ശ്രീനഗര്‍: ജമ്മു കശ്മീരിലെ കിഷ്ത്വാർ മേഖലയിൽ നേരിയ ഭൂചലനം. ഇന്ന് (ഫെബ്രുവരി 20) രാവിലെ ആറരയോടെയാണ് റിക്ടര് സ്കെയിലില്‍ 3.7 തീവ്രത രേഖപ്പെടുത്തിയ ഭൂചലനമുണ്ടായത്. 24 മണിക്കൂറിനിടെ ജമ്മു കശ്‌മീരില്‍ ഉണ്ടാകുന്ന രണ്ടാമത്തെ ഭൂചലനമാണിത്.
ഇന്ന് രാവിലെ 6:36നാണ് കശ്‌മീരിര്‍ രണ്ടാമത്തെ ഭൂചലനം അനുഭവപ്പെട്ടത്. ഇന്നലെ (ഫെബ്രുവരി 19) രാത്രി ലഡാക്ക് മേഖലയിലാണ് റിക്ടര് സ്കെയിലില്‍ 5.7 തീവ്രക രേഖപ്പെടുത്തിയ ഭൂചലനം അനുഭവപ്പെട്ടത്. രാത്രി 9:35നാണ് ലഡാക്കില്‍ കാര്‍ഗിലിന് സമീപം ഭൂചലനം അനുഭവപ്പെട്ടതെന്ന് നാഷണൽ സെൻ്റർ ഫോർ സീസ്മോളജി അറിയിച്ചത്.
