ്രീനഗര്‍: കശ്‌മീരിലെ ഗന്ദർബാൽ ജില്ലയിൽ കഴിഞ്ഞ ദിവസമുണ്ടായ ആക്രമണത്തിന് പിന്നില്‍ ഇന്ത്യയിലേക്ക് നുഴഞ്ഞ് കയറിയ 2 ഭീകരവാദികളെന്ന് ജമ്മു കശ്‌മീർ ലഫ്റ്റനന്‍റ് ഗവർണർ മനോജ് സിൻഹ. വടക്കൻ കശ്‌മീരിലെ ബന്ദിപ്പോര മേഖലയിലൂടെയാണ് ഇവര്‍ നുഴഞ്ഞുകയറാൻ സാധ്യതയെന്നും മനോജ് സിന്‍ഹ പറഞ്ഞു.
ശ്രീനഗർ-ലേ ദേശീയ പാതയിലെ ടണൽ നിർമ്മാണം നടക്കുന്ന ഗന്ദർബാലില്‍ ഞായറാഴ്‌ച നടന്ന ഭീകരാക്രമണത്തില്‍ 7 പേരാണ് കൊല്ലപ്പെട്ടത്. ഒരു ഡോക്‌ടറും ആറ് തൊഴിലാളികളുമാണ് ആക്രമണത്തിന് ഇരയായത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ജോലി കഴിഞ്ഞ് തൊഴിലാളികളും മറ്റ് ജീവനക്കാരും ക്യാമ്പിലേക്ക് മടങ്ങിയപ്പോഴാണ് ആക്രമണമുണ്ടയത്. ഭീകരരെ കണ്ടെത്തി വധിക്കാന്‍ പൊലീസിനും മറ്റ് സുരക്ഷ സേനകൾക്കും നിർദേശം നൽകിയിട്ടുണ്ടെന്ന് മനോജ് സിൻഹ പറഞ്ഞു.
