വാഷിങ്‌ടണ്‍ (യുഎസ്) : ബാൾട്ടിമോറിൽ തകർന്ന ഫ്രാൻസിസ് സ്കോട്ട് കീ പാലത്തിന്‍റെ അവശിഷ്‌ടങ്ങൾ നീക്കം ചെയ്യുന്ന പ്രവർത്തികൾ പുരോഗമിക്കുന്നതായി റിപ്പോര്‍ട്ട്. ബാൾട്ടിമോർ പാലം വൃത്തിയാക്കുന്ന എഞ്ചിനീയർമാർ പറയുന്നത് തുറമുഖത്തേക്കുള്ള പരിമിതമായ പ്രവേശന ചാനൽ ഒരുമാസംകൊണ്ട് തുറക്കുമെന്നാണ്. യുഎസ് ആർമി കോർപ്‌സ് ഓഫ് എഞ്ചിനീയർമാർ വ്യാഴാഴ്‌ച ഒരു താത്‌കാലിക ടൈംലൈൻ പ്രഖ്യാപിച്ചതാണ്, അടുത്ത മാസം നാലിനുള്ളിൽ തുറമുഖത്തേക്ക് 280 അടി വീതിയും 35 അടി ആഴവുമുള്ള (85 മീറ്റർ 11 മീറ്റർ) പരിമിതമായ പ്രവേശന ചാനൽ തുറക്കുമെന്നാണ് പ്രതീക്ഷിക്കുന്നതായാണ് വാർത്താക്കുറിപ്പിൽ പറഞ്ഞത്.
ബാർജ് കണ്ടെയ്‌നർ സേവനത്തിനും തുറമുഖത്തിനകത്തും പുറത്തും വാഹനങ്ങളും കാർഷിക ഉപകരണങ്ങളും നീക്കുന്ന ചില കപ്പലുകൾക്കും തുറമുഖത്തിനകത്തും പുറത്തുമുള്ള വൺവേ ട്രാഫിക്കിനെ ചാനൽ പിന്തുണയ്ക്കും. 700 അടി വീതിയും 50 അടി ആഴവുമുള്ള (213 മീറ്റർ 15 മീറ്റർ) ഫെഡറൽ നാവിഗേഷൻ ചാനൽ മെയ് അവസാനത്തോടെ വീണ്ടും തുറക്കാൻ ലക്ഷ്യമിടുന്നതായി യുഎസ്എസിഇ അറിയിച്ചു.
മാർച്ച് 26 നാണ് പാതം തകർന്നത്. ബാൾട്ടിമോറിൽ നിന്ന് ശ്രീലങ്കയിലേക്ക് പോകുകയായിരുന്ന ചരക്ക് കപ്പൽ ഡാലിയിൽ ഇടിച്ചതിനെ തുടർന്നാണ് പാലം തകർന്നത്. പാലത്തിലെ ഗതാഗതം തടയാൻ പൊലീസിന് മതിയായ സമയം കൊണ്ട് കപ്പൽ മെയ്ഡേ അലേർട്ട് നൽകി, എന്നാൽ പാലത്തിലെ കുഴികൾ നികത്തുന്ന റോഡ് വർക്ക് ജീവനക്കാരെ രക്ഷിക്കാൻ മതിയായില്ല.
ആറ് തൊഴിലാളികൾ പടപ്‌സ്‌കോ നദിയിൽ മുങ്ങി മരിച്ചതായാണ് അധികൃതർ അറിയിച്ചത്. ഇതുവരെ രണ്ട് മൃതദേഹങ്ങൾ കണ്ടെടുത്തിട്ടുള്ളത്. മറ്റ് രണ്ട് പേർ രക്ഷപ്പെട്ടു. അവശിഷ്‌ടങ്ങള്‍ക്കിടയില്‍ നിന്നും അപകടത്തില്‍പ്പെട്ട കപ്പലിന്‍റെ ഡാറ്റ റെക്കോര്‍ഡര്‍ കണ്ടെത്തി. വിമാനത്തിലെ ബ്ലാക്ക് ബോക്‌സിന് സമാനമായ ഉപകരണമാണ് കപ്പലിന്‍റെ ഡാറ്റ റെക്കോര്‍ഡര്‍. കപ്പലിനെ കുറിച്ചുള്ള മുഴുവന്‍ വിവരങ്ങളും ഡാറ്റ റെക്കോര്‍ഡര്‍ പരിശോധിച്ചാല്‍ ലഭ്യമാകും. മാത്രമല്ല അപകട കാരണങ്ങളെ കുറിച്ചും ഇതില്‍ നിന്നും മനസിലാക്കാന്‍ സാധിക്കും.
കപ്പലിലെ ഉദ്യോഗസ്ഥരുടെ സമയോചിതമായ ഇടപെടലിനെ യുഎസ് പ്രസിഡന്‍റ് ജോ ബൈഡന്‍ അഭിനന്ദിച്ചിരുന്നു. അപകട സാധ്യത തിരിച്ചറിഞ്ഞ ഉദ്യോഗസ്ഥര്‍ ഉടന്‍ തന്നെ മെരിലാൻഡ് ഗതാഗത വകുപ്പിനെ വിവരം അറിയിച്ചിരുന്നു. ഫ്രാൻസിസ് സ്കോട്ട് കീ ബ്രിഡ്‌ജ് തകർന്നതിനെ തുടർന്ന് കാണാതായവരിൽ തങ്ങളുടെ പൗരന്മാരും ഉൾപ്പെടുന്നുവെന്ന് വാഷിങ്‌ടണിലെ മെക്‌സിക്കോ എംബസി കോൺസുലർ വിഭാഗം മേധാവി റാഫേൽ ലവേഗയ പറഞ്ഞിരുന്നു.
