ന്യൂഡൽഹി: ഇന്ത്യയിലെ വിവിധ ഫാർമസ്യൂട്ടിക്കൽ കമ്പനികൾ നിർമ്മിക്കുന്ന 71 മരുന്നുകള്‍ 'നോട്ട് ഓഫ് സ്റ്റാൻഡേർഡ് ക്വാളിറ്റി' (എൻഎസ്‌ക്യു) അഥവാ വ്യാജമാണെന്ന് കണ്ടെത്തി ഡ്രഗ് റെഗുലേറ്ററായ സെൻട്രൽ ഡ്രഗ്‌സ് സ്റ്റാൻഡേർഡ് കൺട്രോൾ ഓർഗനൈസേഷൻ (സിഡിഎസ്‌സിഒ). ചുമയ്ക്കുള്ള സിറപ്പ്, ഐ ഡ്രോപ്പുകൾ, സോഡിയം ക്യാപ്‌സ്യൂളുകൾ, കുത്തിവയ്പ്പ്, കാൽസ്യം, വിറ്റാമിൻ ഡി3 ഗുളികകൾ അടക്കം ഗുണനിലവാരമില്ലാത്തതും വ്യാജവുമായ മരുന്നുകളിൽ ഉൾപ്പെടുന്നുണ്ട്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
വ്യാജ മരുന്നുകളുടെ ലിസ്റ്റ് പ്രതിമാസം സിഡിഎസ്‌സിഒ പോർട്ടലിൽ പ്രദർശിപ്പിക്കുമെന്ന് പ്രസ്‌താവനയില്‍ പറയുന്നു. വിപണിയിൽ കണ്ടെത്തുന്ന വ്യാജ മയക്കുമരുന്ന് ബാച്ചുകളെ കുറിച്ച് ഓഹരി ഉടമകളെ ബോധവാന്മാരാക്കാനാണ് ഇത്തരത്തില്‍ പട്ടിക പ്രദർശിപ്പിക്കുന്നതെന്നും സിഡിഎസ്‌സിഒ പറഞ്ഞു.
Metronidazole Tablets I.P. 400 mg - ഹിന്ദുസ്ഥാൻ ആന്‍റിബയോട്ടിക്‌സ് ലിമിറ്റഡ്,
Domperidon Suspension (Vomitel) - എം/എസ്. റെയിൻബോ ലൈഫ് സയൻസസ് പ്രൈവറ്റ് ലിമിറ്റഡ്. C/o. യൂണിജൂൾസ് ലൈഫ് സയൻസസ് ലിമിറ്റഡ്
Oxytocin Injection I.P. 5 IU/1 ml - പുഷ്‌കർ ഫാർമ, ഖേരി, കലാ അംബ്;
Calcium Gluconate Injection I.P. 10 ml 10- മാർട്ടിൻ & ബ്രൗൺ ബയോസയൻസസ് പ്രൈവറ്റ് ലിമിറ്റഡ്.
Calcium 500 mg, Vitamin D3 250 IU Tablets IP - M/s. ലൈഫ് മാക്‌സ് കാൻസർ ലബോറട്ടറീസ് എന്നിവ സെൻട്രൽ ലബോറട്ടറികൾ നിലവാരമില്ലാത്തതായി പ്രഖ്യാപിച്ച മരുന്നുകളില്‍ ചിലതാണ്.
സമാനമായി കേരള മെഡിക്കൽ സർവീസസ് കോർപ്പറേഷൻ ലിമിറ്റഡ് നിർമ്മിക്കുന്ന കഫ് സിറപ്പ് നിലവാരമില്ലാത്തതാണെന്ന് സംസ്ഥാന ലബോറട്ടറി അടുത്തിടെ കണ്ടെത്തിയിരുന്നു.
ഡ്രഗ്‌സ് ആൻഡ് കോസ്‌മെറ്റിക്‌സ് നിയമ പ്രകാരം കേന്ദ്ര ഗവൺമെന്‍റ് ചുമതലപ്പെടുത്തിയിട്ടുള്ള പ്രവർത്തനങ്ങൾ നിർവഹിക്കുന്നതിനുള്ള കേന്ദ്ര ഡ്രഗ് അതോറിറ്റിയാണ് സെൻട്രൽ ഡ്രഗ്‌സ് സ്റ്റാൻഡേർഡ് കൺട്രോൾ ഓർഗനൈസേഷൻ (സിഡിഎസ്‌സിഒ). സിഡിഎസ്‌സിഒയ്ക്ക് ആറ് സോണൽ ഓഫീസുകളും നാല് സബ് സോണൽ ഓഫീസുകളും 13 പോർട്ട് ഓഫീസുകളും ഏഴ് ലബോറട്ടറികളും നിയന്ത്രണത്തിലുണ്ട്.
