ഹൈദരാബാദ്: ക്വാൽകോമിന്‍റെ ഏറ്റവും പുതിയ പ്രോസസറായ സ്‌നാപ്‌ഡ്രാഗൺ 4s Gen 2 പ്രവർത്തിക്കുന്ന ഷവോമിയുടെ പുതിയ സ്‌മാർട്ട്‌ഫോൺ റെഡ്‌മി എ4 5ജി ഇന്ത്യയിൽ അവതരിപ്പിക്കാനൊരുങ്ങുന്നു. ഈ പ്രോസസറുമായി എത്തുന്ന ഇന്ത്യയിലെ ആദ്യത്തെ സ്‌മാർട്ട്‌ഫോണാണ് ഷവോമി. ഇന്ത്യൻ മൊബൈൽ കോൺഗ്രസിലാണ് ക്വാൽകോമുമായി സഹകരിച്ച് റെഡ്‌മി എ4 5ജി പുറത്തിറക്കുന്നതായി ഷവോമി വെളിപ്പെടുത്തിയത്.
സ്‌നാപ്‌ഡ്രാഗൺ 4s Gen 2 പ്രോസസറിൽ പുറത്തിറക്കിയ ബജറ്റ് സ്‌മാർട്ട്‌ഫോൺ കൂടിയാണ് റെഡ്‌മി എ4 5ജി. 10,000 രൂപയിൽ താഴെയായിരിക്കും റെഡ്‌മി എ4 5ജിയുടെ വില എന്നാണ് വിവരം. കൂടാതെ 5G കണക്റ്റിവിറ്റി ആണ് ഫോണിന്‍റെ മറ്റൊരു ഫീച്ചർ.
Introducing the @RedmiIndia A4, featuring the Snapdragon 4s Gen 2! Experience affordable #5G, all-day battery, and an upgraded camera—because everyone deserves cutting-edge technology. 🔥 #5GForAll #IMC2024 #QualcommAtIMC2024 #ViksitBharat pic.twitter.com/1KiANQ8iWE
— Snapdragon India (@Snapdragon_IN) October 16, 2024
5G കണക്റ്റിവിറ്റി:
ഇത്തരം എൻട്രി ലെവൽ സ്‌മാർട്ട്‌ഫോണുകൾ ഉപയോഗിച്ച് ഇന്ത്യയിൽ 5G കണക്റ്റിവിറ്റി കൂടുതൽ തങ്ങൾ മെച്ചപ്പെടുത്താൻ ലക്ഷ്യമിടുന്നതായി ഷവോമി പറഞ്ഞു. അടുത്ത പത്ത് വർഷത്തിനുള്ളിൽ 700 ദശലക്ഷം സ്‌മാർട്ട്‌ഫോണുകൾ വിൽക്കാനാണ് ഷവോമി പദ്ധതിയിടുന്നത്. ഇന്ത്യയിലെ ദശലക്ഷക്കണക്കിന് ഉപഭോക്താക്കൾക്ക് വേഗതയുള്ള നെറ്റ്‌വർക്ക് എത്തിക്കുന്നത് വഴി രാജ്യത്തിന്‍റെ വളർച്ചയും സാധ്യമാകുമെന്നാണ് കമ്പനി പറയുന്നത്.
ഫീച്ചറുകൾ:
സ്‌നാപ്‌ഡ്രാഗൺ 4 Gen 2 പ്രോസസറിന് സമാനമായി സ്‌നാപ്‌ഡ്രാഗൺ 4s Gen 2 പ്രോസസറിൽ പ്രോസസിങ് നോഡ് ഉപയോഗിച്ചിട്ടുണ്ട്. 6.52 ഇഞ്ച് എച്ച്‌ഡി പ്ലസ് ഡിസ്‌പ്ലേയോടെയാണ് റെഡ്‌മി എ4 5ജി വരുന്നത്. ഫോണിന്‍റെ ഫീച്ചറുകൾ പരിശോധിക്കാം.
- ക്യാമറ: 50 എംപി പ്രൈമറി ക്യാമ, 2 എംപി ഡെപ്‌ത് സെൻസർ, 8 എംപി സെൽഫി ക്യാമറ
- ഡിസ്‌പ്ലേ: 6.52 ഇഞ്ച് എച്ച്‌ഡി പ്ലസ് ഡിസ്‌പ്ലേ
- 90Hz റിഫ്രഷ് റേറ്റ്
- പ്രോസസർ: സ്‌നാപ്‌ഡ്രാഗൺ 4s Gen 2 പ്രോസസർ
- 5G കണക്റ്റിവിറ്റി
We are excited to announce our latest collaboration with @qualcomm_in at the Indian Mobile Congress 2024
— Muralikrishnan B (@hawkeye) October 16, 2024
Introducing the global debut of #RedmiA45G, powered by #Snapdragon 4s Gen 2, making #5GForEveryone a reality!#IMC2024 @SaviSoin pic.twitter.com/g3fIceGcSV
റെഡ്‌മി എ4 5ജിയുടെ ഇന്ത്യയിലെ വില:
റെഡ്‌മി എ4 5ജി ഫോൺ ഉടൻ തന്നെ ഇന്ത്യയിൽ അവതരിപ്പിക്കുമെന്നാണ് ഷവോമി അറിയിച്ചിരിക്കുന്നത്. 10,000 രൂപയിൽ താഴെ മാത്രമായിരിക്കും റെഡ്‌മി എ4 5ജി ഫോണിന്‍റെ വിലയെന്നാണ് വിവരം. എന്നാൽ ഫോണിന്‍റെ കൃത്യമായ വില കമ്പനി ഇതുവരെ പുറത്തുവിട്ടിട്ടില്ല.
