ഹൈദരാബാദ്‌: സെക്കന്തരാബാദ് റെയിൽവേ സ്റ്റേഷന് സമീപം ട്രെയിനിൽ തീപിടിത്തം. ആലുഗദ്ദ ബാവിയിലെ റെയിൽവേ പാലത്തിലെ സ്പെയർ കോച്ചിൽ തീ പടർന്ന് മറ്റ് രണ്ട് ബോഗികളിലേക്ക് പടരുകയായിരുന്നു. തീപിടിത്തം നടക്കുമ്പോൾ ട്രെയിനിൽ യാത്രക്കാർ ഇല്ലാതിരുന്നതിനാൽ വൻ അപകടം ഒഴിവായി.
അപകടം നടന്നയുടൻ റെയിൽവേ അധികൃതരെ അറിയിച്ചു. മൂന്ന്‌ ഫയർ എഞ്ചിനുകൾ സ്ഥലത്തെത്തി തീ നിയന്ത്രണ വിധേയമാക്കി. റെയിൽവേ പ്രൊട്ടക്ഷൻ ഫോഴ്‌സ്‌ സ്ഥലത്തെത്തി തീപിടിത്തമുണ്ടായത് എങ്ങനെയെന്ന് അന്വേഷിച്ചുവരികയാണ്.
റെയിൽവേ പൊലീസും കേസെടുത്ത് അന്വേഷണം ആരംഭിച്ചു. എന്നാൽ റെയിൽവേ ഓവർ ബ്രിഡ്‌ജിൽ തീ പടർന്നതോടെ യാത്രക്കാർ പരിഭ്രാന്തരായി. റെയില്‍ ഗതാഗതത്തിന്‌ തടസമുണ്ടായി.
ALSO READ: ടേക്ക് ഓഫിനിടെ വിമാനത്തിന്‍റെ എഞ്ചിന് തീപിടിച്ചു ; അടിയന്തര ലാൻഡിങ്, ഒഴിവായത് വന്‍ ദുരന്തം
