ठाण्यात अवैध फेरीवाल्यांवर कारवाई सुरू असताना सहाय्यक आयुक्तावर हल्ला

ठाणे - ठाणे महानगरपालिका हद्दीतील माजिवडा मानपाडा प्रभाग समितीच्या सहाय्यक आयुक्त कल्पिता पिंपळे यांच्यावर फेरीवाल्याने हल्ला केला आहे. अवैध फेरीवाल्यांवर कारवाई सुरू असताना हा हल्ला झाला. या अधिकाऱ्यावर ठाण्यातील वेदांत रुग्णालयात उपचार सुरू आहे. आरोपीला पोलिसांनी ताब्यात घेतले आहे. या घटनेत सुरक्षा रक्षक देखील जखमी झाला आहे.