ന്യൂഡൽഹി: അംബേദ്‌കർ വിവാദത്തിൽ പ്രതിപക്ഷ ആരോപണങ്ങളെ തള്ളി അമിത് ഷാ. തന്‍റെ വാക്കുകളെ വളച്ചൊടിച്ചുവെന്നും യഥാർത്ഥത്തിൽ കോൺഗ്രസ് ആണ് അംബേദ്‌കർ വിരുദ്ധ പാർട്ടിയെന്നും അമിത് ഷാ വാർത്താ സമ്മേളനത്തിൽ പറഞ്ഞു. ബിജെപി ഭരണഘടനയെ അംഗീകരിച്ച് മുന്നോട്ട് പോകുന്ന പാർട്ടി ആണെന്നും അമിത് ഷാ കൂട്ടിച്ചേർത്തു.
ചൊവ്വാഴ്‌ച രാജ്യസഭയില്‍ ഭരണഘടനയുമായി ബന്ധപ്പെട്ട ചര്‍ച്ചയ്ക്ക് മറുപടി പറയവെയായിരുന്നു അമിത് ഷായുടെ വിവാദ പരാമര്‍ശം. അംബേദ്‌കർ എന്ന് പറയുന്നത് കോൺഗ്രസിന് ഒരു ഫാഷൻ ആയി മാറിയിരിക്കുകയാണെന്നും അംബേദ്‌കർക്ക് പകരം ദൈവത്തിന്‍റെ പേര് ഇത്ര തവണ പറഞ്ഞിരുന്നെങ്കിൽ സ്വർഗം ലഭിക്കുമായിരുന്നു എന്നുമായിരുന്നു അമിത് ഷായുടെ പ്രസ്‌താവന.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
सोशल मीडिया पर दावा किया जा रहा है कि राज्यसभा में केंद्रीय मंत्री @AmitShah द्वारा बाबा साहब डॉ. भीमराव अंबेडकर पर आपत्तिजनक बयान दिया गया है #PIBFactCheck
— PIB Fact Check (@PIBFactCheck) December 18, 2024
✅यह दावा भ्रामक है |
✅क्लिप्ड वीडियो में केन्द्रीय मंत्री के भाषण के चुनिंदा हिस्से को गलत तरीके से पेश किया गया है | pic.twitter.com/wvjYfpDB8K
സംഭവത്തിൽ പ്രതിഷേധം രൂക്ഷമായതിനെ തുടർന്ന് ബുധനാഴ്‌ച പാര്‍ലമെന്‍റ് നടപടികള്‍ നിർത്തിവച്ചിരുന്നു. അമിത് ഷാ രാജിവക്കണമെന്ന് ആവശ്യപ്പെട്ട് ഖാർഗെ ഉൾപ്പെടെയുള്ള പ്രതിപക്ഷ നേതാക്കളും രംഗത്തെത്തി. അതേസമയം, അമിത് ഷായുടെ പ്രസംഗത്തിലെ തെരഞ്ഞെടുത്ത ഭാഗങ്ങൾ ക്ലിപ്പു ചെയ്‌ത വീഡിയോയിൽ തെറ്റായി ചിത്രീകരിച്ചിരിക്കുന്നതാണെന്ന് സ്ഥിരീകരിച്ച് പ്രസ് ഇൻഫർമേഷൻ ബ്യുറോ രംഗത്തെത്തിയിട്ടുണ്ട്.
