കേദാർനാഥ് (ഉത്തരാഖണ്ഡ്) : കേദാർനാഥ് ധാമിലേക്ക് തീര്‍ഥാടകരുമായി പോയ ഹെലികോപ്‌ടറിന്‍റെ റഡ്ഡറിന് കേടുപാട് സംഭവിച്ചു. പൈലറ്റിന്‍റെ സമയോചിതമായ ഇടപെടൽ മൂലം ഒഴിവായത് വൻ അപകടം. ഇന്ന് (മെയ് 24) പുലർച്ചെയാണ് സംഭവം.
ഈ വര്‍ഷത്തെ ചാർധാം യാത്ര നടക്കുന്നതിനാല്‍ നിരവധി തീർഥാടകരാണ് ധാമിലേക്ക് പോകുന്നത്. കേദാർനാഥിൽ നിന്ന് ധാമിലേക്ക് വിമാന സർവീസുകളും നടത്തുന്നുണ്ട്. തീർഥാടകരെയും വഹിച്ചുകൊണ്ട് ദിവസവും നിരവധി ഹെലികോപ്‌ടറുകളാണ് കേദാർനാഥിലേക്ക് പറക്കുന്നത്.
കേദാർനാഥ് ധാം ഹെലിപാഡിൽ നിന്ന് 100 മീറ്റർ ദൂരം മാത്രമുള്ളപ്പോഴാണ് ക്രിസ്‌റ്റൽ ഏവിയേഷന്‍റെ ഹെലികോപ്‌ടറിന്‍റെ റഡ്ഡർ കേടായതായി അറിയുന്നത്. ഇതേത്തുടർന്നാണ് അടിയന്തര ലാൻഡിങ് നടത്തേണ്ടി വന്നത്. പൈലറ്റ് കൽപേഷ് സുരക്ഷിതമായി എമർജൻസി ലാൻഡിങ് നടത്തി യാത്രക്കാരുടെ ജീവൻ രക്ഷിച്ചു.
6 യാത്രക്കാരാണ് ഹെലികോപ്‌ടറിൽ ഉണ്ടായിരുന്നത്. പൈലറ്റിന്‍റെ സമയോചിതമായ ഇടപെടലില്‍ വന്‍ ദുരന്തം ഒഴിവായി. യാത്രക്കാരെല്ലാം സുരക്ഷിതരാണെന്ന് പൈലറ്റ് കൽപേഷ് പറഞ്ഞു.
കേദാർനാഥ് ധാമിലേക്കുള്ള യാത്രയ്‌ക്കിടെ നിരവധി ഹെലികോപ്‌ടറുകൾ നേരത്തെയും അപകടത്തിൽപ്പെട്ടിട്ടുണ്ട്. നിലവിൽ കേദാർനാഥ് ധാമിലേക്ക് 9 ഹെലികോപ്‌ടർ സർവീസാണ് നടത്തുന്നത്. ഹെലികോപ്‌ടർ കേദാർനാഥിൽ അടിയന്തരമായി ഇറക്കിയിട്ടുണ്ടെന്നും പൈലറ്റ് ഉൾപ്പെടെയുള്ള എല്ലാ യാത്രക്കാരും സുരക്ഷിതരാണെന്നും രുദ്രപ്രയാഗ് ജില്ല ദുരന്തനിവാരണ ഓഫിസർ നന്ദൻ സിങ് രാജ്വാർ പറഞ്ഞു.
ALSO READ : രാഷ്‌ട്രത്തലവന്മാരുടെ ജീവനെടുത്ത വ്യോമ ദുരന്തങ്ങളുടെ ചരിത്രം
