'नितीश कुमारांनी टोपी घालावी किंवा नमाज अदा करावी, मात्र सनातनींना रोखल्यास हिशोब होईल -गिरीराज सिंह

बेगूसराय : बिहारमधील बेगुसराय येथे पंतप्रधान नरेंद्र मोदी यांच्या 'मन की बात'च्या 100 व्या भागानिमित्त आयोजित कार्यक्रमात सहभागी होण्यासाठी आलेले बेगुसरायचे खासदार आणि केंद्रीय मंत्री गिरीराज सिंह यांनी गांधी येथील बागेश्वर बाबांच्या कार्यक्रमाला परवानगी नाकारल्याबद्दल प्रतिक्रिया दिली आहे. मुख्यमंत्री नितीश कुमार यांच्यावर त्यांनी जोरदार निशाणा साधला. ते म्हणाले की, मुख्यमंत्री नितीशकुमार यांनी टोपी घालून इफ्तारला जावे, नमाज पठण करावे, माझा आक्षेप नाही, पण सनातन धर्माच्या अनुयायांना अशा प्रकारे रोखले तर भारतातील सनातनही जागे होतील. तसेच, या प्रत्येक गोष्टीचा हिशोब होईल अशी तंबीच त्यांनी यावेळी दिली. जवाहर प्रसाद यांना अटक करून या सरकारला मुस्लिम व्होट बँक निश्चित करायची आहे असा आरोपही त्यांनी केला आहे. दरम्यान, धीरेंद्र शास्त्री यांना गांधी मैदान न दिल्याबद्दल सरकारवर हल्लाबोल केला आहे.