ഡൽഹി: എയർ ഇന്ത്യയുടെ ഗ്ലോബൽ എയർപോർട്ട് ഓപ്പറേഷൻസ് മേധാവിയായി ജയരാജ് ഷൺമുഖത്തെ നിയമിച്ചു. ഷൺമുഖം തന്‍റെ പുതിയ ചുമതല 2024 ഏപ്രിൽ 15 ന് ഏറ്റെടുക്കും. അദ്ദേഹം ചീഫ് ഓപ്പറേഷൻസ് ഓഫീസറായ (സി ഒ ഒ) ക്ലോസ് ഗോർഷിന് റിപ്പോർട്ട് ചെയ്യുമെന്നും ടാറ്റ ഗ്രൂപ്പ് എയർലൈൻ പ്രസ്‌താവനയിൽ അറിയിച്ചു.
ബെംഗളൂരു ഇന്‍റർനാഷണൽ എയർപോർട്ട് ലിമിറ്റഡിന്‍റെ (BIAL) ചീഫ് ഓപ്പറേറ്റിങ് ഓഫീസറായിരുന്നു ജയരാജ് ഷൺമുഖം. അതിൽ നിന്നാണ് അദ്ദേഹം എയർ ഇന്ത്യയിൽ ചേരുന്നത്. പുതിയ ടെർമിനൽ 2 ന്‍റെ പ്രവർത്തനത്തിന് അദ്ദേഹം നേതൃത്വം നൽകിയിരുന്നു. സിംഗപ്പൂർ എയർലൈൻസ്, ഖത്തർ എയർവേസ്, ജെറ്റ് എയർവേസ് എന്നിവയിലും അദ്ദേഹം ജോലി ചെയ്‌തിട്ടുണ്ട്.
