VIDEO : राहुल आवाडेंनी नूतन तृतीयपंथी नगरसेवकाचे 'नॅपकिन बुके' देऊन केले अभिनंदन

कोल्हापूर - मॅन्चेस्टर सिटी म्हणून ज्या इचलकरंजी शहराची ओळख आहे, त्याच शहरातील कष्टकरी मजुरांच्या हाताने तयार झालेल्या नॅपकिनद्वारे एक सुंदर बुके तयार करून तो काल राहुल आवाडे यांनी नूतन तृतीयपंथी नगरसेवक तातोबा हांडे यांना देत त्यांचे अभिनंदन केले. शिवाय हे इचलकरंजीचे प्रतीक म्हणून त्यांना दिले असून यापुढच्या काळात त्यांनी याच कष्टकऱ्यांचे, तसेच गोरगरीब लोकांचे प्रश्न आपल्यापरीने सोडविण्याचा प्रयत्न करावा, असेही ते म्हणाले. जवळपास 5 ते 6 पांढऱ्या रंगाचे नॅपकिन आणि मध्ये एक लाल रंगाचा नॅपकिन अशी सुंदर सजावट करून तयार केलेला बुके त्यांनी हांडे यांना दिला. नेहमीच फुलांनी सजवलेल्या बुकेपेक्षा हे काहीतरी वेगळे दिसत असल्याने याकडे अनेकांचे लक्ष वेधले होते.