ബിലാസ്‌പൂര്‍ : മൂന്ന് വയസുകാരിയെ ബലാത്സംഗം ചെയ്‌ത് കൊന്ന കേസില്‍ പതിനാലുകാരന്‍ പിടിയില്‍. ഛത്തീസ്‌ഗഡിലെ ബിലാസ്‌പൂരില്‍(Rape And Murder Of 3-Year-Old Girl)സിര്‍ഗിത്തി പൊലീസ് സ്റ്റേഷന്‍ പരിധിയില്‍ കഴിഞ്ഞ ദിവസം വൈകിട്ടാണ് സംഭവം. ആദ്യം കുഞ്ഞിനെ ബലാത്സംഗം ചെയ്യുകയും പിന്നീട് കൊല്ലുകയുമായിരുന്നുവെന്ന് കുടുംബം ആരോപിക്കുന്നു.
വീടിന് പുറത്ത് കളിച്ചുകൊണ്ടിരുന്ന കുഞ്ഞിനെ ബാലന്‍ അവന്‍റെ വീട്ടിലെ ശുചിമുറിയില്‍ എത്തിച്ചാണ് കൃത്യം നടത്തിയത്. അതേസമയം പൊലീസ് പോസ്റ്റ്‌മോര്‍ട്ടം റിപ്പോര്‍ട്ടിന് വേണ്ടി കാത്തിരിക്കുകയാണ്. പെണ്‍കുഞ്ഞിന്‍റെ കുടുംബവും നാട്ടുകാരും തിങ്കളാഴ്ച രാവിലെ ബിലാസ്പൂരിലെ നെഹ്‌റു ചൗക്കില്‍ പ്രതിഷേധം സംഘടിപ്പിച്ചു. പ്രതിയെ തൂക്കിക്കൊല്ലണമെന്ന് ആവശ്യപ്പെട്ട് അവര്‍ റോഡ് ഉപരോധിച്ചു(14-Yr-Old Accused Detained).
സംഭവത്തില്‍ നടപടിയെടുത്തുവരികയാണെന്ന് അറിയിച്ച് നാട്ടുകാരെ പൊലീസ് അനുനയിപ്പിക്കാന്‍ ശ്രമിച്ചു. പതിനാലുകാരനെ അറസ്റ്റ് ചെയ്‌തതായും അവര്‍ അറിയിച്ചു. ഇതേ തുടര്‍ന്നാണ് നാട്ടുകാര്‍ പ്രതിഷേധം അവസാനിപ്പിച്ചത്. സംഭവവുമായി ബന്ധപ്പെട്ട് പിടിയിലായ ബാലന്‍റെ അമ്മാവനെയും അറസ്റ്റ് ചെയ്‌തിട്ടുണ്ട്. ഇയാള്‍ തെളിവ് നശിപ്പിക്കാനും തെറ്റായ വിവരങ്ങള്‍ പ്രചരിപ്പിക്കാനും ശ്രമിച്ചെന്ന് ആരോപിച്ചാണ് നടപടി(Bilaspur).
കുഞ്ഞിനെ ഏറെ നേരമായിട്ടും കാണാത്തതിനെ തുടര്‍ന്ന് വീട്ടുകാര്‍ അന്വേഷിച്ചപ്പോഴാണ് 14 കാരന്‍ എടുത്തുകൊണ്ടുപോയതായി അടുത്തുള്ളവര്‍ വെളിപ്പെടുത്തിയത്. ആളുകള്‍ അന്വേഷിച്ചെത്തിയപ്പോള്‍ കുട്ടിയെ ചോരവാര്‍ന്ന നിലയില്‍ കണ്ടെത്തുകയായിരുന്നു. ഉടന്‍ തന്നെ കുട്ടിയെ സിംസ് ആശുപത്രിയില്‍ എത്തിച്ചെങ്കിലും മരിച്ചതായി ഡോക്‌ടര്‍ സ്ഥിരീകരിക്കുകയായിരുന്നു(Chhattisgarh).
പോസ്റ്റ് മോര്‍ട്ടം റിപ്പോര്‍ട്ട് ലഭിച്ചാല്‍ മാത്രമേ കുട്ടി ബലാത്സംഗം ചെയ്യപ്പെട്ടിട്ടുണ്ടോയെന്ന് ഔദ്യോഗികമായി സ്ഥിരീകരിക്കാനാകൂവെന്ന് ബിലാസ്‌പൂര്‍ അഡീഷണല്‍ എസ്‌പി ഉമേഷ് കശ്യപ് പറഞ്ഞു. ഇതുപ്രകാരം തുടര്‍നടപടികള്‍ സ്വീകരിക്കുമെന്നും എസ്‌പി അറിയിച്ചു.
Also Read: 14 കാരിയുടെ ദുരൂഹ മരണം; അയല്‍വാസിക്കെതിരെ കേസെടുത്ത് പൊലീസ്
അതിനിടെ അധികൃതര്‍ പ്രതിയുടെ വീട് ഇടിച്ച് നിരത്താനുള്ള നടപടികള്‍ തുടങ്ങി. ഉദ്യോഗസ്ഥര്‍ വീട് സന്ദര്‍ശിച്ച് അളവുകള്‍ രേഖപ്പെടുത്തി. രേഖകളും പരിശോധിച്ചതായി തഹസില്‍ദാര്‍ അതുല്‍ വൈഷ്‌ണവ് അറിയിച്ചു. നിയമവിരുദ്ധമായാണ് വീട് പണിതതെങ്കില്‍ ഇടിച്ചുനിരത്തുമെന്നാണ് അധികൃതര്‍ അറിയിച്ചിരിക്കുന്നത്.
