ഹൈദരാബാദ്: കാത്തിരിപ്പിനൊടുവിൽ ഗൂഗിൾ പിക്‌സൽ 9 പ്രോയുടെ പ്രീ ബുക്കിങ് ഇന്ത്യയിൽ ആരംഭിച്ചു. 2024 ഓഗസ്റ്റിൽ ഗൂഗിൾ പിക്‌സൽ 9, 9 പ്രോ എക്‌സൽ, 9 പ്രോ ഫോൾഡ് എന്നീ മോഡലുകൾക്കൊപ്പമായിരുന്നു ഗൂഗിൾ പിക്‌സൽ 9 പ്രോ അവതരിപ്പിച്ചത്. ഫോണിന്‍റെ വില, സവിശേഷതകൾ, കളർ ഓപ്ഷനുകൾ തുടങ്ങിയവ കമ്പനി നേരത്തെ സ്ഥിരീകരിച്ചെങ്കിലും, ഇതുവരെ വിൽപ്പനയ്‌ക്കെത്തിയിരുന്നില്ല. ഗൂഗിൾ പിക്‌സൽ 9 പ്രോ സ്വന്തമാക്കാൻ ആഗ്രഹിക്കുന്നവർക്ക് ഫ്ലിപ്പ്കാർട്ട് വഴി മുൻകൂട്ടി ബുക്ക് ചെയ്യാവുന്നതാണ്.
ഗൂഗിൾ പിക്‌സൽ 9 പ്രോ ഓഫർ വിലയിൽ സ്വന്തമാക്കാം:
ഗൂഗിൾ പിക്‌സൽ 9 പ്രോയുടെ 16 ജിബി റാമും 256 ജിബി ഇന്‍റേണൽ സ്റ്റോറേജും വരുന്ന മോഡലിന്‍റെ വില 1,09,999 രൂപയാണ്. ഐസിഐസിഐ ബാങ്ക് ക്രെഡിറ്റ്/ഡെബിറ്റ് കാർഡ് വഴിയോ, ഇഎംഐ വഴിയോ വാങ്ങുന്നവർക്ക് 10,000 രൂപയുടെ ഇൻസ്റ്റന്‍റ് ക്യാഷ്ബാക്ക് ലഭിക്കും. ഇതോടെ 99,999 രൂപയ്‌ക്ക് ഗൂഗിൾ പിക്‌സൽ 9 പ്രോ ഇന്ത്യയിൽ ലഭ്യമാകും. ഇ കൊമേഴ്‌ഷ്യൽ വെബ്‌സൈറ്റായ ഫ്ലിപ്‌കാർട്ട് വഴി ഫോൺ മുൻകൂട്ടി ഓർഡർ ചെയ്യുന്നവർക്ക് 7,999 രൂപയ്‌ക്ക് ഓഫർ വിലയിൽ പിക്‌സൽ ബഡ്‌സ് പ്രോയും ലഭിക്കും.
ഫീച്ചറുകൾ:
- ഡിസ്‌പ്ലേ: 6.3 ഇഞ്ച് SuperActua LTPO OLED ഡിസ്‌പ്ലേ
- ടെൻസർ ജി4 ചിപ്‌സെറ്റ്
- ക്യാമറ: ട്രിപ്പിൾ റിയർ ക്യാമറ (50എംപി പ്രൈമറി സെൻസർ, 48എംപി അൾട്രാവൈഡ് ക്യാമറ, 5x ഒപ്റ്റിക്കൽ സൂമോടുകൂടിയ 48എംപി പെരിസ്‌കോപ്പ് ടെലിഫോട്ടോ ക്യാമറ, 42 എംപി സെൽഫി ക്യാമറ)
- 120Hz റിഫ്രഷ് റേറ്റ്
- 3,000 നിറ്റ് പീക്ക് ബ്രൈറ്റ്‌നെസ്
- ടൈറ്റൻ എം2 സുരക്ഷാ ചിപ്പ്
- ബാറ്ററി: 4700mAh ബാറ്ററി
- Qi വയർലെസ് ചാർജിങ്
- 45W ഫാസ്റ്റ് ചാർജിങ്
- IP68-റേറ്റിങുള്ള ഡസ്റ്റ്, വാട്ടർ റെസിസ്റ്റിവിറ്റി
- കണക്റ്റിവിറ്റി: വൈ ഫൈ, ബ്ലൂടൂത്ത് 5.3, NFC
- സ്റ്റോറേജ്: 16 ജിബി റാം, 256 ജിബി ഇന്‍റേണൽ സ്റ്റോറേജ്
