ഡൽഹി: ഡൽഹി മദ്യനയ അഴിമതിക്കേസിൽ ബിആർഎസ് നേതാവ് കെ കവിതയുടെ ജുഡീഷ്യൽ കസ്റ്റഡി നീട്ടി. ജൂലൈ 18 വരെയാണ് കസ്റ്റഡി കാലാവധി നീട്ടിയത്. നിലവിൽ തീഹാർ ജയിലിൽ കഴിയുന്ന കവിതയെ വീഡിയോ കോൺഫറൻസിങ് വഴിയാണ് കോടതിയില്‍ ഹാജരാക്കിയത്. പ്രത്യേക സിബിഐ ജഡ്‌ജി കാവേരി ബവേജയാണ് കേസ് പരിഗണിച്ചത്.
എന്നാൽ റിമാൻഡ് കാലാവധി നീട്ടാൻ ആവശ്യപ്പെട്ടുകൊണ്ടുള്ള ഹർജിയെ കവിതയുടെ അഭിഭാഷകൻ പി മോഹിത് റാവു എതിർത്തിരുന്നു. ഇതിനോടകം സിബിഐ സമർപ്പിച്ച കുറ്റപത്രം ജൂലൈ 6 ന് പരിഗണിയ്ക്കാനിരിക്കുന്നതിനിടെയാണ് കവിതയുടെ റിമാൻഡ് കാലാവധി 14 ദിവസം കൂടി നീട്ടിയത്.
