Pm Modi Inauguration Pune Metro : पंतप्रधान नरेंद्र मोदींच्या हस्ते पुणे मेट्रोचे लोकार्पण, गरवारे ते आनंदनगर केला प्रवास

पुणे - पंतप्रधान नरेंद्र मोदी पुणे दौऱ्यावर आहेत. विविध प्रकल्पांचे उद्घाटन आणि भूमिपूजन त्यांच्या हस्ते होणार आहे. पंतप्रधान नरेंद्र मोदी यांनी पहिल्यांदा महापालिकेच्या आवारातील छत्रपती शिवाजी महाराजांच्या पुतळ्याचे अनावरण केले. त्यानंतर पंतप्रधान मोदींनी गरवारे मेट्रो स्टेशवरुन पुणे मेट्रोला हिरवा झेंडा दाखवला आहे. पंतप्रधान मोदींनी गरवारे स्टेशन ते आनंदनगर कोथरुड असा प्रवास केला. याप्रवासात पंतप्रधानांनी विद्यार्थ्यांशी संवाद साधला आहे. यावेळी राज्यपाल भगतसिंग कोश्यारी, उपमुख्यमंत्री अजित पवार, नगरविकासमंत्री एकनाथ शिंदे, मंत्री सुभाष देसाई, विरोधी पक्षनेते देवेंद्र फडणवीस, महापौर मुरलीधर मोहोळ आदी उपस्थित होते.