ഡൽഹി: മദ്യനയ അഴിമതി കേസിൽ എൻഫോഴ്‌സ്‌മെന്‍റ് അറസ്‌റ്റ് ചെയ്‌ത ഡൽഹി മുഖ്യമന്ത്രി അരവിന്ദ് കെജ്‌രിവാൾ ജയിലിലേക്ക്. ഏപ്രിൽ 15 വരെയാണ് റിമാൻഡ് ചെയ്‌തത്. കസ്‌റ്റഡി കാലാവധി അവസാനിച്ചതോടെ ഡൽഹി റൂസ് അവന്യൂ കോടതിയാണ് കെജ്രിവാളിനെ ജുഡീഷ്യൽ കസ്റ്റഡിയിൽ വിട്ടത്. അദ്ദേഹത്തെ ഇന്നു തന്നെ തീഹാറിലെ ജയിലിലേക്ക് മറ്റും.
ഇന്ന് രാവിലെയാണ് അദ്ദേഹത്തെ കോടതിയിൽ ഹാജരാക്കിയത്. 15 ദിവസം ജുഡീഷ്യൽ കസ്റ്റഡിയിൽ വിടണമെന്ന് എൻഫോഴ്‌സ്‌മെന്‍റ് ഡറക്‌ടറേറ്റിന്‍റെ ആവശ്യം അംഗീകരിക്കുകയായിരുന്നു കോടതി. അതേസമയം അന്വേഷണവുമായി കെജ്‌രിവാൾ സഹകരിക്കുന്നില്ലെന്ന് ഇ ഡിയ്ക്ക് വേണ്ടി ഹാജരായ അഡീഷണൽ സോളിസിറ്റർ ജനറൽ എസ് വി രാജു പറഞ്ഞു.
മദ്യനയ അഴിമതി കേസിൽ മാർച്ച് 21 നാണ് കെജ്രിവാളിനെ അദ്ദേഹത്തിന്‍റെ വസതിയിൽ വച്ച് ഇ ഡി അറസ്‌റ്റ് ചെയ്‌തത്. അദ്ദേഹത്തിന്‍റെ പ്രാഥമിക കസ്‌റ്റഡി 28 അവസാനിച്ചിരുന്നു. എന്നാൽ ഏപ്രിൽ ഒന്ന് വരെ കസ്‌റ്റഡി നീട്ടുകയായിരുന്നു കോടതി.
Also Read: ഇവിടെയാര്‍ക്കും ഇഡി പേടി ഇല്ല; അത് വടക്കേ ഇന്ത്യയില്‍ പോയി പറഞ്ഞാല്‍ മതിയെന്ന് തോമസ് ഐസക്
