पिंपरी-चिंचवडमध्ये चार मोटारी जळून खाक

पिंपरी-चिंचवड शहरातील सांगवी परिसरात चार मोटारी जळून खाक झाल्या आहेत. ही घटना दुपारी अडीचच्या सूमारास घडली. घटना घडताच अग्निशामक वाहनांना पाचारण करत आग आटोक्यात आणण्यात आली. पोलिसांनी दिलेल्या माहितीनुसार, पिंपरी-चिंचवड शहरातील सांगवी परिसरात असणाऱ्या मयुरी नगरी येथे गॅस पाइपलाइनचे काम सुरू असताना झालेल्या घटनेत शेजारीच पार्क केलेल्या चार मोटारी जळून खाक झाल्या आहेत. ही घटना दुपारी अडीचच्या सूमारास घडली. तातडीने अग्निशामक दलाच्या जवानांनी घटनास्थळी धाव घेऊन आग आटोक्यात आणली, अशी माहिती सांगवी पोलिसांनी दिली आहे. या घटनेत कोणीही जखमी झालेले नाही. या प्रकरणी सांगवी पोलीस अधिक तपास करत आहेत.