ഹൈദരാബാദ്: വിവാഹ ദിനത്തില്‍ മാതാപിതാക്കള്‍ നല്‍കിയ ഒരു സമ്മാനം കണ്ട് ഞെട്ടിയ നവദമ്പതികളുടെ വീഡിയോ ഈ വര്‍ഷമാദ്യം സോഷ്യല്‍ മീഡിയയില്‍ തരംഗമായിരുന്നു. ഉത്സവി സതാക്കിയ സ്‌മീത് ദോഷി ദമ്പതികള്‍ക്കായിരുന്നു നിരവധി അവിവാഹിതരുടെ 'മനസ് മാറ്റിയ' ആ സമ്മാനം ലഭിച്ചത്. കഴിഞ്ഞ ഫെബ്രുവരിയിലായിരുന്നു ഇരുവരുടേയും വിവാഹം കഴിഞ്ഞത്.
ഇടിവി ഭാരത് കേരളം ഇനി വാട്‌സ്‌ആപ്പിലും
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.
പ്രശസ്‌ത ബ്രിട്ടീഷ് റോക് ബാന്‍ഡായ കോള്‍ഡ്‌പ്ലേയുടെ കോൺസേർട്ടിന്‍റെ ടിക്കറ്റായിരുന്നു ഇരുവര്‍ക്കും വിവാഹ സമ്മാനമായി ലഭിച്ചത്. അതും തായ്‌ലന്‍ഡില്‍ അരങ്ങേറാനിരുന്ന പരിപാടിയുടേത്. സോഷ്യല്‍ മീഡിയയില്‍ പങ്കുവയ്‌ക്കപ്പെട്ട ഈ സമ്മാന വീഡിയോ തരംഗമായിരുന്നു. അപ്രതീക്ഷിത സമ്മാനം ലഭിച്ച ദമ്പതികളുടെ 'ഞെട്ടല്‍' പ്രസ്‌തുത വീഡിയോയില്‍ കാണാമായിരുന്നു.
ലഭിക്കുന്ന സമ്മാനങ്ങള്‍ ഇത്തരത്തിലാണെങ്കില്‍ വിവാഹത്തിന് തങ്ങളും തയ്യാറാണെന്നാണ് നിരവധി യുവതി, യുവാക്കള്‍ ഇതിന് കമന്‍റിട്ടിരുന്നത്. മാസങ്ങള്‍ പഴക്കമുള്ള പ്രസ്‌തുത വീഡിയോ സോഷ്യല്‍ മീഡിയയില്‍ വീണ്ടും തീയായിരിക്കുകയാണിപ്പോള്‍. ക്രിസ് മാർട്ടിൻ നയിക്കുന്ന ഗ്രാമി ജേതാക്കളായ ബാൻഡ് അടുത്ത വര്‍ഷം ഇന്ത്യയില്‍ എത്തുന്നതിന്‍റെ പശ്ചാത്തലത്തിലാണിത്.
ALSO READ: "18-ാം വയസ്സില്‍ കല്യാണം, ചോര തുപ്പിയ ദിവസങ്ങള്‍, ആ ആഘാതം വലുത്... ഇന്നും ചികിത്സയില്‍"; കരഞ്ഞ് അമൃത സുരേഷ് - Amrutha Reacted To Bala Allegations
അടുത്ത വര്‍ഷം ജനുവരി 18,19,21 തീയതികളിലാണ് കോള്‍ഡ്‌പ്ലേ ഇന്ത്യയില്‍ സംഗീത വിരുന്നൊരുക്കുന്നത്. നവി മുംബൈയിലെ ഡിവൈ പാട്ടീല്‍ സ്റ്റേഡിയമാണ് വേദി. കോൺസേർട്ടിന്‍റെ ടിക്കറ്റുകള്‍ ചൂടപ്പം പോലെയാണ് വിറ്റഴിക്കപ്പെട്ടത്. പരിപാടി നടക്കുന്ന പ്രദേശത്തെ ഹോട്ടല്‍ മുറികളുടെ വിലയും കുതിച്ചുയരുന്നതായാണ് റിപ്പോര്‍ട്ട്. മുറികളുടെ വില പത്ത് മുതല്‍ 15 ഇരട്ടിവരെ കൂടിയെന്നാണ് റിപ്പോര്‍ട്ട്.
