മുംബൈ : ശിവസേന (UBT) നേതാവ് അനിൽ ദേശായിക്ക് മുംബൈ പൊലീസിൻ്റെ സാമ്പത്തിക കുറ്റകൃത്യ വിഭാഗം (EOW) സമൻസ് അയച്ചു. 2023 ഫെബ്രുവരിയിൽ ഷിൻഡെ വിഭാഗത്തെ യഥാർഥ ശിവസേനയായി തെരഞ്ഞെടുപ്പ് കമ്മിഷൻ അംഗീകരിച്ചിരുന്നു. ഇതിനു ശേഷവും പാർട്ടിയിൽ നിന്നും ധനസഹായം തടഞ്ഞുവച്ച ഏക്‌നാഥ്‌ ഷിൻഡെ വിഭാഗത്തിന്‍റെ അവകാശത്തെ തുടർന്ന് മാർച്ച് 5ന് ദേശായിയോട് ഹാജരാകാൻ സമൻസിൽ ഉത്തരവിട്ടിട്ടുണ്ടെന്ന് മുംബൈ പൊലീസ് അറിയിച്ചു.
കഴിഞ്ഞ വർഷം ജൂണിൽ ഉദ്ധവ് താക്കറുടെ മന്ത്രിസഭയിൽ മന്ത്രിയായിരുന്ന ഏകനാഥ് ഷിൻഡെ പാർട്ടിയുടെ അണികൾക്കുള്ളിൽ അട്ടിമറി പൊട്ടിപ്പുറപ്പെട്ടതിനെ തുടർന്ന് ശിവസേന പിളരുകയും ഭാരതീയ ജനത പാർട്ടിയുമായി ചേർന്ന് ഒരു സഖ്യം രൂപീകരിക്കുകയുമായിരുന്നു.
ALSO READ:യഥാർത്ഥ ശിവസേന ഏകനാഥ് ഷിൻഡെയുടെ നേതൃത്യത്തിലുള്ളത്; മഹാരാഷ്‌ട്ര നിയമസഭാ സ്‌പീക്കർ രാഹുൽ നർവേക്കർ
ഫണ്ട് പിൻവലിച്ചതിൻ്റെ വിശദാംശങ്ങളും അത് ആരാണ് പിൻവലിച്ചതെന്നും ഇഒഡബ്ല്യു അന്വേഷിക്കുന്നുണ്ട്. പണം പിൻവലിച്ചതിന്‍റെ വിശദാംശങ്ങൾ ബന്ധപ്പെട്ട ബാങ്ക് ഉദ്യോഗസ്ഥനിൽ നിന്ന് ഏജൻസിക്ക് ലഭിച്ചിട്ടുണ്ട്.
ഏകനാഥ് ഷിൻഡെയുടെ നേതൃത്വത്തിലുള്ള ശിവസേനയുടെ ട്രഷറർ ബാലാജി കിനികർ മുംബൈ പൊലീസ് കമ്മിഷണർ വിവേക് ഫൻസാൽക്കറെ കാണുകയും ശിവസേന (യുബിടി) ഉദ്യോഗസ്ഥർക്കെതിരെ വഞ്ചനയ്ക്കും വ്യാജരേഖ ചമച്ചതിനും ജനുവരി 30 ന് രേഖാമൂലം പരാതി നൽകുകയും ചെയ്‌തിരുന്നു.
